05 Gusht 2020

Mbahet takimi rajonal për Ndryshime Klimatike dhe Integrime Evropiane

Prishtinë, 21 janar - Agjencia për Mbrojtjen e Mjedisit të Kosovës (AMMK), organizon takimin rajonal për Ndryshime Klimatike dhe Integrime Evropiane “Zhvillimi i një propozim projekti për ngritjen e kapaciteteve në sektorin e Mjedisit, Integrimeve Evropian dhe Ndryshimeve Klimatike”.

Ky takim organizohet në kuadër të projektit të bashkëpunimit në mes të Agjencisë për Mbrojtjen e Mjedisit të Kosovës (AMMK), me Agjencinë për Mbrojtjen e Mjedisit të Suedisë (SEPA).

Takimi është pjesë e procesit për dizajnimin e një projekt bashkëpunimi dhe mbështetje, shkëmbim përvojash dhe praktikash të mira si dhe realizimin e aktiviteteve specifike në fushën e mbrojtjes së mjedisit, ujërave, integrimeve evropiane dhe ndryshimeve klimatike.

Takimi i sotëm është i fokusuar në bashkëpunimin rajonal për ndryshime klimatike dhe integrime evropiane.

Përveç institucioneve relevante nga Kosova në takim do të marrin pjesë edhe përfaqësues nga Maqedonia Veriore dhe Shqipëria, përfaqësues nga Zyra e Bashkimit Evropian në Kosovë, përfaqësues nga Ambasada Suedeze dhe Sida si dhe përfaqësues nga Organizatat e Shoqërisë Civile në Kosovë.

Ky projekt po financohet nga Ambasada Suedeze në Kosovë dhe Agjencia Suedez për Zhvillim Ndërkombëtarë (SIDA), ku përfitues kryesor do të jenë AMMK, dhe njësitë tjera të MMPH.

Takimi mbahet sot dhe nesër në ambientet e Hotel Sirius në Prishtinë me fillim në ora 9 e 30.

 

 

Kalendari

Ngjarjet e datës 5 Gusht 2020

- Oda Ekonomike e Kosovës, Ministria e Drejtësisë dhe USAID-Programi për Drejtësi Komerciale do të mbajë forum virtual me temë 'Ekonomia gjatë pandemisë COVID-19. Si do të ndihmojë Gjykata Komerciale?'. (Objekti i Odës Ekonomike të Kosovës, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit voton raportin vjetor të Akademisë së Drejtësisë, Agjencisë Kundër Korrupsionit dhe Komisionit Qendror të Zgjedhjeve si dhe diskuton lidhur me Raportin e Punës së Këshillit Gjyqësor dhe të Këshillit Prokurial të Kosovës. (Salla e seancave plenare, ora 10:00)

- Grupi i Aktorëve të Prishtinës mban konferencën për media e cila organizohet me rastin e adresimit të kërkesës se aktoreve në Drejtorinë e Kulturës në Komunën  e Prishtinës, për krijimin e trupës artistike të Teatrit të qytetit në Prishtinë. (Para Komunes te Prishtines, ora 10:00)

- Komisioni Hetimor Parlamentar lidhur me procesin e privatizimit në Kosovë miraton planin e punës së Komisionit. (Ndërtesa e Kuvendit, salla N10, ora 10:00)

- Ministri i Infrastrukturës, Arban Abrashi, do t’i vizitojë punimet në hekurudhën e Kosovës, linjën 10, në stacionin hekurudhor në Miradi. (Miradi, ora 10:30 - Nisja për media nga parkingu i Ministrisë së Infrastrukturës, ora 10:00) - anulohet për shkak të kushteve atmosferike