19 Mars 2019

Inaugurohet projekti për efiçiencë dhe energji të ripërtërishme në QKUK

Prishtinë, 16 prill - Ministria e Zhvillimit Ekonomik (MZHE) se bashku me Ministrinë e Shëndetësisë (MSH) dhe i Shërbimin Spitalor dhe Klinik Universitar të Kosovës (SHSKUK) organizojnë ceremoninë inauguruese të projektit për Efiçiencë të Energjisë dhe Energji të Ripërtëritshme.

Ky projekt përfshin rinovimin e 12 ndërtesave publike në vlerë prej 2.3 milionë euro.

Të pranishëm në këtë ceremoni do të jenë Ministri i Zhvillimit Ekonomik -Valdrin Lluka, Ministri i Shëndetësisë - Uran Ismaili, Drejtori i Bankës Botërore për Kosovë - Marco Mantovanelli  dhe Drejtori i Shërbimit Spitalor dhe Klinik Universitar të Kosovës - Basri Sejdiu.

Ceremonia inauguruese zhvillohet sot para objektit të  Klinikës të Stomatologjisë në Qendren Klinike Universitare të Kosovës (QKUK).

 

Kalendari

Ngjarjet e datës 19 mars 2019 - Instituti Demokratik i Kosovës organizon tryezën e diskutimit gjatë së cilës do të publikohen gjetjet e raportit nga monitorimi i Kontratave për furnizim me material shpenzues për Hemodializë për vitin 2018, në një diskutim me përfaqësues të institucioneve dhe shoqërisë civile. (Orion Conference Center, ora 10:00) 

- Mbahet mbledhja e Komisionit Ad-hoc për përpilimin e Kodit për rregullimin dhe menaxhimin e fushës së pensioneve dhe beneficioneve nga sigurimi social. (Ndërtesa e Kuvendit, salla N204, ora 10:00)  

- Rrjeti i Grave të Kosovës organizon mbledhjen e radhës së Koalicionit për Barazi “Fuqizimi i pjesëmarrjes së grave në politikë”. (Hotel Sirius, ora 11:00)

- Ministria e Administrimit të Pushtetit Lokal në Kosovë dhe Ministria e Vetëqeverisjes Lokale në Maqedoninë Veriore në koordinim me Zyrën e Bashkimit Evropian në Kosovë dhe me përkrahjen teknike të ofruar nga Sekretariati i Përbashkët Teknik organizojnë Forumin Konsultativ. (Hotel International Prishtina, ora 11:00)

- Lëvizja Vetëvendosje mban aktivitet. (Takimi me mediat bëhet pranë QKMF-së, te Qafa, ora 12:00)

- Promovohet romani “Rrota e Ujit” i autores Resmije Kryeziu. (Kolegji AAB, objekti V, te këndi i Librarisë, ora 12:00)

- Oda e Afarizmit të Kosovës organizon konferencë për media lidhur me Udhëzimet Administrative të cilat janë në mospërputhje me Ligjin për Minierat dhe Mineralet që po pengojnë zhvillimin e bizneseve të këtij sektori. (Zyret e OAK-së, ora 13:00)

- Mbahet mbledhja e rregullt e Qeverisë së Republikës së Kosovës. (Ndërtesa e Qeverisë, ora 14:00)

- Ambasadori Kosnett do të vizitojë Zyrën Kombëtare të Auditimit të Kosovës ku do të merr pjesë në nisjen zyrtare të Njësisë për Luftimin e Mashtrimeve, e cila do të veprojë në kuadër të ZKAK. (Lokalet e Zyrës Kombëtare të Auditimit, rr. Ahmet Krasniqi, Arbëri, ora 15:10)