18 Nëntor 2019

Hapet forumi energjetik ekonomik për regjionit të Detit të Zi

Sofje, 2 mars - Kryeministri bullgar Bojko Borisov hapi në Sofje një forum energjetik ekonomik kushtuar regjionit të Detit të Zi. Në fjalimin e tij Bojko Borisov siguroi se çdo hap i vendit, i lidhur me gazin dhe me energjinë elektrike, do të jetë me sanksion të BE-së.

Borisov shpjegoi se edhe ndërtimi i Centralit të dytë atomik në Belene duhet të realizohet në një transparencë të plotë. Nga ana e vet komisari evropian i energjetikës Gjunter Jotinger nënvizoi rëndësinë e madhe të Bullgarisë për BE-në, për shtetet fqinje dhe për Rusinë për shkak të gjendjes së saj gjeostrategjike.

Kryeministri dhe qeveria duhet të marrin vendime serioze, të koordinuara me BE-në. Dëshira ime është që synimet tuaja të jenë në koordinim me politikën evropiane”, tha Jotinger. Ai shënoi se këtë vit janë marrë vendime shumë të rëndësishme sa i përket projektit për naftësjellësin “Nabuko”.

Gjatë disa javëve të ardhshme do të përgatitim një paraqitje teknike para vendeve nga BE-ja. Duam që të gjithë të kenë dobi nga projekti – si vendet, në të cilat ka instalime për gazin, ashtu dhe Rusia, si dhe vendet, përmes të cilave do të kalojë gazsjellësi.

Mendoj se pozita e Bullgarisë dhe ajo e BE-së sa u përket furnizimeve të gazit është e njëjtë, vuri në dukje Jotinger dhe shprehu shpresë se gjatë disa javëve të ardhshme e gjithë kjo do të diskutohet, që të bëhet një plan biznesi dhe Bullgaria dhe BE-ja të bashkëpunojnë, duke u përfshirë dhe sektori privat.

Kalendari

Ngjarjet e datës 18 nëntor 2019

- Oda Ekonomike e Kosovës do të mbajë konferencë për media në të cilën do të prezentojë hulumtimin rreth opinionit të bizneseve për marrëveshjen Kosovë-Serbi. (Objekti i Odës Ekonomike të Kosovës, ora 9:00)

- Organizata për Demokraci, Anti-korrupsion dhe Dinjitet, ÇOHU! me përkrahjen e Ambasadës së Mbretërisë së Holandës përmes Programit Matra organizon tryezë në të cilën do të publikohet raporti me titull Qasja në Drejtësi. (Hotel Sirius, ora 10:00)

- Qendra e Inovacionit të Kosovës dhe Oda Ekonomike Amerikane në Kosovë organizojnë ceremoninë e hapjes së Javës Globale të Ndërmarrësisë 2019 në Kosovë. (Menza "Ramiz Sadiku" në Prishtinë, ora 10:00)

- Grupi Tematik për të Drejtat e Fëmijëve në Shëndetësi në kuadër të Koalicionit te OJQ-ve për Mbrojtjen e Fëmijëve organizon konferencën për media në te cilën do të prezantojë një dokumet me të dhëna dhe rekomandime për mbrojtjen e ambientit në Kosovë. (Qendra e Resurseve për OSHC, Forumi për Iniciativa Qytetare në Lagjen Pejton, ora 10:00) 

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it do të organizojë tryezë me titull “Pandëshkueshmëria e korrupsionit”. (Hotel Sirius, ora 10:00)

- Instituti Kërkimor për Çështje Evropiane dhe të Zhvillimit organizon prezantimin e studimit per Çështjen e Kompleksit të Trepçës dhe Çështjen e Reparacioneve për Krimet e Luftës të kryera në Kosovë në Kontekstin e ‘Finales së Madhe’ eventuale ndërmjet Kosovës dhe Serbisë. (Hotel Swiss Diamond, ora 10:00)

- Komuna e Prizrenit në bashkëpunim me PPSE Swisscontact dhe SHB Sharri përuron shtegun turistik të ri Via Ferrata "Panorama". (Gryka e Lumbardhit, 4.5 km nga qendra e qytetit, ora 11:00 - transporti i organizuar nga Komuna e Prizrenit, nisja nga Shtëpia e Bardhë, ora 10:30)

- Në kuadër të aktivitet kulturor kushtuar "Ditet e Alfabetit", promovohet botimi 'Levizja Protestante te shqiptaret 1818-1908" te autorit prof. dr. David Hosaflook. (Biblioteka Kombetare "Pjeter Bogdani", ora 10:30)

- Muzeu Kombëtar i Kosovës hap ekspozitën “Bienalen e Akuarelit Edicioni i 2-të” e cila sjellë vepra arti të artisëve nga 70 vende të botës me rreth 380 piktura. (Muzeu Kombëtar, ora 19:00)

 

- Në kuadër të projektit ' Tell Me More' të perkrahur nga MKRS dhe DKRS dhe të implementuar nga Kuvendi i të Rinjve të Prizrenit do të realizohet shfaqja teatrale në Shtepinë e Kulturës " Xhemajli Berisha ". (Shtëpia e Kulturës në Prizren, ora 20:00)