15 Prill 2021

LDK: Qeveria dhe KEK-u po plaçkisin qytetarët

Prishtinë, 27 shkurt - Lidhja Demokratike e Kosovës (LDK) ka shprehur shqetësimin për gjendjen e krijuar sa i përket faturave të fryra të energjisë elektrike.

Avdullah Hoti ekspert i ekonomisë nga LDK ka thënë se për tri javë KEK-u dhe Qeveria nuk bënë asgjë për të adresuar shqetësimet e qytetarëve.

Sigurisht që sipas tij nuk mund të presim që problemin do ta zgjidhin ata të cilët e kanë krijuar atë.

\"Nuk mund të zgjidhen problemet me konferenca për shtyp që bënë Beqaj, duke i kërcënuar inkasantët e KEK-ut se do të penalizohen. Këta persona më së paku janë fajtor për gjendjen e krijuar. Është gjithashtu e papranueshme edhe deklarimi i numrit dy të qeverisë, i cili me ironi thekson se qytetarët duhet të paguajnë shpenzimet e tyre\", ka theksuar Hoti.

LDK i ka përkujtuar qeverisë se faturat e fryra të energjisë elektrike janë përafërsisht 3 herë më të larta se pensionet bazike që i merr një qytetar i moshuar, 2 herë më të larta se ndihma sociale që merr një familje e varfër dhe 50 % e një page mesatare të një shërbyesi civil.

Hoti ka nënvizuar se këto fatura janë vetëm 5% e pagës që marrin Beqaj dhe Kuçi, prandaj është lehtë për ta të ironizojnë me qytetarë që dalin e protestojnë në shi, duke ju kërkuar atyre të mos përsëritet situata në Bullgari. 

LDK vlerëson se deklarimet e KEK-ut janë të papranueshme.

KEK-u ka shqyrtuar rreth 3,000 ankesa të qytetarëve. Prej tyre, 900 kërkesa apo rreth 1/3 sipas KEK-ut janë me gabime, pasi janë faturuar më shumë se sa që është shpenzimi real.

Por, LDK vlerëson se gabim teknik do të ishte sikur nga këto 900 fatura me gabime, të kishte edhe nën faturim, e jo të gjitha mbi faturim. Hoti ka theksua se LDK sqaron se është kjo qeveri që e ka shkaktuar këtë gjendje.

Vitin e kaluar sipas tij ka ndryshuar bazën ligjore, ku është 10 fishuar tantiema për thëngjill nga 0.26 cent në 3 euro për ton të thëngjillit.

Kjo siç ka vlerësuar Hoti nënkupton se qytetarët i paguajnë buxhetit të shtetit 3 euro për çdo ton të thëngjillit që nxjerr. 

Kjo sipas ekspertëve të LDK-së, është tatim i dyfishtë për qytetarët dhe është në kundërshtim me konventat evropiane.

Sipas këtyre konventave, qytetarët e paguajnë koston e shërbimeve publike që marrin nga shteti. Në rastin konkret, qytetarët duhet të paguajnë koston e prodhimit të energjisë elektrike.

Tantiema në thëngjill sipas Hotit nuk është kosto për prodhimin e energjisë, por është taksë që qytetari përmes KEK-ut ia paguan shtetit. Përveç kësaj, qytetari paguan edhe 16% mbi shpenzimet e energjisë që bënë gjatë muajit si Tatim mbi Vlerën e Shtuar.

Në letrën dërguar Fondit Monetar Ndërkombëtar nga Thaçi, bëhet e qartë se Qeveria dëshiron të mbledhë rreth 6 milion në buxhet nga qytetarët në emër të tantiemës për thëngjill.

Pra, vendosja e kësaj takse mbi thëngjill nga 1 janari 2013 është bërë me qëllim të mbushjes së buxhetit të shtetit. 

Kjo ka shtyrë Zyrën e Rregullatorit të Energjisë që të rrisë vitin e kaluar çmimin e energjisë me 9%. Vetëm vendosja e tantiemës e ka rritur çmimin e energjisë me 4%.

\"Me këtë rast, dëshirojmë të demantojmë edhe Beqaj, i cili më herët në paraqitje publike në debat në RTK deklaroi se nuk është aplikuar ende tantiema për thëngjill. Është e papranueshme për një zyrtar qeveritar të tentoi të mashtroi haptas opinionin\", ka pohuar Hoti.
 
 

Kalendari

Ngjarjet e datës 15 Prill 2021 - Handikos dhe The Balkan Forum tashmë kanë nisur kampanjën ‘Thuaj Jo Qeseve të Plastikës’  përmes një aktiviteti simbolik zyrtarisht do të prezantojmë strajcat e ri-përdorshme të punuara tash e disa muaj nga personat me aftësi të kufizuara. (Sheshi ‘Skënderbeu’ dhe ‘Nënë Tereza’, ora 10:00)

- Këshilli Gjyqësor i Kosovës mban mbledhjen e radhes. (Platforma Zoom, ora 10:00)

- Mbahet seanca gjyqësore kundër të pandehurit Agim Hamdija për vepren penale 'Organizimi i skemave piramidale'. (Gjykata Themelore në Ferizaj, ora 10:00)

- Agjencia Turke për Bashkëpunim dhe Koordinim nis shpërndarjen e pakove ushqimore dhe higjienike për familjet në nevojë, me rastin e muajit të Ramazanit. (Qendra për Promovimin e Drejtave të Grave në Drenas, ora 10:30)

- Zëvendësministri i Mjedisit, Planifikimit Hapsinor dhe Infrastrukturës  Hysen Durmishi do të mbajë konferencë per media. (Objekti i MMPHI-së, salla B201, oa ora 10:30,

- Kryeministri Albin Kurti dhe ministrja e Ekonomisë dhe Ambientit, Artane Rizvanolli, vizitojnë ekipin e kampanjës 'Thuaj jo Qeseve të Plastikës'. (sheshi ‘Skënderbeu’ , ora 12:00)

- Pronarët e sallave të dasmave mbajnë takim lidhur me masat anti-Covid. (Golden Imperial në Veternik, ora 14:00)

- Agjencia Turke për Bashkëpunim dhe Koordinim nis shpërndarjen e pakove ushqimore dhe higjienike për familjet në nevojë, me rastin e muajit të Ramazanit. (Palestra Sportive “Tota” në Vushtrri, ora 14:30)