14 Nëntor 2019

KEK-u e shet hirin

Prishtinë, 3 dhjetor - Korporata Energjetike e Kosovës (KEK) synon të fitojë para nga shitja e rreth 40 milionë tonëve të hirit.

Shumë kompani vendore e ndërkombëtare janë duke u interesuar për ta shfrytëzuar hirin e KEK-ut për nevojat e veta. KEK-u deri në fund të këtij viti, nëpërmjet shitjes së hirit, synon të fitojë para dhe ta gjelbërojë atë pjesë të tokës së djegur.

Zyrtarë të Korporatës kanë treguar për gazetën se për Projektin për Pastrimin e Hirit, Banka Botërore (BB) ka ndarë 10.5 milionë dollarë, Qeveria e Holandës 3 milionë euro, ndërsa KEK-u do t’i mbulojë shpenzimet operative në vlerë prej 3.5 milionë eurosh.

Zëdhënësi i KEK-ut, Viktor Buzhala, ka theksuar se KEK-u ka angazhuar ekspertët vendorë si dhe ata nga Banka Botërore dhe Ministria e Mjedisit dhe Planifikimit Hapësinor (MMPH). Sipas tij, me realizimin e këtij projekti dëshmohet se menaxhmenti i KEK-ut dëshiron t’i trajtojë me prioritet aspektet ambientale.

“Me hirin e Korporatës Energjetike të Kosovës kompani të ndryshme kosovare kanë filluar prodhimin e produkteve të tyre. ‘Sharrcem’, në bazë të kontratës me KEK-un, tash e një kohë të gjatë e merr hirin. Edhe ‘Trepça’ ka shprehur interesim dhe e ka marrë një sasi testuese të hirit për vlerësim të mundësisë së eksploatimit të tij. Në këtë fazë KEK-u është në proces të vlerësimit të interesimeve në mënyrë që t’i vazhdojë procedurat e shitjes”, ka thënë ai.

Burime të gazetës brenda KEK-ut kanë bërë me dije se një kompani amerikane është e interesuar për hirin e termocentraleve në Kastriot.

(Gazeta Epoka e Re)

Kalendari

Ngjarjet e datës 14 nëntor 2019

- Save the Children në bashkëpunim me Minstrinë e Arsimit dhe Institutin Pedagogjik organizojnë diten e dytë të konferencës ndërkombëtare ‘Fuqizimi i Kujdesit, Zhvillimit dhe Edukimit në Fëmijërinë e Hershme’. (Hotel Sirius, ora 9:30) 

- Deutsche Gesellschaft für Internationale Zusammenarbeit organizon ceremoninë e certifikimit të pjesëmarrësve nga aktivitetet “Opportunity Scouting” dhe “Skema e Praktikës në Punë në Sektorin e Shitjes me Pakicë”. (Menza Ramiz Sadiku, ora 10:00)

- Organizata për Siguri dhe Bashkëpunim në Evropë, Misioni në Kosovë në bashkëpunim me Zyren e Komisionerit për gjuhët organizon ngjarjen e ndarjes  së çmimit “Praktika më e mirë në zbatimin e Ligjit për përdorimin e gjuhëve”. (Biblioteka Kombëtare e Kosovës “Pjetër Bogdani”, ora 11:00)

- Ndërmarrja “Dekoriti” organizon shënimin e përvjetorit të 30-të, me ç’rast do të lansojë linjën e re të prodhimit me dru masiv për interier. (Dekoriti ne fshatin Konjuh të komunës së Lipjanit, ora 13:45)

- Udhëheqja e Sindikatës së Pavarur e Sektorit Privat të Kosovës mban takim me kryetarë të disa shoqatave ku do mirët vendim për fillimin e protestave dhe grevave për punëtorët e sektorit privat lidhru me rritjen e pagave dhe zbatimi i ligjit të punës, marrëveshjes kolektive etj. (Zyret e BSPK–së, ora 14:00)

- Medica Gjakova, me mbështetjen e Bashkëpunimit Gjerman për Zhvillim organizon promovimin e librit “Unë jam Anemone”, i pari i këtij lloji i shkruar në Kosovë i publikuar nga Medica Gjakova. (Shkolla e muzikës “Prenk Jakova” në Gjakovë, ora 18:00)