18 Shtator 2019

KEK kryen remontin e Bllokut B-2 për te siguruar prodhimin e energjisë

Prishtinë, 10 maj - Me qëllim të  rritjes së sigurisë së prodhimit të energjisë elektrike dhe furnizimit të qytetarëve me energji stabile, Korporata Energjetike e Kosovës ka nisur remontin kapital të njësisë B-2 të Termocentralit Kosova B.

Ky remont, i cili përfshinë riparimin gjeneral të njësisë B-2, ka filluar më 24 prill dhe do zgjasë deri në fund të muajit korrik.

Përkundër faktit se këto njësi janë afër përfundimit të jetëgjatësisë së tyre, drejtori i Termocentralit Kosova B, Luigj Imeri, tha se pas investimeve dhe remontit blloqet do të funksionojnë mjaftueshëm të sigurta.

“Jemi në një fazë që jemi duke punuar në dy drejtime d.m.th me njërën njësi jemi në operim, ndërsa me njësinë tjetër sipas planifikimeve tona që i kemi zhvilluar edhe më herët ku të gjitha planifikimet janë kryer në vitet paraprake në mënyrë që ne sot të mundemi të fillojmë këtë remont kapital që ndikon drejtpërdrejtë në sigurinë e operimit dhe sigurinë e furnizimi të qytetarëve me energji elektrike."

"Keni mundur të shihni që aty bëhet një punë profesionale dhe shumë specifike, e cila realizohet një herë në 7 vjet që nënkupton që krejt ky objektiv dhe ky qëllim është për të rritur sigurinë e furnizimit të qytetarëve me energji elektrike."

"Marrë parasysh që këto njësi janë afër përfundimit të jetëgjatësisë së tyre, normalisht që këto investime kapitale bëjnë të mundur zgjatjen e jetës së operimit të këtyre njësive dhe njëkohësisht rritin edhe sigurinë, por kjo është njëra ndër komponentët."

"Një punë tjetër që po funksionojmë paralelisht edhe jemi para përfundimit ose para përmbylljes së proceseve administrative, janë projekte të cilat do të organizohen gjatë vitit 2020 dhe 2021 e që kanë të bëjnë me ndotje të ambientit."

"Këto projekte do të financohen nga Zyra e Bashkimit Evropian ndaj të cilëve ne jemi shumë mirënjohës dhe jemi duke bashkëpunuar dhe funksionuar jashtëzakonisht shkëlqyeshëm, në mënyrë që t’i mbërrijmë ato afate kohore, të cilat i kemi planifikuar”, shtoi Imeri.

Remonti i këtij blloku është duke u bërë nga dy kompani prestigjioze Alstom dhe General Electric.

“Këtë vit jemi duke bërë remontin e të gjitha pjesëve të njësisë B-2. Jam shumë i kënaqur sepse makineria e njësisë B-2.  është mirë dhe ne nuk kemi pasur ndonjë problem dhe pasi të përfundojmë kontrollin, ne do ta lëshojmë në punë sërish dhe konsumatorët do të jenë shumë të kënaqur”, tha Guy Stoeckel nga kompania Alstom.

Ndërsa menaxheri i projektit për riparimin e turbinës, Drin Shahini, tregoi se deri më tani nuk kanë pasur asnjë problem.

“Falë bashkëpunimit që kemi pasur ne si KEK me GE (General Electric), siguria ka qenë në nivel. Nuk kemi pasur lëndime në punëtorë apo në staf. Tani jemi në fazën fillestare që quhet faza e demontimit, pastaj faza e defektazhës apo gjetjes së defekteve që mund të ketë gjatë demontimit të turbinës”, tha Shahini.

Njësia B-2 e Termocentralit Kosova B ka kapacitet prodhimit prej 339 megavatesh, por me qëllim të ruajtjes së funksionimit të tij, blloku punon me kapacitet prej 300-315 megavat.
 

