05 Dhjetor 2022

Nis studimi i fizibilitetit per projektin e Koogjenerimit

Prishtinë, 25 maj - Me qëllim të fillimin të fazës së rishikimit të studimit të fizibilitetit, sot në ambientet e Ngrohtorja e Qytetit “Termokos”, u mbajt takim i përbashkët mes kompanisë konsulente IPF e cila do të bëj studimin e fizibilitetit për Projektin e Koogjenerimit dhe përfaqësuesve të Bankës Gjermane, KWF, ECLO, Bordit të Termokosit, MEM, KEK, etj.

Me këtë nënkuptohet që pas fazës së fizibilitetit, të realizohet brenda 24 muajve ëndrra e kamotshme e prishtinasve për të pasur ngrohje standarde përmes prodhimit të energjisë së kombinuar elektrike dhe termike nga Termocentrali Kosova B.

Kryesuesi nga kompania IPF, Ole Johanson, bëri të ditur se me fillimin e rishikimit të studimit të fizibilitetit, për Termokos do të nis një fazë e re drejt realizimit të projektit  për prodhimin e energjisë së kombinuar elektrike dhe termike –koogjenerimi ku nga KEK do të mirret uji i nxehtë për të ngrohur qytetin e Prishtinës.

Ole i njoftoi të pranishmit me ekipin e punës i përbërë nga ekspert vendor dhe të huaj të energjetikës dhe financave të cilët do të punojnë që deri në muajin shtator të përgatisin studimin e fizibilitetit për këtë projekt.

Nga ana e saj, kryeshefja Ekzekutive e NQ “Termokos”, Fëllanze Pula, falënderoi të pranishmit dhe e quajti të rëndësisë jetike jetësimin e një projekti të tillë, i cili nënkupton eliminimin njëherë e mirë të mazutit nga prodhimi dhe kësisoj lidhjen me prodhimin e energjisë së kombinuar elektrike dhe termike nga KEK-u.

Në këtë takim, ekspertët e fushës energjetike vlerësuan se studimi për një projekt të tillë dhe finalisht projekti i Koogjenerimit nënkupton një rëndësi të veçantë jo vetëm për konsumatorët, që janë përfitues të drejtpërdrejtë, por edhe për  Qeverinë lokale dhe qendrore, Termokos dhe KEK.

IPF pas procesit të studimit të fizibilitetit, e dorëzon atë para Bankës gjermane e cila të njëjtin do ti dorëzoi si kërkesë Qeverisë gjermane për aprovim dhe financimin e këtij projekti.

Bankës gjermane i nevojitet nënshkrimi i marrëveshjeve me institucionet vendore qendrore dhe komunale në mënyrë që të dërgoj kërkesën për aprovim në Qeverinë Gjermane për financimin e projektit të koogjenerimit dhe një gjë e tillë sipas Ganimete Huruglicës nga KFW, nuk pritet të bëhet deri në fund të vitit.

Objektivi kryesor i cili synohet te arrihet përmes projektit të Koogjenerimit, është furnizimi i qëndrueshëm dhe kualitativ i ngrohjes për qytetin e Prishtinës, me çmime konkurruese konform edhe gjendjes sociale te popullatës. Objektiv tjetër është optimalizimi i furnizimit me ngrohje për qytetin e Prishtinës, fillimisht për ngarkesën maksimale ekzistuese e ne fazën e dyte edhe zgjerimi i rrjetit (kapacitetit) dhe rritja e numrit te konsumatorëve.

Komisioni Evropian dhe Banka Gjermane do të investojë në projektin për prodhimin e energjisë së kombinuar elektrike dhe termike –koogjenerimi ku nga KEK do të marrin ujin e nxehtë për të ngrohur qytetin e Prishtinës.

Termokosi do të  filloi rehabilitimin e pjesës ekzistuese të rrjetit të  ngrohjes qendrore dhe nënstacioneve termike, me qëllim që të  përgatitet për jetësimin e projektit madhor të prodhimit të  energjisë së kombinuar elektrike dhe termike nga KEK-u. 

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Ministrja e Drejtësisë, Albulena Haxhiu do të bëjë lansimin e Protokollit Shtetëror për Trajtimin e Rasteve të Dhunës. (Hotel Emerald, ora 11:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Zëvendësministri i Drejtësisë, Blerim Sallahu, do të hapë ekspozitën e të burgosurve rreth rasteve të Dhunës në Familje. (Hollin e Ministrisë së Drejtësisë, ish objekti Rilindja, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)            


- Komisioni Qendror i Zgjedhjeve mban mbledhjen e radhës. (Objekti i KQZ-së, ora 16:30)