13 Nëntor 2019

Ministrja Pula kërkon shpejtimin tenderit TC “Kosova e Re”

Prishtinë, 19 korrik - Komiteti Drejtues i Projektit të Termocentralit “Kosova e Re” ka mbajtur sot takimin e radhës ku diskutoi për hapat e shpejta që duhet të ndërmerren për finalizimin e përgatitjeve për pakon tenderuese për këtë projekt.

Ministrja e Energjisë dhe Minierave Justina Shiroka-Pula, në cilësinë e kreut të KD-së ka njoftuar anëtarët e Komitetit Drejtues mbi punën intensive të javëve të fundit për të tejkaluar rezervat e Komisionit Evropian mbi Konceptin e Modelit të Rishikuar të Tregut të Energjisë Elektrike të ofruar nga Këshilltarët ndërkombëtarë të financuar nga Banka Botërore dhe USAID-i.

Për këtë çështje Ministrja Pula dhe përfaqësues të institucioneve të tjera relevante janë takuar disa herë me përfaqësuesit e Komisionit Evropian.

Ministrja ka kërkuar edhe një herë nga Këshilltarët e Transaksionit të jenë të vëmendshëm ndaj obligimeve që ka Kosova në rrugën e integrimit Evropian, obligime që lidhen me domosdoshmërinë e zbatimit të Acquis të BE-së për energjinë, mjedisin dhe konkurrencën. 

“Këshilltarët e transaksionit duhet të kenë parasysh kërkesat e Programit të Qeverisë dhe Strategjisë së Energjisë 2009-2018, të dyja këto dokumente të rëndësishme të miratuara nga Kuvendi i Republikës së Kosovës”, ka thënë Ministrja Pula.

Ministrja dhe të gjithë anëtarët e Komitetit Drejtues theksuan synimin e këtij Komiteti për të finalizuar draftin e Kërkesës për Propozime deri në fund të muajit korrik 2010. Ky draft do t’i paraqitet më pas Qeverisë për miratim dhe do t’i dërgohet në fillim të muajit gusht katër konsorciumeve të shortlistuara për projektin “Kosova e Re”.

Komiteti Drejtues i TC Kosova e Re në këtë takim ka diskutuar edhe çështjet lidhur me:

·    Vlerësimin e TC Kosova B dhe mënyrën e identifikimit të masës së aksioneve të Kosovës në TC Kosova e Re si rezultat i përfshirjes e TC Kosova B në TC Kosova e Re,

·    Vlerësimin e aseteve të mihjes së Re të Sibovcit dhe pjesëmarrjen sa më të madhe të Kosovës në partneritetin publik privat për zhvillimin e mëtejshëm të kësaj mihjeje,

·    Kërkesën për miratimin në Qeveri të konceptit të ndryshuar të modelit të tregut të energjisë elektrike pas vërejtjeve të Komisionit Evropian dhe vazhdimin menjëherë të punës për disajnimin e plotë të modelit të këtij tregu në përputhje edhe me kërkesat e Traktatit për Komunitetin e Energjisë, dhe

·    Kërkesën për përfshirjen në Projektin “Kosova e Re” të prodhimit të kombinuar të energjisë për të mundësuar lidhjen e Ngrohtores së Prishtinës me TC Kosova B dhe Termocentralin e Ri.

Kalendari

Ngjarjet e datës 13 nëntor 2019

- Save the Children në bashkëpunim me Minstrinë e Arsimit dhe Institutin Pedagogjik organizojnë konferencën ndërkombëtare ‘Fuqizimi i Kujdesit, Zhvillimit dhe Edukimit në Fëmijërinë e Hershme’ që ka për qëllim të ofrojë mundësi për hartuesit e politikave, ofruesit e shërbimeve, përfaqësuesit nga akademia dhe akterë të tjerë, për t’u informuar dhe ndarë praktikat më të mira mbi rëndësinë e investimeve në kujdesin dhe zhvillimin e fëmijërisë së hershme. (Hotel Sirius, ora 9:30)

- Instituti Demokratik i Kosovës organizon tryezën e diskutimit lidhur me dy projekte të mëdha të Ministrisë së Infrastrukturës siç janë, rehabilitimi i rrugës Prishtinë - Pejë dhe Prishtinë - Mitrovicë ku edhe do të bëhet edhe publikimi i hulumtimit mbi arsyet e vonesave në punime në këto dy rrugë, i titulluar “Rrugë pa fund”. (Hotel Sirius, ora 10:00)

- Organizata "Voice of Roma, Ashkali and Egyptians" VoRAE organizon Festivalin Multikulturorë i pari i këtij lloji në Kosovë. (Hotel Emerald, ora 10:00)

- Grupi për Studime Juridike dhe Politike organizon tryezën e diskutimit me temë “Roli i vendimeve të Gjykatës Supreme në luftën kundër krimit dhe korrupsionit: Një thirrje për disiplinim të gjyqtarëve që marrin vendime të kundërligjshme”. (Qendra e konferencave Orion, ora 10:30)

- Në kuadër të fushatës “Jo drogë tek të rinjtë”, Task Forca Anti Drogë tek të rinjtë dhe siguri në Shkolla do të organizoj pritje për student, ku do të shfaqin prezantimet me njohurit e tyre lidhur me narkotikët, si dhe do të bashkëbisedojnë me Shefin e Task Forcës Anti Drogë. (Ndërtesa e Qeverisë, salla P38, ora 11:00) 

- Drejtori i Drejtorisë së Shëndetësisë në Komunën e Prizrenti, Visar Shehu, do të mbajë konferencë për shtyp për ta njoftuar opinionin publik me më të rejat nga fusha e shëndetësisë. (Zyret e Shërbimit Urgjent, rruga Tirana në Prizren, ora 11:00)

- Ambasada e Francës në Kosovë mban konferencë për media në të cilën do të prezantojë edicionin e 19 - të Festivalit të Filmit Frankofon në Kosovë i cili organizohet në bashkëpunim me përfaqësitë diplomatike të Zvicrës, Belgjikës dhe Luksemburgut, Aleancën Franceze, Ministrinë e Punëve të Jashtme, si dhe Ministrinë e Kulturës, Rinisë dhe Sportit të Kosovës. (Salla e konferencave në Ministrinë e Punëve të Jashtme, ora 12:00)

- Teatri i Qytetit te Mitrovicës "Muharrem Qena" shfaq premierën teatrore “Kur treni vonohet”, me autor Osman Goranci dhe me regji të Artan Tmavës. (Qendra e Kulturës “Rexhep Mitrovica”, ora 19:00)