05 Qershor 2020

KEK modernizon Rrjetin e Shpërndarjes në Istog

Prishtinë, 23 prill - KEK ka vazhduar me përmirësimin e Rrjetit të Shpërndarjes përmes investimeve, duke vendosur infrastrukturën më moderne. Investimi më i fundit në vlerë prej 500 mijë eurosh është në Trafostacionin- TS 110/10 kV në Istog.

Ky investim do të ndikojë direkt që konsumatorët të kenë furnizim më kualitativ me energji elektrike, sikurse rritë besueshmërinë e furnizimit stabil si dhe  sigurinë e personelit të trafostacionit.

Vendosja e 17 kthinave të reja 10 (20) kilovoltëshe mundëson që operimi të mund të bëhet nga vendi, nga tabela komanduese dhe operimi në distancë nga Qendra Dispeçere. Kthinat e tensionit të lartë janë prodhim i kompanisë ABB dhe janë më modernet e llojit të vet.

Angazhimi i punëtorëve të KEK-ut, përkatësisht të Rrjetit të Shpërndarjes dhe Distriktit të Pejës në instalimin dhe mbarëvajtjen e punëve bëri që të kursehet një pjesë e konsiderueshme e parave.

Gjendja e mëhershme e këtyre kthinave nuk ishte aspak e mirë. Gjatë viteve të okupimit kishte ndodhur një avari me ç’rast ishin djegur një numër i madh i kthinave 20 kV-she (kilovoltëshe). Pushteti i atëhershëm nuk kishte bërë investime në objektet energjetike e poashtu as në këtë trafostacion.

Operimi në këtë trafostacion ka qenë i vështirësuar dhe me rrezik për personelin e trafostacionit. Për këtë arsye është bërë një investim në ndërrimin e kthinave të avarisura dhe lidhja e linjave në kthinat e reja.

Kalendari

Ngjarjet e datës 5 Qershor 2020

- Pranimi i detyrës nga Ministri i zgjedhur, Selim Selimi. (Ministrinë e Drejtësisë, objekti ish-Rilindja, ora 9:00)

- Fillon pastrimi i deponisë inerte në fshatin Lebane. (Përfundimi i autostrades në anën e djathtë, ora 10:00)

- Mahet mbledhja e komisionit për Mbikëqyrjen e Financave në të cilën do të behët shqyrtimi i raportit të auditimit për Pasqyrat vjetore financiare të Ministrisë së Drejtësisë. (Ndertesa e Kuvendit, salla  N302, ora 10:00)

- Në kuadër të fushatës "Ta Pastrojmë Kosovën", Komuna e Prizrenit do t'i bashkëngjitet fushatës globale "Dita e Pastrimit të Botës 2020”, për të promovuar rëndësinë e kujdesit ndaj mjedisit, duke marrë për bazë faktin se ky aktivitet do të promovohet në nivel global. (Brigjet e liqenit të Vërmicës, ora 10:30)

- Për Ditën Botërore të Mjedisit, Instituti për Politika Zhvillimore organizon panelin e diskutimit me titull “Tani është koha për natyrën!”. (Hotel Sirius, ora 11:00)

- Kryetari i degës së PDK-së në Prizren Shaqir Totaj, do të mban një konferencë për Media. (Zyret e degës në Prizren, ora 11:00)

- Ministri i Ekonomisë dhe Ambientit, Blerim Kuçi, pranon detyrën. (Ndërtesa e Ministrisë se Ekonomisë dhe Ambientit, ish-objekti i MZHE-së, ora 13:00)

- Ekipa qëndrore e “Ta Pastrojmë Kosovën” së bashku me vullnetarët fillon aktivitetet në Komunën e Suharekës, ku do të ketë aksion pastrimi dhe mbjellje, në bashkëpunim me komunën e Suharekës. (Suharekë, ora 14:30)