30 Tetor 2020

Korporatat amerikane kërkojnë energjinë e rinovueshme

New York, 27 korrik - Megjithëse qeveria federale amerikane po tërhiqet nga përballja me ndryshimet klimatike, shumica e korporatave amerikane po vazhdojnë me masat e tyre. Disa prej kompanive në Shtetet e Bashkuara po kërkojnë energji të rinovueshme, madje edhe kur autoritetet lokale nuk i mbështesin.

Këtu ndodhet truri i internetit, i ndodhur në magazina të mëdha kompjuterash të quajtura “qendra të dhënash”. Çdo klikim kalon nëpërmjet një qendre të dhënash të vendosur diku.

“Ndodhemi në Virxhinian veriore, në mesin e qendrave më të mëdha të dhënave në botë”, thotë Stan Blackwell, i kompanisë “Dominion Energy”.

Stan Blackwell drejton zhvillimin ekonomik në Dominion Energy, kompaninë rajonale të energjisë elektrike, e cila mbulon edhe kryeqytetin amerikan Washington, D.C.

Në Virxhinian e veriut ndodhen më shumë qendra të dhënash se në çdo vend tjetër të botës.

Zoti Blackwell thotë se çdo qendër të dhënash konsumon rreth 30 mijë kilovatë energjie.

“Për të mundësuar krahasimin, një shtëpi e zakonshme përdor rreth 4 kilovatë”, thotë ai.

Këto godina që konsumojnë kaq shumë energji strehojnë serverat e kompanive si Facebook, Microsoft, Google.

Këto kompani kanë plane për të marrë të gjithë energjinë e tyre nga burime të rinovueshme. Brian Janous është menaxher i energjisë në kompaninë Microsoft.

“Është e rëndësishme që ajo çfarë ndërtojmë të lërë një trashëgimi pozitive, të cilën të mos e ndërtojmë bazuar mbi burimet e ngurta të energjisë, por ta ndërtojmë të bazuar mbi teknologjinë e ardhshme të erës, ujit dhe diellit”, thotë zoti Janous.

Kompanitë janë të gatshme të punojnë për ta arritur.

Kompania “Facebook” ndihmoi për modifikimin e rregullave shtetërore në mënyrë që të mund të shitej energjia e mbledhur nga tre ferma solare ekzistuese, të cilat do të pasohen edhe nga tre të tjera.

“Facebook e nxiti këtë ndryshim dhe me çmime të reja, për të cilat jemi shumë të kënaqur”, thotë zoti Blackwell.

Shumë kompani janë të gatshme të paguajnë edhe më shumë për energjinë e rinovueshme.

Megjithatë po bie gradualisht çmimi i energjisë së erës dhe asaj diellore gjatë viteve të fundit.

Kalendari

Ngjarjet e datës 30 Tetor 2020  - Mbahet mbledhja e Qeverisë së Kosovës së Republikës së Kosovës. (Ndërtesa e Qeverisë, ora 8:30)

- Kryetari i Komunës së Prizrenit, Mytaher Haskuka së bashku me drejtoreshën e Drejtorisë së Shëndetësisë, Narqize Arënliu Hoxhaj, do të bëjnë vënien e gurthemelit të Qendrës së Mjekësisë Familjare në Arbanë. (Arbanë, ora 9:00 - nisja nga Shtëpia e Bardhë, ora 8:30)

- Aksioni për Nëna dhe Fëmijë organizon ceremoninë e dorëzimit të pajisjeve mjekësore për Klinikën e Gjinekologjisë dhe Neonatologjisë në QKUK, pajisje këto të siguruara nga bashkepunimi i AMC dhe kompanisë Bucaj. (Klinika e Gjinekologjisë dhe Neonatologjisë në QKUK, ora 9:30)

- Rrjeti i Grave të Kosovës organizon hapjen e ekspozitës “Dhuna nuk fshehet mrena mureve”. (Sheshi Skënderbeu, para Teatrit Kombëtar, ora 10:00)

- Ministri i Punës dhe Mirëqenies Sociale, Skender Reçica, bashkë me ministrin e Tregtisë dhe Industrisë, Vesel Krasniqi, do ta vizitojnë kompaninë “Agribau” në Prishtinë. (Rr. Lidhja e Pejës, Prishtinë, ora 10:00)

- Kuvendi i Komunës së Prizrenit do të mbajë mbledhjen e jashtëzakonshme të thirrur nga kryesuesi i Kuvendit, Sulltan Badalli. (Salla për mbledhjet e Kuvendit të Komunës, në Shtëpinë e Bardhë, ora 10:00)

- Kryetari i Komunës së Prizrenit, Mytaher Haskuka së bashku me drejtoreshën e Drejtorisë Komunale të Arsimit, Xhemile Thaçi Vezgishi do të bëjnë vënien e gurthemelit të aneksit të objektit shkollor në SHFMU “Hasim Maliqaj” në fshatin Poslisht. (Fshati Poslisht, ora 13:00 - nisja nga nga Shtëpia e Bardhë, ora 12:30)

- Komisioni Hetimor Parlamentar lidhur me procesin e privatizimit në Kosovë interviston Sekretarin e Bordit të Agjencisë Kosovare për Privatizim Arben Limani dhe zëvendës Drejtorin Menaxhues në Agjencinë Kosovare për Privatizim Avni Jashari. (Ndërtesa e Kuvendit, salla N204, ora 12:00)

- Komuna e Prishtinës në bashkëpunim me Sport Marketing do të nënshkruajnë kontratë për Parkun e Aventurave. (Ndërtesa e re e Komunës, ora 14:00)
 
- Lideri i Aleancës për Ardhmërinë e Kosovës Ramush Haradinaj do të vizitojë shoqatën ESNAF në Prizren. (Prizren, ora 18:30)