13 Nëntor 2019

Maqedonia studion mundësitë për fitimin e energjisë nga era

Shkup, 4 prill - Nga 4 lokacione të mundshme, rajoni i Bogdancit dhe Miravcit është vendi më i përshtatshëm për ndërtimin e mullinjëve me erë me të cilët do të prodhoheshin 100 gigavat orë energji elektrike në vit.

Kjo është rezultat i studimit të fizibilitetit të cilin e ka realizuar kompania shtetërore energjetike Elem dhe programi CARDS i komisionit Evropian. Drejtori i Elem-it Vllatko Çingovski theksoi se për analiza janë instaluar edhe 4 pika matëse të cilat do të vërtetojnë shpejtësinë e erës.

Projekti do të kushtojë mbi 100 milion euro, ndërsa do të financohet nga institucione ndërkombëtare financiare dhe fondet IPA të BE-së. Analiza  parashikon që sasia e parë e eergjisë elektrike me erë të prodhohet në vitin 2012.

“Sipas analizave të bëra në këta 4 lokacione, thuhet se lokacioni në Bogdanci ka potencial më të lartë dhe është interesant për hulumtime të mëtejme. Nëse vërtetohen të dhënat nga analiza shtesë, atëherë me siguri më të madhe do të mund t’i tregojmë efektetet nga ndërtimi i këtij parku të mullinjëve në këtë lokacion ”, deklaroi Vllatko Çingovski, drejtor i Elem-it.

Orhideja Kaloshevska, drejtuese e e sektorit për koordinim të fondeve evropiane në Sekretariatin për çështje evropiane tha se: “Këta projekte janë të domosdoshme për tërheqjen e investimeve si dhe marrjen e fondeve evropiane të volitshme nga institucionet finaniare ndërkombëtare”.

Ndërsa Martin Ozborn nga kompania ‘WYG’, Inetrnational tha se për prodhimin e energjisë me anë të erës, nëvojiten fonde të larta financiare. “Ky projekt për ndërtimin e mullinjëve të erës ka për qëllim prodhimin e 100 gigavat orë energji elektrike dhe nëse e llogarsim edhe Miravcin një sasi e tillë e energjisë mund të prodhohet dhe kjo paraqet një investim të mundshëm prej 140 milion euro në të dy lokacionet ”, tha Martin Ozborn, përfaqësues i kompanisë ËYG Inetrnational.

Kompania energjetike Elem për hulumtimin në rajonet e Bogdancit, Sveti Nikoles, Shtipit dhe Kozhufit ka shpenzuar 1 milion euro.

Kalendari

Ngjarjet e datës 14 nëntor 2019

- Save the Children në bashkëpunim me Minstrinë e Arsimit dhe Institutin Pedagogjik organizojnë diten e dytë të konferencës ndërkombëtare ‘Fuqizimi i Kujdesit, Zhvillimit dhe Edukimit në Fëmijërinë e Hershme’. (Hotel Sirius, ora 9:30) 

- Deutsche Gesellschaft für Internationale Zusammenarbeit organizon ceremoninë e certifikimit të pjesëmarrësve nga aktivitetet “Opportunity Scouting” dhe “Skema e Praktikës në Punë në Sektorin e Shitjes me Pakicë”. (Menza Ramiz Sadiku, ora 10:00)

- Organizata për Siguri dhe Bashkëpunim në Evropë, Misioni në Kosovë në bashkëpunim me Zyren e Komisionerit për gjuhët organizon ngjarjen e ndarjes  së çmimit “Praktika më e mirë në zbatimin e Ligjit për përdorimin e gjuhëve”. (Biblioteka Kombëtare e Kosovës “Pjetër Bogdani”, ora 11:00)

- Ndërmarrja “Dekoriti” organizon shënimin e përvjetorit të 30-të, me ç’rast do të lansojë linjën e re të prodhimit me dru masiv për interier. (Dekoriti ne fshatin Konjuh të komunës së Lipjanit, ora 13:45)

- Udhëheqja e Sindikatës së Pavarur e Sektorit Privat të Kosovës mban takim me kryetarë të disa shoqatave ku do mirët vendim për fillimin e protestave dhe grevave për punëtorët e sektorit privat lidhru me rritjen e pagave dhe zbatimi i ligjit të punës, marrëveshjes kolektive etj. (Zyret e BSPK–së, ora 14:00)

- Medica Gjakova, me mbështetjen e Bashkëpunimit Gjerman për Zhvillim organizon promovimin e librit “Unë jam Anemone”, i pari i këtij lloji i shkruar në Kosovë i publikuar nga Medica Gjakova. (Shkolla e muzikës “Prenk Jakova” në Gjakovë, ora 18:00)