21 Maj 2019

Pastrohen hapësirat afër shkollës "Model" dhe hekurudhës

Prishtinë, 12 nëntor - Mbi 100 thasë me mbeturina janë larguar sot në aksionin e radhës të pastrimit në Prishtinë, që u realizua në kuadër të Fushatës më të madhe për mjedisin “Ta Pastrojmë Kosovën”.

Aksioni i sotëm u realizua përreth hapësirave të Shkollës “Model” si dhe afër hekurudhës që gjendet në afërsi të shkollës.

Përveç ekipit të Let’s Do It, aksionit iu bashkuan edhe rreth 100 nxënës të Shkollës “Model”, mësues si dhe drejtori i Shkollës.

Besnik Shabiu nga Let’s Do It ka thënë se mobilizimi i sotëm i nxënësve të Shkollës “Model” është shembull i mirë se si të gjithë duhet ta ruajmë mjedisin.

“E falënderoj drejtorin e shkollës “Model”, i cili bashkë me nxënësit dhe stafin po e jep një model të mirë për të gjithë qytetarët e Kosovës, se si secili prej nesh mund të kujdeset për mjedisin. Është për t’u përshëndetur ky mobilizim i nxënësve të shkollës “Model“ sot të cilët po japin një mesazh të mirë për të gjithë neve."

"Let’s Do It është çdo ditë në terren duke luftuar një qasje armiqësore që është krijuar karshi mjedisit, dhe pasojat e asaj qasjeje jemi duke i  bartë çdo ditë. Është koha e fundit që të ndryshojmë këtë mendësi dhe të punojmë bashkë për ruajtje të mjedisit”, ka thënë Shabiu.

Ndërsa, drejtori i Shkollës “Model”, Liridon Maliqi ka thënë se Fushata “Ta Pastrojmë Kosovën” po luan një rol të rëndësishëm për sensibilizimin e masës për ruajtjen e mjedisit.

“Jemi së bashku me zyrtarët e organizatës Let’s Do It Kosova, së bashku me kampanjën e organizuar “Ta Pastrojmë Kosovën”. Kjo kampanjë është duke luajtur një rol të rëndësishëm për sensibilizimin e masës për ruajtjen e ambientit. Besojmë që pas kësaj kampanje do na vie një mjedis më i pastër dhe do të kemi një ajër më të pastër. Duhet të kemi kujdes për ambientin, edhe për shkak të shëndetit tonë”, ka thënë Maliqi.

Mbeturinat e mbledhura sot u larguan nga Kompania “Pastrimi”.

Po ashtu, edhe sot vazhdoi aksioni me makineri për pastrimin e deponive ilegale të mbeturinave në Parkun e Gërmisë.

Në kuadër të Fushatës “Ta Pastrojmë Kosovën” përveç aksioneve të pastrimit, po organizohen edhe aktivitete të tjera me qëllim të ngritjes së vetëdijes së qytetarëve për rëndësinë e ruajtjes së mjedisit.

Në Istog dhe në Podujevë tashmë janë mbajtur trajnime me mësimdhënës “Ngritja e kapaciteteve të mësimdhënësve në fushën e mjedisit jetësor”, në bashkëpunim me MASHT-in, që synojnë rritjen e fokusit të mësimdhënësve në temat që lidhen me edukimin mjedisor si dhe zhvillimin e aktiviteteve konkrete që promovojnë rëndësinë e ruajtjes së mjedisit jetësor.

Fushata “Ta Pastrojmë Kosovën” ka filluar më 15 shtator, ndërsa zgjat deri më 15 dhjetor.
 

Kalendari

Ngjarjet e datës 21 maj 2019 - Komisioni Qendror i Zgjedhjeve mban mbledhjen e radhës. (Selia e KQZ-së, ora 9:00)

- Komiteti për Politik dhe Financa i Komunës së Rahovecit mban mbledhjen e pestë të rregullt në të cilen shqyrton Qarkoren e parë buxhetore të Ministrisë së Financave. (Salla e mbledhjeve të Kuvendit të Komunës së Rahovecit, ora 10:00)

- Ministri i Punës dhe Mirëqenies Sociale, Skender Reqica dhe Avokati i Popullit raportojnë para komisionit për të Drejtat e Njeriut, Barazi Gjinore, për Persona të Pagjetur dhe Peticione lidhur me çështjen e statusit të personave të plagosur në Kosovë, para periudhës së luftës. (Ndërtesa e Kuvendit, salla N 302, ora 10:00)

