26 Maj 2020

KEK-u nisi mbjelljen e fidaneve në deponinë e djerrinës

Prishtinë, 18 nëntor - KEK së bashku me partnerët, përkatësisht Bankën Botërore, Qeverinë e Holandës, Ministrinë e Mjedisit dhe Planifikimit Hapësinor dhe Komunën e Kastriotit ka nisur të enjten mbjelljen e fidaneve në deponinë e djerrinës “ Kalaja”.

“Ky është hapi i dyte i projekteve ambientale të KEK-ut, por nuk do të ndalemi. Mision i korporatës së bashku me donatorët është t’i gjelberojmë të gjitha hapësirat e ekspolatuara”, tha Edmond Nulleshi, Drejtor Ekzekutiv i Serviseve të Korporatës në KEK. 

Gjatë këtij viti do të mbillen 26 mijë fidane në një hapësirë prej 20 hektarëve, e cila tashmë është e përgatitur.

“Ky është një projekt i rëndesishëm për gjeneratat e ardhshme, me nje bashkepunim të shkëlqyer mes KEK-ut, Ministrisë së Mjedisit dhe Planifikimit Hapësinor dhe donatorëve”, tha ministri i MPH, Mahir Yagcilar.

Pos investimeve vetanake, projektet ambientale të korporatës janë ndihmuar me donacione edhe nga Banka Botërore dhe Qeveria e Holandës.

”Ky është në mesin e projekteve më të mira të portfolios sonë. Ne si bankë jemi të kyçur në shumë projekte me anë të konsultave dhe strategjive, por ky projekt është unik pasi rezultatet shihen dhe janë të prekshme”, tha Laura Kullenberg, zëvëndësdrejtoreshë e Bankës Botërore për Kosovë.

Mjaft i kënaqur me projektin është shprehur edhe donatori tjetër, Qeveria e Holandës. “ Ky është një projekt i planifikuar, implementuar dhe kontrolluar siç duhet me raportim të shkëlqyeshëm. Unë mund të them vetëm se ne si donator jemi krenar me të”, tha Crel Brands, zëvëndësambasdor i Holandës në Kosovë.

Mbjellja e fidaneve në Deponinë e Djerrinës “Kalaja” është hapi i parë i përkujdesjes ambientale për katër deponi të tilla që ka KEK-u. Mbjellja e fidaneve tjera - në deponitë tjera si: deponia “Lugu i Thellë”, “Vasileva dhe “Deponia jugore” do të vazhdojë gjatë 2011 e 2012 ku planifikohen edhe rreth 300,000 fidane të tjera.

 

Kalendari

Ngjarjet e datës 26 Maj 2020 - Komisioni për Integrim Evropian diskuton lidhur me përmbushjen e obligimeve të Kosovës, në procesin e liberalizimit të vizave dhe shqyrton raportin e Ministrisë së Integrimit Evropian lidhur me financimin e Kosovës nga BE-ja, në luftimin e COVID-19. (Ndërtesa e Kuvendit, N303, ora 11:00)  

- Komisioni për Shëndetësi dhe Mirëqenie Sociale takohet me Sekretarin e Ministrisë së Shëndetësisë, Naim Bardiqi. (Ndërtesa e Kuvendit, N302, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike shqyrton Raportin Vjetor të Zyrës së Rregullatorit të Energjisë (ZRrE) për vitin 2019. (Ndërtesa e Kuvendit, salla N10, ora 11:00)

- Presidenti i vendit, Hashim Thaçi,  do ta vizitojë Oden Ekonomike të Kosovës. (Lokalet e OEK-ut, ora 11:30)

 - Kryetari i AAK-së, Ramush Haradinaj, merr pjesë në ceremoninë e zbulimit të lapidarit të dëshmorit Luan Qerimaj dhe 4 dëshmorëve tjerë, në Gllogjan. (Te vendi i quajtur Lejthia, Gllogjan, Deçan, ora 11:30)

- Instituti Demokraci për Zhvillim Sfidat dhe nevojat e nënave vetë-ushqyese në kohë (pas)pandemie”  (Përmes platformës online, Google Meet, ora 17:00 - https://forms.gle/HAxFHsHEScpDdMx99)