07 Dhjetor 2019

Policia arreston dy mashtrues me uniform te KEDS-it

Pejë, 2 nëntor - Sot në stacionin policor në Pejë, shtetasi viktimë ka raporton se dy të dyshuari punëtor të KEDS-it të veshur me uniform te KEDS-it, kanë shkuar në shtëpin e tij dhe i kanë thënë ‘Ti po harxhon rrymë shume’.Viktima është përgjigjur se e ka nxemjen qendrore me rrymë dhe kjo është arsyeja pse faktura është e madhe.

Të dyshuarit nga viktima kanë kërkuar, secili nga 100 euro. Viktima ka pranuar oferten e të dyshuarve dhe pasi e kanë lënë vend takimin me të dyshuarit për dhënjen e parave, ka raportuar rastin në stacionin policor në Pejë.

Lidhur me rastin është konsultuar Prokurori i shtetit për krime të rënda dhe pas një pune operativo-hetimore, Njesiti i Hetimeve të dyshuarit i ka zënë në flagrancë, pasi kanë marr paratë nga viktima.

Të dyshuarit, shtetasit G.G. i lindur vitin 1965 m/k/sh dhe B.Th. ilindur 1974 m/k/sh janë arrestuar dhe pasi janë intervistuar me urdhër të Prokurorit të shtetit ju ka caktuar masa e ndalimit policor 48 orë dhe ndaj tyre do të ndërmirren masa adekuate ligjore.

Kalendari

Ngjarjet e datës 7 dhjetor 2019 - Këshilli Gjyqësor i Kosovës organizon Konferencën e Nëntë Gjyqësore në të cilën do të marrin pjesë tërë struktura e sistemit të drejtësisë në Kosovës për të diskutuar temën: “Të arriturat dhe sfidat e sistemit gjyqësor gjatë vitit 2019”. (Hotel Emerald, ora 9:30)

- Federata e pingpongut të Kosovës do të organizojë turneun më të fortë të vitit 2019,  TOP 12 për Seniorët më të mirë, me të cilat edhe përmbyllen garat për vitin 2019. (Palestra e sporteve në Prishtinë, ora 10:00)

- Federata e Futbollit e Kosovës organizon turneun final të projektit “Rekrutimi i vajzave të reja në futbollin e organizuar” nën moton “Ti mund ta bësh – You Can Do It”, ku do të marrin pjesë ekipet fituese të turneve të mbajtur në 13 komuna. (Kompleksi “Sopa Sport” në Lipjan, ora 10:15)

- Rrjeti i Grave të Kosovës mbledhë 158 organizatat anëtare, përkrahësit individual, partnerët, miqtë, dhe përfaqësuesit e mediave në Kuvendin e 17-të Vjetor të Anëtareve. (Hotel Sirius, ora 10:30)

- Misioni i OSBE-së organizon konferencë ku do të prezantojë aktivitetet që Misioni ka organizuar gjatë vitit 2019 me të rinj, siç janë Akademia e OSBE-së për Dialog, Deklarata Ndër-Komunale për Dialog ndërmjet Komuniteteve, si dhe Lojërat Mini-Olimpike për Njerëz me Nevoja të Veçanta, të cilat kanë sjellë së bashku të rinj nga komunitete të ndryshme. (Hotel Swiss Diamond, ora 11:30)

- Gecjan Fashion Group sjellë për të 13-in Vit me radhë, ngjarjen më të madhe të modës në rajon “Kosova International Fashion Week 2019”. (Salla e panaireve në Shkabaj, ora 18:00)