18 Nëntor 2019

Humb jetën në detyrë punëtori i KEK-ut Avni Istrefi

Prishtinë, 1 prill - Korporata Energjetike e Kosovës (KEK) njofton me dhimbje të thellë se mbrëmë, rreth orës 21:00, në Distriktin e Pejës ka ndodhë një aksident fatal, me ç’rast ka humbur jetën punëtori i korporatës Avni Ibrahim Isrefi, i lindur në Pejë me datën  09.02.1957, baba i katër fëmijëve.

I ndjeri ishte  punësuar në korporatë që nga viti 1976. Ndërsa, deri në momentet e fundit të jetës punonte në detyrën e elektroinstaluesit në Divizionin e Rrjetit të korporatës. Deri të aksidenti ka ardhur gjatë intervenimit të Ekipit kujdestar në evitimin e defektit në linjën elektrike 10 kV (kilovolt) Vitomirica II, me ç’rast ka ardhur në kontakt me tensionin elektrik 10 kV.

Në vendin e ngjarjes kanë dalë Organet  e hetuesisë dhe ekipi nga KEK-u. Menjëherë është formuar komisioni profesional për hulumtimin e rastit si dhe rrethanat tjera të ndërlidhura me këtë ngjarje aksidentale.

I tërë stafi i KEK-ut ofron ngushëllimet më të sinqerta për familjen, miqtë dhe të afërmit e të ndjerit, bashkëndjen dhembjen me të gjitha ata dhe zotohet t’i qëndrojë pranë familjes në këto momente të rënda. Korporata ka humbur një punonjës profesionist, të sinqert dhe të zellshëm dhe i tërë stafi ndjehet i pikëlluar nga ndërrimi tragjik i jetës së kolegut dhe mikut, Avni Istrefi.

Kalendari

Ngjarjet e datës 18 nëntor 2019

- Oda Ekonomike e Kosovës do të mbajë konferencë për media në të cilën do të prezentojë hulumtimin rreth opinionit të bizneseve për marrëveshjen Kosovë-Serbi. (Objekti i Odës Ekonomike të Kosovës, ora 9:00)

- Organizata për Demokraci, Anti-korrupsion dhe Dinjitet, ÇOHU! me përkrahjen e Ambasadës së Mbretërisë së Holandës përmes Programit Matra organizon tryezë në të cilën do të publikohet raporti me titull Qasja në Drejtësi. (Hotel Sirius, ora 10:00)

- Qendra e Inovacionit të Kosovës dhe Oda Ekonomike Amerikane në Kosovë organizojnë ceremoninë e hapjes së Javës Globale të Ndërmarrësisë 2019 në Kosovë. (Menza "Ramiz Sadiku" në Prishtinë, ora 10:00)

- Grupi Tematik për të Drejtat e Fëmijëve në Shëndetësi në kuadër të Koalicionit te OJQ-ve për Mbrojtjen e Fëmijëve organizon konferencën për media në te cilën do të prezantojë një dokumet me të dhëna dhe rekomandime për mbrojtjen e ambientit në Kosovë. (Qendra e Resurseve për OSHC, Forumi për Iniciativa Qytetare në Lagjen Pejton, ora 10:00) 

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it do të organizojë tryezë me titull “Pandëshkueshmëria e korrupsionit”. (Hotel Sirius, ora 10:00)

- Instituti Kërkimor për Çështje Evropiane dhe të Zhvillimit organizon prezantimin e studimit per Çështjen e Kompleksit të Trepçës dhe Çështjen e Reparacioneve për Krimet e Luftës të kryera në Kosovë në Kontekstin e ‘Finales së Madhe’ eventuale ndërmjet Kosovës dhe Serbisë. (Hotel Swiss Diamond, ora 10:00)

- Komuna e Prizrenit në bashkëpunim me PPSE Swisscontact dhe SHB Sharri përuron shtegun turistik të ri Via Ferrata "Panorama". (Gryka e Lumbardhit, 4.5 km nga qendra e qytetit, ora 11:00 - transporti i organizuar nga Komuna e Prizrenit, nisja nga Shtëpia e Bardhë, ora 10:30)

- Në kuadër të aktivitet kulturor kushtuar "Ditet e Alfabetit", promovohet botimi 'Levizja Protestante te shqiptaret 1818-1908" te autorit prof. dr. David Hosaflook. (Biblioteka Kombetare "Pjeter Bogdani", ora 10:30)

- Muzeu Kombëtar i Kosovës hap ekspozitën “Bienalen e Akuarelit Edicioni i 2-të” e cila sjellë vepra arti të artisëve nga 70 vende të botës me rreth 380 piktura. (Muzeu Kombëtar, ora 19:00)