18 Shtator 2019

Komuna e Fushë Kosovës manipuloi me pronat e fshatit Miradi e Epërme

Fushë Kosovë, 10 maj -Në një konferencë për media të mbajtur sot, kryetari i sapozgjedhur i PDK-së në Fushë Kosovë, ka thënë se dëmi që u është shkaktuar banorëve nga komuna, dyshohet se kap shifrën rreth pesë milionë euro, ndërkaq ka kërkuar nga organet kompetente që ta trajtojnë drejt këtë çështje, që prona në fjalë t’u kthehet banorëve që të mund ta shfrytëzojnë për nevojat e tyre dhe të fshatit.

Qytetarët e Miradisë së Epërme, që nga viti 2008 kur nisi ky proces në dëm të tyre, nuk kanë reshtur së kërkuari të drejtën e vet për këtë pronë, me nr. të ngastrës kadastrale P-72514014-00124-, zonë kadastrale me sipërfaqe 33.829 hektarësh, apo sipërfaqe 338291 m katrorë”, ka thënë Ternava.

Ai ka shtuar se çdo kërkesë e banorëve në adresë të komunës dhe institucioneve të drejtësisë nuk është marrë parasysh, pavarësisht dëmit që kanë pësuar banorët e këtij fshati me privimin nga e drejta për t’i shfrytëzuar këto parcela.

Pas shumë kërkesave, peticioneve nga viti 2008 dhe protestave, qytetarët më 22 07. 2015 kanë bërë padi në Gjykatën Themelore ndaj komunës së Fushë Kosovës. Lënda ende është në Gjykatë dhe ne kërkojmë përshpejtim të procedurave dhe shpresojmë se do të merret vendim i drejtë, sepse parcela në fjalë është e pronë e fshatit Miradi e Eperme me të gjitha dokumentet kadastrale”.

Ndryshe, ai ka theksuar se banorët janë të vendosur të shterrin çdo mundësi ligjore për të fituar të drejtën e pronësisë.

Banorët janë të vendosur që të shterrin çdo mundësi ligjore lidhur me këtë çështje. Partia Demokratike e Kosovës Dega në Fushë Kosovë, konsideron  se banorë e këtij fshati,  janë privuar nga e drejta për shfrytëzimin e pronës së fshatit të tyre, dhe demi i shkaktuar dyshohet te jetë mbi 5 milionë euro”.

Më tej, ka shpjeguar se në vitin 1965 këto toka u ishin marrë prodhuesve individualë të fshatit për ruajtjen e kooperativave bujqësore, ndërkaq me ultimatum të institucioneve të atëhershme dhe me vendim të Qeverisë së Kosovës, kjo parcelë njihet si pronë shoqërore e fshatit Miradi e Eperme.

Me vendimin nr. 07-94 të datës 10.10.2012, Qeveria e Kosovës ka miratuar shpronësimet për interes publik të pronave dhe zotëruesve të interesit të Zonave Kadastrale brenda sektorit 7, të cilat prekeshin nga ndërtimi i autostradës Vermicë-Merdare, ku përfshihen edhe pronat e fshatit Miradi e Eperme, e që i bjen se Qeveria e Kosovës nuk i konteston por i njeh si prona të këtij fshatit”, theksoi tutje Ternava.

Përpos grabitjes së tokës, kryetari i ri i Degës së PDK-së, ka hedhur kritika në drejtim të komunës së Fushë Kosovës, duke thënë se kjo komunë vazhdon të mbajë në pozitat e tyre, drejtorin e urbanizmit Abdullah Prebezen dhe zyrtaren Antigona Sadiku Konjusha, të cilët u arrestuan më 11 Prill të këtij viti, për dhënien e lejes një objekti të ndërtimit e i cili nuk plotësonte kriteret urbanisitike.

Ai tha se ndaj zyrtarëve nuk është marrë asnjë masë tjetër ndëshkimore, duke kërkuar shkarkimin nga pozitat e tyre në komunën e Fushë Kosovës.

Partia Demokratike e Kosovës në Fushë Kosovë, kërkon nga kryetari i komunës së Fushë Kosovës, që me urgjencë ta shkarkojë nga detyra drejtorin e Urbanzimit, Abdullah Prebeza si dhe zyrtaren tjetër të komunës Antigona Sadiku Konjusha, ndryshe, së bashku me qytetarët e komunës sonë do të përdorim të gjitha mjetet demokratike e ligjore për ta kundërshtuar këtë mënyrë qeverisje të Fushë Kosovës”.

Ai ftoi mediat që të jenë më objektiv rreth këtyre rasteve kurse ndaj institucioneve, si lokale ashtu edhe qëndrore, kërkoj marrjen e masave ndaj çështjeve të tilla dhe që dëmtojnë qytetarët.

PDK në Fushë Kosovë,  nuk do të qëndrojë e heshtur përballë  shkelësve të ligjit dhe zyrtarëve të korruptuar të komunës, të cilët grabisin prona shoqërore të qytetarëve të vet, sikurse do të kundërshtojë me forcë shkatërrimin e Fushë Kosovës, në emër të zhvillimit të së së cilës  po pasurohen zyrtarët e komunës dhe njerëzit e partisë që udhëheqin me komunën” tha në fund të konferencës Rrahim Ternava.

