15 Nëntor 2019

Let’s Do It nënshkruan marrëveshje me Lëvizjen Globale 'River Cleanup'

Prishtinë, 15 mars - Let’s Do It ka nënshkruar marrëveshje bashkëpunimi me Lëvizjen Globale mjedisore “River Cleanup”, me qëllim të organizimit të aksioneve të përbashkëta për pastrimin e lumenjve, në kuadër të aktiviteteve që do të organizohen në Ditën e Pastrimit të Botës për vitin 2019.

Let’s Do It ka nënshkruar këtë marrëveshje në cilësinë e organizatores dhe koordinatores së Ditës Botërore të Pastrimit për vitet 2019 dhe 2020.

Kjo marrëveshje bashkëpunimi është nënshkruar meqë Let’s Do It në Strategjinë e vitit 2019 ka fokus kryesor pastrimin e lumenjve në Kosovë, gjë që ka filluar qysh dje me pastrimin e brezit përgjatë Liqenit të Batllavës.

“River Cleanup” është Lëvizje Globale mjedisore që ka për qëllim të zhvillojë dhe mbështesë iniciativat që synojnë informimin, pastrimin dhe ngritjen e vetëdijes për ndotjen që po i bëhet mjedisit nga mbeturinat dhe burime të tjera të ndotje, që ndikojnë në lumenj dhe mjedisin në përgjithësi.

Në strategjinë e vitit 2019, “River Cleanup” parasheh pastrimin e gjashtë prej lumenjve më të mëdhenj në botë, siç janë: Volga, Danubi, Neris&Nemunas, Raina, Scheldt dhe Drini, ku do të fokusohet Let’s Do It.

Qëllim i këtij bashkëpunimi është kontributi i përbashkët në kauzën për pastrimin e botës, specifikisht në përhapjen e thirrjes për pjesëmarrje në aksione të komunitetit që organizohen përgjatë lumenjve në qytete, si dhe nxitjen e pjesëmarrjes në Ditën e Pastrimit të Botës.

Duke e nënshkruar këtë bashkëpunim, Let’s Do It do të angazhohet në organizimin e aksioneve të pastrimit përgjatë lumenjve gjatë Fushatës së vitit 2019, si dhe t’i inkurajojë anëtarët e Lëvizjes Globale Let’s Do It World që të bashkëpunojnë me përfaqësuesit e “River Cleanup” në vende të ndryshme të botës.

Ashtu siç jeni njoftuar, Let’s Do It Kosova do të organizojë dhe koordinojë Ditën e Pastrimit të Botës për vitet 2019-2020 në më shumë se 150 shtete të ndryshme.

Kjo u vendos në kuadër të Konferencës për Ditën e Pastrimit të Botës, që u mbajt në Tallinn të Estonisë gjatë janarit, ku u bë e ditur se Kosova fitoi këtë besim dhe përgjegjësi të madhe nga Lëvizja “Let’s Do It World”, për shkak të suksesit të jashtëzakonshëm që shënoi ndër vite, veçanërisht gjatë vitit të kaluar [2018], me organizimin e Fushatës tre mujore “Ta Pastrojmë Kosovën” [15 shtator – 15 dhjetor 2018].

 

Kalendari

Ngjarjet e datës 15 nëntor 2019 - Klinika e Neonatologjisë dhe Shoqata e Neonatologëve të Kosovës, organizojnë Konferencën e I-rë nderkombëtare. (Hotel Garden, ora 9:00)

- Policia e Kosovës në shënim të ditës botërore të përkujtimit të viktimave në trafikun rrugor, në bashkëpunim me Këshillin e Sigurisë në Trafikun Rrugor dhe me Shoqatën e Sigurimeve , do të mbaj tryezë për shënimin e kësaj dite. (Salla Orion në Prishtinë në afërsi të Kino ABC, ora 9:30)

- Ministria e Arsimit, Shkencës dhe Teknologjisë organizon tryezën dhe punëtorinë me temën “Status quo e Zhvillimit të Kërkimit dhe Inovacionit në Kosovë: Ide rreth së ardhmes së K&I në Kosovë”, mbështetur nga Projekti HERAS i cili përkrahet nga Qeveria e Austrisë. (Hotel Sirius, ora 9:30)

- Komisioni i Pavarur për Miniera dhe Minerale mban punëtorinë lidhur me “Udhëzuesin për miradministrimin e aktiviteteve minerare dhe mjedisore. (Hotel Amazona, ora 10:00)

- Programi i Kombeve të Bashkuara për Zhvillim në Kosovë, përmes projektit Interdev 2, organizon një panair me shoqatat e grave prodhuese për të shënuar Ditën Ndërkombëtare të Sipërmarrësisë së Grave. (Qendra Kulturore në Viti, ora 11:00)

- Ministria e Mbrojtjes organizon ceremoninë e certifikimit të rekrutëve të rinj të FSK-së, gjenerata e dytë 2019. (Kazerma 'Adem Jashari' në Komandën e Forcave Tokësore në Prishtinë, ora 11:00)

- Komuniteti artistik organizon takim përkujtimor për regjisoren Arzana Kraja. (Teatri Kombëtar, ora 12:00)

- Organizata ETEA dhe Kuvendi i të Rinjve të Prishtinës organizon ceremoninë e hapjes të minibibliotekës së lagjes Ulpiana. (Te fontana në lagjen Ulpiana, ora 12:00).

- Ministri i MMPH-së, Fatmir Matoshi, do të nënshkruajë gjashtë Udhëzime Administrative që avancojne fushën e kadastrës dhe regjistrimit të pronës. (Zyret e Agjencisë Kadastrale të Kosoves, ndërtesa e Arkivit të Kosovës, ora 14:00)

- Kryetari i Gjykatës Themelore në Gjilan, Ramiz Azizi, do të mbajë një konferencë për media në të cilën do të prezantohet raporti nga muaji korrik deri në muajin tetor për Gjykatën Themelore të Gjilanit, së bashku me Degët e saja. (Gjykata Themelore Gjilan, ora 14:30)

- Mbahet marsh përkujtimor në këmbë nga Lagja Arbëria, rrugës Fehmi Agani deri te Teatri Kombëtar ku do të bëhet ndezja e qirinjve në përkujtim të viktimave që kanë humbur jetën në aksidente në trafikun rrugor. (Kolegji i Shkencave të Aplikuara Teknike “Tempulli”, ora 18:00)

- Mbahet stërvitja e Kombëtares së Kosovës. (Stadiumi ‘Fadil Vokrri’, ora 18:00)

- Galeria e Ministrisë së Kulturës organizn hapjen e ekspozitës individuale të autores Lumjetë Havolli, e titulluar "Is This Me...Or i Do it For You Only!?". (Galeria e Ministrisë së Kulturës, ora 19:00)

- Qendra për Informim dhe Përmirësim Social feston hapjen e Linjës telefonike për parandalim të vetëvrasjes "Linja e Jetës" në Kosovë! (Menza Ramiz Sadiku, ora 21:00)