23 Janar 2019

Ministrja Reshitaj premton të nderprejë të gjitha lejet e reja për hidrocentrale


Prishtinë, 13 maj - Ministrja e Mjedisit dhe Planifikimit Hapësinor, Albena Reshitaj, u takua me përfaqësues nga Environmentally Responsible Action (ERA) group, Fatos Lajçi - Drejtor Ekzekutiv dhe Ellen Frank-Lajqi - Drejtoreshë e Programeve për të diskutuar situatën rreth zhvillimit të hidrocentraleve në Kosovë.

 ERA u bashkua në takim nga partneri i tyre i ngushtë FIQ, i përfaqësuar nga Dajana Berisha - Drejtoreshë Ekzekutive, si dhe anëtarë të kabinetit të Ministrit dhe përfaqësues nga Uji, Inspektimi, Planifikimi Hapësinor dhe Mjedisi.

Gjatë takimit, Ministrja Reshitaj shprehu shqetësimin për gjendjen aktuale të ujit të Kosovës, përfshirë gjendjen e lumit Lumbardhi i Decanit pas ndërtimit të hidrocentraleve të reja dhe pakënaqësinë që hulumtimi i fundit mbi burimet e ujit të freskët të Kosovës (sipër dhe poshtë) u krye në vitin 1984.

Si rezultat, Ministrja Reshitaj ka premtuar të nderprejë të gjitha lejet e reja të hidrocentraleve në Kosovë derisa të përfundojë një studim i ri mbi burimet ujore të Kosovës që mat ujin sipër dhe nën tokë. Po ashtu ajo ka formuar një komision që do të rishikojë të gjitha lejet e mëparshme që janë dhënë për hidrocentralet, si dhe është duke punuar drejt një administrate më efikase.

Kohët e fundit ERA group së bashku me organizata të tjera lokale nga Peja i mobilizuan komunitetet në Deçan, veçanërisht Lloqan, për të ushtruar presion ndaj qeverisë për të ndalur zhvillimin e një hidrocentrali të ri në Grykë të Lloqanit.

Si rezultat, Ministria refuzoi të pranojë Vlerësimin e Ndikimit në Mjedis për projektin, anuloi Pëlqimin Mjedisor dhe premtoi se asnjë hidrocentral të ri nuk do të ndërtohet brenda Parqeve Kombëtare siq parashihet edhe sipas ligjit.

ERA group ka bërë fushatë kundër hidrocentraleve të paqëndrueshme në Kosovë dhe zhvilloi premierën e Kosovës të filmit "Blue Heart" më 10 maj në Kino ABC, Prishtinë. Blue Heart dokumenton betejën për lumin më të madh në Evropë-Vjosa e Shqipërisë-përpjekjet për të shpëtuar Rreqebullin e rrezikuar të Ballkanit në Maqedoni dhe gratë e Kruščica, Bosnje dhe Herzegovinës, të cilat po mbajnë një protestë 24-orëshe për një muaj, për të mbrojtur burimin e vetëm të ujit të freskët të komunitetit.

Blue Heart po shfaqet në mbi 500 vende në mbarë botën dhe së shpejti do të shfaqet edhe për publikun në Deçan. 

Kalendari

Ngjarjet e datës 24 janar 2019  - Projekti i financuar nga Bashkimi Evropian “Mbështetje Kodit Civil – faza 2”, i cili po mbështetë Ministrinë e Drejtësisë organizon ngjarjen “Rruga drejt një Kodi Civil modern të Kosovës,”. (Amfiteatri i Madh në ndërtesën e re të Qeverisë, ora 9:30)

- Shefja e Zyrës së BE-së në Kosovë, Nataliya Apostolova do të marrë pjesë në ceremoninë e dorëzimit të Kodit të ri Civil për Kosovën në Ministrinë e Drejtësisë. (Amfiteatri i Madh në ndërtesën e re të Qeverisë, ora 10:00)

- Ministria e Mbrojtjes dhe Ushtria e Kosovës organizojnë aksionin humanitar për dhurimin vullnetar të gjakut për nevojat e Qendrës Kombëtare të Kosovës për Transfuzion të Gjakut. (Komanda e  Forcave Tokësore të FSK-së, kazerma “Adem Jashari” në Prishtinë, ora 10:00)

- Ministri i Infrastrukturës dhe Transportit, Pal Lekaj pret në takim kryetarin e komunës së Prishtinës, Shpend Ahmeti, me të cilin do të nënshkruaj marrëveshje bashkëpunimi. (Kabineti i ministrit te Infrastrukturës dhe Transportit, ora 10:00)

- Lëvizja Vetëvendosje! shënon 100 vjetorin e vdekjes së Ismail Qemalit me homazhe tek shtatorja në Prishtinë. (Prishtinë, ora 10:30)

- Mbahet mbledhja e Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi në të cilën do të diskutohet lidhur me kërkesën e Rektorëve të Universiteteve Publike rreth programeve të pa akredituara. (Ndërtesa e Kuvendit, salla N 303, ora 11:00)

- Me rastin e 90 vjetorit të lindjes së regjisores së mirënjohur të kinemasë shqiptare Xhanfise Keko, nën patronatin e Ministrisë së Kulturës dhe Ambasadës së Shqipërisë, do të shfaqet premierë filmi dokumentar "Koha e pelikulës" i regjisorit Mevlan Shanaj, dedikuar artistes që ia kushtoi krijimtarinë, botës së madhe të fëmijëve të vegjël. (Kino ABC, ora 11:00)
 
- Kryeministri Ramush Haradinaj vizitë pune në ndërmarrjen “Fox Marble”. (Fshati Poturovc në Lipjan, ora 12:30)

- Komisioni për Punë të Jashtme, Diasporë dhe Investime Strategjike, do të mbajë mbledhjen e radhës, në të cilën do te shqyrtohet draft-Planit të punës së Komisionit për vitin 2019. (Ndërtesa e Kuvendit, salla N-302, ora 13:00)

- Mbahet takimi i përbashkët i Këshillit Gjyqësor të Kosovës dhe Këshillit Prokurorial të Kosovës. (Objekti i Sekretariatit të Këshillit Gjyqësor të Kosovës, Rr. “Luan Haradinaj”, ora 14:30)

- Jepet shfaqja “I vetëm në banesë” i autorit gjilanas Avni Shkodra, me regji të Natyra Kallabës, kurse do të luajnë aktorët e Tetarit të Gjilanit. (Teatri i qyteti te Gjilanit, ora 19:00)