21 Nëntor 2019

Peja proteston kundër projektit të hidrocentraleve në Lumbardh

Pejë, 25 shkurt - Sot në sheshin e qytetit te Pejës komuniteti i banorëve të Rugovës organizon protestë në kundërshtim të projektit të hidrocentraleve në Lumbardh. 

Kelkos Energy Peja është kompania që Qeveria thotë se do të investojë rreth 97 milionë euro në ndërtimin e hidrocentraleve në Pejë.

Sipas shoqërisë civile, dëshmi se natyra do të dëmtohet është edhe fakti se kompania e njëjtë ka shkatërruar grykën e Deçanit vite më parë, kur nisi ndërtimin e hidrocentraleve atje.

Shoqata të shumta, sikur ajo e peshkatarëve dhe bjeshkatarëve, kanë dalë gjithashtu kundër këtij projekti të qeverisë.

Lëvizja Vetëvendosje i ka kërkuar qeverisë që të tërhiqet nga projekti, që e kanë vlerësuar tejet të dëmshëm për banorët e kësaj pjese.

Projekti për ndërtimin e disa hidrocentraleve në Pejë nga kompania austriake, ishte nënshkruar gjatë qeverisjes së Ali Berishës së AAK-së.

Komuniteti i banorëve të Rugovës, mbështetur nga organizata të shoqërisë civile, do të protestojë të hënën në mesditë kundër projektit.

Kur ndërtohen hidrocentrale, pasojat mjedisore mund të jenë të mëdha dhe lidhen me ndërhyrje në natyrë, ndryshim të rrjedhës së ujit, si dhe rritet mundësia për thatësi dhe mungesë të ujit të pijes

 

Kalendari

Ngjarjet e datës 22 nëntor 2019 - UBT në bashkëpunim me Institutin Shkencor Suedez-Kosovar do të mbajnë bashkërisht konferencën “30-vjetori i Rënies së Sistemit Komunist”. (Hotel Sirius, ora 9:00)

- Drejtoresha e misionit të USAID-it në Kosovë Lisa Magno do të flasë në hapjen e konferencës Vetë - Qeverisja Lokale në Kosovë - 20 Vjet. (Hoteli Swiss Diamond, ora ora 9:00)

- OJQ-Voice of Roma Ashkali and Egyptians - VoRAE organizojnë hapjen e ceremonisë të tri projekteve të financuara nga Roma Education Fund dhe Komisioni Evropian organizim ky i mbështetur nga Roma Versitas dhe Roma Education Fund, Kosovo së bashku me VoRAE. (Qendra Kulturore dhe Informative të BE-së në Prishtinë, ora 9:00)

- Instituti Demokratik të Kosovës organizon tryezën e diskutimit “Tejkalimi i sfidave të Kuvendit - nevoja për një Rregullore të re të punës”, në një diskutim të hapur me përfaqësues të partive politike parlamentare si dhe përfaqësues të organizatave vendore dhe ndërkombëtare. (Salla e konferencave Orion, ora 10:00)

- Në prag të 25 nëntorit, Ditës Ndërkombëtare për Eliminimin e Dhunës ndaj Grave, dhe fillimit të fushatës 16 Ditët e Aktivizmit, Misioni i OSBE-së në Kosovë do t’i prezantojë rezultatet e Anketës mbi Mirëqenien dhe Sigurinë e Grave në Kosovë. (Hotel Swiss Diamond, ora 11:00)

- Iniciativa për Histori Gojore përmes projektit të Programit të Kombeve të Bashkuara për Zhvillim “Dialogu ndërmjet komuniteteve përmes ruajtjes gjithëpërfshirëse të trashëgimisë kulturore”, financuar nga Instrumenti i Bashkimit Evropian që kontribuon në Stabilitet dhe Paqe, do të lansojnë aplikacionin mobil 'Janjeva Ecë'. (Restoran 2000 në Janjevë, ora 11:00)

- Grupi për Studime Juridike dhe Politike organizon konferencën për media me temë “Vetingu: Mënyra e vetme për të siguruar pavarësinë e plotë të sistemit të drejtësisë në Kosovë”. (Qendra e Konferencave Orion, ora 11:00)

- Komuniteti Merakli t'kerreve organizon protestë kundër rritjes së cmimeve për sigurimin e veturave. (Rr. Luan Haradinaj, pran Bankes Qendrore të Kosovës, ora 13:00)

- Promovohet libri "Profili i Bjeshkëve të Nemuna’’ nga Profesor Sadri A Lokaj. (Salla e Asamblesë Komunale në Deçan, ora 14:00)

- Universiteti “Kadri Zeka” në Gjilan dhe Universiteti “Hasan Prishtina” në Prishtinë, në mbështetje të Aktivitetit të USAID-it Drejtësia Vlen dhe në bashkëpunim me Odën e Avokatëve të Kosovës, organizojn diskutim në lidhje me “Klinikat Jurdike me raste reale”. (Salla A34 në Universitetin e Gjilanit, ora 14:00)

- Shoqata e Malazezëve të Kosovës organizon shfaqjen e leximit skenik të dramës “Flora”. (Qendra e zhvillimit Malazezeve në Arbëri ish Dragodan, rruga Eduard Lir 4, ora 19:00)