24 Shkurt 2019

Kosova e Maqedonia mund të shkëmbejnë energji

Prishtinë, 13 nëntor - Drejtori i Korporatës Energjetike të Kosovës (KEK), Njazi Thaçi, sot ka vizituar kombinatin e Osllomesë në Maqedoni ku është pritur nga drejtori i kësaj korporate Qerim Halili.

"Kjo është vizita e parë e këtij lloji ndërmjet dy koporatave energjetike nga Kosova dhe Maqedonia. Termocentralet e Kosovës kanë përvojë më të madhe dhe ne mu d të përfitojmë", tha Halili.

Kurse drejtori i KEK-ut Njazi Thaçi tha se kjo vizitë do të na ndihmojë për të shikuar mundësitë për bashkëpunim konform ligjeve në fuqi.

'Për neve takimi i sotëm ka karakter njohës dhe për të bashkëpunuar në të ardhmen. Kosova është vendi i tretë për rezervat të thëngjillit në Evropë dhe vendi i pestë në botë. Po ashtu edhe një gjë shumë me rëndësi është mundësia e shkëmbimit të energjisë elektrike ndërmjet Kosovës dhe Maqedonisë", tha Thaçi.

Qëllimi i vizitës së delegacionit të KEK-ut ishte vendosja e bashkëpunimit ndërmjet dy korporatave. Në delegacionin e KEK--ut ishim edhe kryetari Bordit Të KEK -ut Faruk Hajrizi dhe Izet Ibrahimi përgjegjës i minierave.

Kalendari

Ngjarjet e datës 24 shkurt 2019 - Mbahet kampionati ekipor në pingpong Liga e Parë e Meshkujve. (Pallati i Rinisë dhe Sporteve në Prishtinë, ora 10:00)

- Komuna e Deçanit në bashkëpunim më OVL të UÇK-së, organizojnë mbledhje komemorative, me rastin e ndarjes nga jeta të ish-luftëtarit Halim Tolaj. (Salla e Asamblesë Komunale në Deçan, ora 11:00)

- Lëvizja Vetëvendosje! mban konferencë për media për çështjen e Lumbardhit në të cilën flasin nënkryetarja Fatmire Kollçaku dhe anëtari i Kryesisë në Pejë Taulant Kelmendi. (Takimi me gazetarë bëhet tek hotel "Dukagjini", ora 12:00)

 - Mbahet ceremonia e varrimit të ish-luftëtarit Halim Tolaj. (Kompleksi i Varrezave të Dëshmorëve të Kombit në fshatin Prejlep, ora 13:00)