 

Kalendari

Ngjarjet e datës 18 shtator 2019

- Kryetari i Lëvizjes Vetëvendosje Albin Kurti viziton Xhaminë e Çarshisë në Prishtinë. (Xhamia e Çarshisë në Prishtinë, ora 9:10)

- Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti, do të vizitojë Komunën e Kaçanikut ku do të takoj kryetarin e kësaj komune, Besim Ilazin, për të diskutuar rreth përgaditjes së Garës Nacionale të Sportit. (Objekti i komunës, ora 9:30)

- Specialistët stomatologë të papunë do të protestojnë para Ministrisë së Shëndetësisë. (Para Ministrisë së Shëndetësisë, ora 10:00)

- Instituti Demokratik i Kosovës organizon tryezën e diskutimit ndërmjet qytetarëve dhe kandidatëve për deputetë nga subjektet politike lidhur me temën “Qasja e subjekteve politike rreth çështjes së gjinekologut në nivel komunal”. (Hotel Sirius, ora 10:00)

- Kryetari i Lëvizjes Vetëvendosje Albin Kurti viziton Kalanë e Artanës. (Kalaja e Artanës, ora 10:30)

- Ministri në detyrë i Inovacionit dhe Ndërmarrësisë, Muzafer Shala, mbanë konferencë për media, ku do të lansojë Fondin për Mbështetjen e Ndërmarrjeve Mikro të Vogla dhe të Mesme në vlerë prej 4 milionë euro. (ndërtesa e Ministrisë së Punëve të Jashtme, kati i 3-të,  përballë New Born-it, ora 10:30)

- Oda e Afarzimit të Kosovës në bashkëpunim me Dhomën e Tregtisë në Tiranë dhe Odën Ekonomike të Maqedonisë Veri-Perëndimore organizojnë ngjarjen “Regional B2B Event”. (Holiday Inn në Shkup, 11:00)

- Ministri i Kulturës, Rinisë dhe Sportit, Kujtim Gashi, mirëpret fituesit e medaljeve të Taekwandos. (Kabineti i Ministrit në MKRS, ora 11:00)

- Lëvizja FOL organizon diskutimin e tretë në kuadër të Forumit FOL Hapur me kandidatët për Kryeministër ku i ftuari i radhës do të jetë Nenad Rašić, Kandidat për Kryeministër nga koalicioni Slloboda. (Zyrat e Lëvizjes FOL, ora 11:00)

- Kryetari i Komunës së Gjianit, Lutfi Haziri, nënshkruan kontratat me tetë përfituesit e nën-granteve, në kuadër të projektit "Te rinjtë në Agrobiznes- Regjioni Ekonomik Lindje". (Zyra e Kryetarit Haziri, ora 11:00)

- Punëtorët teknik te qendrës studentore do të protestojnë para drejtorisë së qendrës studentore. (Para drejtorisë së qendrës studentore, ora 11:00)

- Kryetari i Lëvizjes Vetëvendosje Albin Kurti viziton Ulpianën. (Ulpianë, ora 11:40)

- Komuna e Prishtinës në bashkëpunim me Zyren e Bashkimint Evropian në Kosovë organizon promovimi i shtegut për çiklistë, si fazë testuese. (Rruga Zagrebi në Prishtinë, ora 12:00)

- Kryetari i Lëvizjes Vetëvendosje Albin Kurti viziton Janjevën. (Janjevë, ora 12:20)

- Komuna e Prishtinës në bashkëpunim me Zyren e Bashkimint Evropian në Kosovë organizon tryezë diskutimi “Ecja, çiklizmi dhe transporti urban”. (Kolegji Tempulli, rr. Eduard Lir 156, ora 14:00)

- Fondacioni i Kosovës për Shoqëri të Hapur bën promovimin e publikimeve dhe organizon panel diskutimin “ Njohja e Kosovës bashkëkohore”. (Swiss Diamond Hotel, ora 14:00)

- Komisioni Qendror i Zgjedhjeve mban mbledhjen e radhës. (Ndërtesa e KQZ-së, ora 15:30)

- Iniciativa për Histori Gojore organizon lansimin e aplikacionit mobil Prishtina Ecë. (Kafe—librarinë dit’ e nat’, ora 17:00)

- Kandidati i PDK-së për Kryeministër të ardhshëm të Kosovës, Kadri Veseli, merr pjesë në takimin e organizuar nga Gruaja Demokratike. (Hotel Venus, Magjistralja Prishtinë-Lipjan, ora 17:00)

- Lëvizja Vetëvendosje! shpalos prioritetet qeverisëse. (Atelja e Sallës së Kuqe, ora 17:00)

- Federata e Piingpongut e Kosoves, organizon ndeshjet e ligës së parë, e ndeshja derbi pritet të jetë ajo ndërmjet Shkollës dhe Hasan Prishtinës. (Prishtinë, ora 18:00)

- Kryetari i Lëvizjes Vetëvendosje Albin Kurti mban tubim më banorë të fshatit Rufc. (Rufc, ora 19:30)

- Kryetari i Lëvizjes Vetëvendosje Albin Kurti mban tubim më banor në fshatin Gadime. (Gadime, ora 21:00)