- Forumi Ekonomik Mbarëkombëtar, në mbështetje të Klubit të Prodhuesve të Kosovës, Dhomës së Tregtisë dhe Industrisë në Tiranë, Odës Ekonomike të Kosovës dhe Bashkimit të Prodhuesve Shqiptarë organizon konferencën “Mundësitë dhe sfidat e marrëdhënieve tregtare Kosovë- Shqipëri”, konferencë kjo e cila do të adresojë problemet dhe barrierat tregtare që prodhuesit e dy të dy vendeve janë duke i hasur. (Hotel Tirana International në Tiranë, ora 10:30)

- “Let’s Do It” organizon aksion për pastrimin e deponisë më të madhe në Rajonin e Pejës, në fshatin Dydesh. (Fshati Dydesh, ora 10:30)

-  Projekti “Mbështetja e Komunikimit të Procesit të Integrimit Evropian”, I financuar nga Zyra e Bashkimit Evropian në Kosovë, në bashkëpunim me Ministrinë e Integrimit Evropian, organizon panel diskutimime temën: Prodhimi vendor dhe tregu i BE-së. (Ndërtesa e Kuvendit Komunal të Kamenicës, ora 10:30)

- Mbahet seancë e veçantë e Kuvendit të Republikës së Kosovës në të cilën do të përkujtohet 20 vjetori i Masakrës në Burgun e Dubravës. (Kuvendi i Kosovës, ora 11:00)

- Ministri i Mjedisit dhe Planifikimit Hapësinor, Fatmir Matoshi do të pres në takim kryetarët e komunave: Prizren, Podujevë, Shtërpc, Obiliq dhe Novobërdë, me të cilët do të nënshkruajë Memorandume të Bashkëpunimit për realizimin e disa projekteve mjedisore të cilat financohen nga Ministria e Mjedisit dhe Planifikimit Hapësinor. (Kabineti i Ministrit Matoshi, ish objekti Rilindja, kati 17, ora 11:00)

- Kryetari i komunës së Istogut, Haki Rugova pret në takim zëvendës ambasadorin bullgar në Kosovë ku do të bëje nënshkrimin e një marrëveshjeje për financimin e një projekti në qerdhën “Gëzimi Ynë” në Istog. (Zyra e krytarit Rugova, ora 11:30)

- Mbahet mbledhja e komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të votohet vendimi i Qeverisë me të cilin autorizohet Komisioni Qeveritar për Privatizimin e Ndërmarrjes Publike "Telekomi i Kosovës". (Ndërtesa e Kuvendit, salla N 10, ora 12:00)

- Universiteti “Kadri Zeka” në Gjilan organizon promovimin e katër librave të profesorëve  të Fakultetit të Edukimit ne UKZ: “Poetika e këngës epike historike”  autore Nevrije Bislimi-Ismaili, “As engjëlli, as djall” autor  Merxhan Avdyli, “Kurrikula dhe të menduarit kritik” autor Mensur Neziri dhe libri “Kërkime në leksikun e Pjetër Bogdanit” i autorit Faton Krasniqi. (Salla A34 në Universitetin “Kadri Zeka” në Gjilan, ora 12:00)

- Mbahet mbledhja e komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit në të cilën do të shqyrtohet raportit vjetor i Komisionit Qëndror të Zgjedhjeve për vitin 2018, etj. (Ndërtesa e Kuvendit, salla C 203, ora 13:00)

- Kryetari i Komunës së Prizrenit Mytaher Haskuka do të bëjë përurimin e parkut dhe këndit të lojërave për fëmijë. (Prapa Shtëpisë së Bardhë në Prizren, ora 13:00) 

- Mbahet mbledhja e komisionit për Bujqësi, Pylltari, Zhvillim Rural, Mjedis e Planifikim Hapësinor në të cilën do të shqyrtohet Projektligjit për mbrojtjen e ajrit nga ndotja. (Ndërtesa e Kuvendit, salla N 303, ora 13:00)

- Ministri i Infrastrukturës dhe Transportit Pal Lekaj merrë pjesë në përurimin e urës së fshatit Topanicë, komuna e Kamenicës. (Fshati Topanicë, rruga Crep - Kamenicë, kilometri i parë, ora 15:00)

- Mbahet Akademi përkujtimore në nderim të 20 vjetorit të rënies së dëshmorëve Kemal Thaqi e Ekrem Gudaqi dhe martirëve të rënë më 21 maj të vitit 1999, Hanife Jaha, Selvije Krivanjeva, Hanife Gudaqi, Ramush Jaha, Baki Bela, Ibush Rrushi, Ramadan Dashi, Fahri Mani, Bahrije Elezi, Sevdije Guri, Hamdi Dashi, Brahim Dashi dhe Fitim Gudaqi. (Shtëpia e Kulturës “Xheladin Kurtaj” në Kaçanik 16:00)