Kalendari

Ngjarjet e datës 18 shtator 2019

- Kryetari i Lëvizjes Vetëvendosje Albin Kurti viziton Xhaminë e Çarshisë në Prishtinë. (Xhamia e Çarshisë në Prishtinë, ora 9:10)

- Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti, do të vizitojë Komunën e Kaçanikut ku do të takoj kryetarin e kësaj komune, Besim Ilazin, për të diskutuar rreth përgaditjes së Garës Nacionale të Sportit. (Objekti i komunës, ora 9:30)

- Specialistët stomatologë të papunë do të protestojnë para Ministrisë së Shëndetësisë. (Para Ministrisë së Shëndetësisë, ora 10:00)

- Instituti Demokratik i Kosovës organizon tryezën e diskutimit ndërmjet qytetarëve dhe kandidatëve për deputetë nga subjektet politike lidhur me temën “Qasja e subjekteve politike rreth çështjes së gjinekologut në nivel komunal”. (Hotel Sirius, ora 10:00)

- Kryetari i Lëvizjes Vetëvendosje Albin Kurti viziton Kalanë e Artanës. (Kalaja e Artanës, ora 10:30)

- Ministri në detyrë i Inovacionit dhe Ndërmarrësisë, Muzafer Shala, mbanë konferencë për media, ku do të lansojë Fondin për Mbështetjen e Ndërmarrjeve Mikro të Vogla dhe të Mesme në vlerë prej 4 milionë euro. (ndërtesa e Ministrisë së Punëve të Jashtme, kati i 3-të,  përballë New Born-it, ora 10:30)

- Oda e Afarzimit të Kosovës në bashkëpunim me Dhomën e Tregtisë në Tiranë dhe Odën Ekonomike të Maqedonisë Veri-Perëndimore organizojnë ngjarjen “Regional B2B Event”. (Holiday Inn në Shkup, 11:00)

- Ministri i Kulturës, Rinisë dhe Sportit, Kujtim Gashi, mirëpret fituesit e medaljeve të Taekwandos. (Kabineti i Ministrit në MKRS, ora 11:00)

- Lëvizja FOL organizon diskutimin e tretë në kuadër të Forumit FOL Hapur me kandidatët për Kryeministër ku i ftuari i radhës do të jetë Nenad Rašić, Kandidat për Kryeministër nga koalicioni Slloboda. (Zyrat e Lëvizjes FOL, ora 11:00)

- Kryetari i Komunës së Gjianit, Lutfi Haziri, nënshkruan kontratat me tetë përfituesit e nën-granteve, në kuadër të projektit "Te rinjtë në Agrobiznes- Regjioni Ekonomik Lindje". (Zyra e Kryetarit Haziri, ora 11:00)

- Punëtorët teknik te qendrës studentore do të protestojnë para drejtorisë së qendrës studentore. (Para drejtorisë së qendrës studentore, ora 11:00)

- Kryetari i Lëvizjes Vetëvendosje Albin Kurti viziton Ulpianën. (Ulpianë, ora 11:40)

- Komuna e Prishtinës në bashkëpunim me Zyren e Bashkimint Evropian në Kosovë organizon promovimi i shtegut për çiklistë, si fazë testuese. (Rruga Zagrebi në Prishtinë, ora 12:00)

- Kryetari i Lëvizjes Vetëvendosje Albin Kurti viziton Janjevën. (Janjevë, ora 12:20)

- Komuna e Prishtinës në bashkëpunim me Zyren e Bashkimint Evropian në Kosovë organizon tryezë diskutimi “Ecja, çiklizmi dhe transporti urban”. (Kolegji Tempulli, rr. Eduard Lir 156, ora 14:00)

- Fondacioni i Kosovës për Shoqëri të Hapur bën promovimin e publikimeve dhe organizon panel diskutimin “ Njohja e Kosovës bashkëkohore”. (Swiss Diamond Hotel, ora 14:00)

- Komisioni Qendror i Zgjedhjeve mban mbledhjen e radhës. (Ndërtesa e KQZ-së, ora 15:30)

- Iniciativa për Histori Gojore organizon lansimin e aplikacionit mobil Prishtina Ecë. (Kafe—librarinë dit’ e nat’, ora 17:00)

- Kandidati i PDK-së për Kryeministër të ardhshëm të Kosovës, Kadri Veseli, merr pjesë në takimin e organizuar nga Gruaja Demokratike. (Hotel Venus, Magjistralja Prishtinë-Lipjan, ora 17:00)

- Lëvizja Vetëvendosje! shpalos prioritetet qeverisëse. (Atelja e Sallës së Kuqe, ora 17:00)

- Federata e Piingpongut e Kosoves, organizon ndeshjet e ligës së parë, e ndeshja derbi pritet të jetë ajo ndërmjet Shkollës dhe Hasan Prishtinës. (Prishtinë, ora 18:00)

- Kryetari i Lëvizjes Vetëvendosje Albin Kurti mban tubim më banorë të fshatit Rufc. (Rufc, ora 19:30)

- Kryetari i Lëvizjes Vetëvendosje Albin Kurti mban tubim më banor në fshatin Gadime. (Gadime, ora 21:00)