24 Shkurt 2019

Lluka dhe Minxhozi bisedojnë për Hidrocentralin Skavica

Prishtinë, 16 nëntor - Ministri i Zhvillimit Ekonomik, Valdrin Lluka priti në takim Ambasadorin e Shqipërisë në Kosovë, Qemail Minxhozi, me të cilin diskutuan rreth projekteve të përbashkëta të këtyre dy vendeve, me fokus të veçantë në sektorin e energjisë dhe të telefonisë.

Gjatë takimit theks të veçantë pati Hidrocentrali Skavica, i cili në bazë të studimit për potencialin e prodhimit të energjisë nga uji, i hartuar nën mbështetjen e Komisionit Evropian është identifikuar si një nga projektet më potencial për investim të përbashkët, që mund të kontribuoj në sigurinë regjionale të furnizimit me energji.

Projekt ky i cili është inkurajuar nga Komisioni Evropian, ku Kosova dhe Shqipëria të shohin mundësitë që përmes fondeve IPA të bëjnë investim të përbashkët. 

Gjithashtu, në këtë takim u diskutua edhe për rëndësinë e transmisionit të Shqipërisë në ENTSO-e, si dhe krijimi i bursës së përbashkët të dy vendeve.

Kreu i i MZHE-së, u informua nga Qemail Minxhozi rreth progresit të shtetit shqiptarë në drejtim të heqjes së tarifave roaming në mes dy vendeve, e cila pritet të filloj zbatimin gjatë vitit të ardhshëm.

Ministri Lluka falënderoi ambasadorin Minxhozi për përkrahjen e vazhdueshme të Kosovës në rrugëtimin drejt zhvillimit dhe po ashtu u shpreh i kënaqur me progresin e Shqipërisë drejt implementimit të projekteve të përbashkëta.

 

Kalendari

Ngjarjet e datës 24 shkurt 2019 - Mbahet kampionati ekipor në pingpong Liga e Parë e Meshkujve. (Pallati i Rinisë dhe Sporteve në Prishtinë, ora 10:00)

- Komuna e Deçanit në bashkëpunim më OVL të UÇK-së, organizojnë mbledhje komemorative, me rastin e ndarjes nga jeta të ish-luftëtarit Halim Tolaj. (Salla e Asamblesë Komunale në Deçan, ora 11:00)

- Lëvizja Vetëvendosje! mban konferencë për media për çështjen e Lumbardhit në të cilën flasin nënkryetarja Fatmire Kollçaku dhe anëtari i Kryesisë në Pejë Taulant Kelmendi. (Takimi me gazetarë bëhet tek hotel "Dukagjini", ora 12:00)

 - Mbahet ceremonia e varrimit të ish-luftëtarit Halim Tolaj. (Kompleksi i Varrezave të Dëshmorëve të Kombit në fshatin Prejlep, ora 13:00)