21 Janar 2020

OJQ-të që mbrojnë mjedisin informohen mbi dhënien e granteve

Prishtinë, 19 shtator - Në kuadër të Javës për Zhvillim të Qëndrueshëm në Kosovë (KSDW), Balkan Green Foundation dhe Instituti për Politika Zhvillimore (INDEP), organizon eventin që thekson të arriturat dhe ndikimin në komunitet nga projekti “Empower – Engage Build Ownership” (EEBO) i mbështetur nga Zyra e Bashkimit Europian në Kosovë.  

Qëllimi i kësaj ngjarje është të theksohet rëndësia e mbështetjes së veprimeve konkrete të OJQ-ve lokale në fushën e mbrojtjes së mjedisit, energjisë së gjelbër dhe ekonomisë qarkore - veprime të cilat drejtpërdrejt përqendrohen të kontribuojnë në të mirën e komunitetit.

Gjithashtu gjatë ngjarjes do të ofrohen informata mbi skemën e dhënies së granteve për organizata joqeveritare në kuadër të projektit në fjalë që do të shpallet gjatë muajit Tetor 2019.

Thelbi i projektit EEBO është dhënia e granteve, e ndarë në tri thirrje, që mbështet gjithsej 59 ide projektesh të implementuara nga OJQ vendore në shumën prej gjithsej 355,000 EUR.

Gjatë ngjarjes, sukseset nga dy thirrjet e kaluara do të shpalosen, dhe do të bëhet njoftimi mbi thirrjen e tretë pasuese.

Thirrja e tretë do të mbështesë gjithsej 20 OJQ me aktivitete projekti në fushën e zhvillimit të qëndrueshëm.

Për më tepër, ngjarja do të shërbejë si një mundësi rrjetëzimi midis OJQ-ve lokale, komunitetit të donatorëve, dhe palëve të interesuara përkatëse, dhe në fund të ngjarjes, mësime falas për biçikleta do të ofrohen nga një prej nën-përfituesve të projektit EEBO.

Kalendari

Ngjarjet e datës 21 janar 2020 - Komuna e Rahovecit mban mbledhjen e parë të rregullt të Komiteti për Politik dhe Financ. (Salla e mbledhjeve të Kuvendit Komunal të Rahovecit, ora 10:00)

- Me rastin e 14-vjetorit të vdekjes së Presidentit Historik Dr. Ibrahim Rugova bëjnë homazhe te varri i tij. (Velani, ora 10:30) 

- Kryeministri në detyrë Ramush Haradinaj bën homazhe te varri i ish-Presidentit të Kosovës, Ibrahim Rugova, në përvjetorin e vdekjes së tij. (Velani, ora 10:30)

- Anëtarë të Kryesisë së Lidhjes Demokratike vizitojnë Familjen Rugova. (Velani, ora 10:45)

- Qendra e Lëvizjes në Prishtinë mban konferencë për media në lidhje me projektet e ndërtimit në Liqenin e Badovcit. (Qendra e Lëvizjes në Prishtinë, ora 11:00)

- Komuna e Prishtinës shënon Ditën e Arkivit me promovimin e katallogut të dokumenteve Osmane në Arkivin Komunal të Prishtinës. (Salla e Kuvendit Komunal, ndërtesa e vjeter e Komunës, ora 11:00)

- Prokuroria Themelore në Prizren mban konferencë për media ku do të prezantohet raporti i punës për vitin 2019 dhe objektivat e kësaj prokurorie për vitin 2020. (Zyra e Kryeprokurorit në Prokurorinë Themelore në Prizren, rruga William Walker, ora 11:00)

- Lidhja Demokratike e Kosovës organizon Akademi Përkujtimore për Presidentin Historik Dr. Ibrahim Rugova. (Hotel Emerald, ora 12:00)

- Mbahet mbledhja e Kryesisë të Lidhjes Demokratike e Kosovës. (Selia e LDK-së, ora 14:00)

- Fondacioni Kosovar Trashëgimia Kulturore pa Kufij, CHwB Kosova organizon prezantimin e librit "Qyteti në Miniaturë". (Shkolla speciale për të verbër në Pejë, ora 14:00)

- Komuna e Gjilanit organizon Akademi Përkujtimore për Presidentin Historik Dr. Ibrahim Rugova. (Teatri i qytetit te Gjilanit, ora 16:30)

- Komuna e Rahovecit organizon debat publik me banor të fshatit Opterushë dhe fshatrave për rreth për krijimin e Zonës Ekonomike. (Objekti i Shkollës Fillore të Mesme të Ulët ”Lidhja e Prizrenit” në fshatin Opterushë, ora 17:00)