07 Tetor 2022

KMDLNJ: "Termoksi", po diskriminon qytetarët

Prishtinë, 1 Mars - Këshilli për Mbrojtjen dhe të Drejtat e Njeriut ka reaguar kundër ndërprerjes së parakohshme me ngrohje të qytetarëve të Prishtinës, duke e quajtur këtë si veprim si skajshmërisht të papërgjegjshëm dhe demonstrim të një arrogance dhe mentaliteti të tejkaluar.

Në vazhdim të reagimit thuhet se "Ndërprerja e furnizimit me ngrohje 45 ditë para kohës së paraparë është veprim skajshmërisht i papërgjegjshëm, demonstrim i një arrogance dhe mentaliteti të tejkaluar". KMDLNJ thotë se ndërmarrja publike është pronë publike dhe jo pronë e një individi, i cili mund të veprojë me të si të ishte pronë private.

Më tutje, KMDLNJ thotë se mirëkuptim për problemet financiare të "Termokos it" dhe i sugjeron kësaj kompanie të gjejë mënyrë si ta rrisë inkasimin e borxheve, por e gjykon veprimin e ndërprerjes së ngrohjes si diskriminim dhe shkelje e të drejtave të njeriut për konsumatorët që rregullisht i shlyejnë borxhet.

KMDLNJ, i ka ftuar të gjithë konsumatorët që kanë qenë të furnizuar me ngrohje t'i shlyejnë borxhet, ndërkaq ata që i kanë shlyer borxhet e të cilëve u është ndërprerë furnizimi me ngrohje ta padisin "Termokos in" në gjykatë.
Në këtë aspekt, KMDLNJ, kërkon edhe përgjegjësi për drejtoren e "Termokos it", Fëllënza Pula për këtë veprim shumë të papërgjegjshëm.

Përndryshe, Qeveria e Kosovës, para një muaji ka intervenuar me një shumë të konsiderueshme të mjeteve për zbritjen e gjendjes së rëndë ekonomike të ndërmarrjes në fjalë.

Me vendimin e Bordit të Drejtorëve dhe pas paralajmërimeve të njëpasnjëshme lidhur me situatën e vështirë financiare në të cilët gjendet N.Q “Termokos” sh.a, për shkak të inkasimit jo të kënaqshëm dhe të borxheve ndaj kontraktorit të mazutit, “Termokos” ndërprenë sezonin ngrohës 2009/2010, të hënën më 01 mars’10.

Kalendari

Ngjarjet e datës 7 tetor 2022 - Komisioni i posaçëm për shqyrtimin e kandidatëve për emërim në Gjykatën Kushtetuese shqyrton nominimet e kandidatëve për gjyqtar në Gjykatën Kushtetuese lidhur me përmbushjen e kushteve të parapara me Kushtetutë dhe Ligj. (Ndërtesa e Kuvendit, salla C301, ora 9:00)

- Ministria e Zhvillimit Rajonal dhe Caritas Zviceran në Kosovë lansojn thirrjen “Projektet Investuese të Diasporës” në kuadër të projektit “Veprimi i Komunave për Riintegrim dhe Diasporë – MARDI”. (Ndërtesën Qeverisë, salla P38, ora 9:30)

 - Kuvendi i Republikës së Kosovës mban seancë plenare. (Kuvendi i Kosovës, ora 10:00)

- Kryetari i Komisionit për Punë të Jashtme dhe Diasporë, Haki Abazi mban konferencë për medie lidhur me qëndrimet dhe vlerësimet për proceset e rëndësishme nëpër të cilat po kalon vendi. (Holli i Kuvendit të Kosovë, ora 10:00)

- Rrjeti i Grave të Kosovës dhe Fondi i Kombeve të Bashkuara për Popullsinë publikojnë përmbledhjen e politikave 'Dispozitat për koston e lejes së lindjes, atësisë dhe pushimit prindëror në Ligjin e Punës', të shkruar nga Dita Dobranja në emër të RrGK-së. (Hotel Sirus, ora 10:00)

- OJQ Aktiv organizon prezantimin e “Udhëzuesin për verifikimin bazë të informacionit mediatic” i cili është i dedikuar kryesisht për komunitetin serb të Kosovës. (Qendra e Energjisë Qytetare në Mitovicën e Veriut, ora 11:00)

- Sekretari Gjeneral i FIBA Andreas Zagklis takohet me Ministrin e Kulturës, Rinisë dhe Sportit të Kosovës, Hajrulla Çeku. (Ndërtesa e Ministrisë së Kulturës, ora 11:00)