22 Korrik 2019

Gjilani nis fushatën “Mos ndiz zjarr që shkakton rrezik të përgjithshëm”

Gjilan, 19 qershor – Drejtoria për Mbrojtje dhe Shpëtim e Komunës së Gjilanit ka nisur fushatën vetëdijësuese të qytetarëve në parandalimin e zjarreve fushore dhe pyjore me moton “Mos ndiz zjarr që shkakton rrezik të përgjithshëm”.

“Kemi ngritur nivelin e mobilizimit të stafit të Drejtorisë, SHZSH dhe Shërbimit Vullnetar të Zjarrfiksëve, si pasojë e ngritjes së temperaturave. Kemi mbajtur takim me faktorët komunal emergjent si me Policinë e Kosovës, Zyren Operative Emergjente 112, Inspektoratin e Zjarrëfikjes, Shërbim Zjarrëfikjes dhe Shpëtimit, ku jemi dakorduar në marrjen e masave të duhura dhe me kohë duke bashkëpunuar mes faktorëve komunal ne parandalimin e zjarreve dhe rreziqeve të tjera”, ka thënë drejtori për Mbrojtje dhe Shpëtim, Sami Spahiu, në konferencën për media, të mërkurën.

Duke paraqitur punën 6-mujore, Spahiu pohoi se në janar kanë arritur ta sjellin një kamiontë ashtuquajtur sulmues për Shërbimin e Zjarrëfikjes dhe Shpëtimit si donacion nga Zvicra, me ndihmën e Rotari Klub Gjilani.

Ndërsa, në bashkëpunim me kompaninë Hidromorava, nëpërmjet grupit punues të krijuar nga kryetari Haziri, është arritur të aftësohen shtatë pika furnizuese – hidrantë në qytetin tonë të cilët më herët kanë qenë jashtë funksionit.

“Po ashtu, Njësinë profesionale të Zjarrëfikëseve jemi në procedurën finale për furnizuar me tri pompa shpinore profesionale, ku do të shërbejnë dhe lehtojnë punën zjarrfiksëve për fikjen e zjarreve malore dhe fushore”, tha ai.

Në 6-mujorin e parë të këtij viti, Spahiu njoftoi se ka pasur 267 zjarre dhe 725 intervenime teknike nga ekipet e tyre.

​

 

Kalendari

Ngjarjet e datës 23 korrik 2019 - Mbahet ceremonia e nënshkrimit të momerandumit të bashkpunimit mes Komunës së Lipjanit dhe Organizatës “Qatar Charity”. (Komuna e Lipjanit, Zyra e Kryetarit, ora 9:30​)

- Komisioni Hetimor Parlamentar në lidhje me gjendjen në PTK dhe Vala interviston  Sebaudin Ramaxhiku, Zyrtar Ligjor në Telekom dhe Arben Hlili, Shef i Kontabilitetit Departamenti i Financave në Telekom. (Ndërtesa e Kuvendit, salla N 303, ora 10:00)

- Kryetari i Komunës së Prizrenit, Mytaher Haskuka do të merr pjesë në shpërndarjen e lopëve qumështore, për përfituesit nga thirrja e hapur nga Drejtoria e Bujqësisë dhe Zhvillimit Rural. (Tregun i Kafshëve, rruga e tranzitit, Arbanë, ora 11:30 - Nisja do të bëhet nga Shtëpia e Bardhë, ora 11:00)

- Partnerët implementues OJQ Dera e Hapur dhe OJQ SOZM organizojnë panairin e Artizanateve dhe Trashëgimisë Kulturore në Prishtinë. (Sheshi “Adem Jashari” në Prishtinë, ora 11:00)

- Mbahet mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të behët shqyrtimi i Raportit të Punës së Komisionit për sesionin pranveror 2019. (Ndërtesa e Kuvendit, salla N 302, ora 11:00)

- Nën përkujdesjen e Kryetarit, Lutfi Haziri, bëhet promovimi i librit “Le secret de Blerim et autres fictions - Sekreti i Blerinit dhe proza të tjera” i autorit Jean Yves Carlen. (Salla e Kuvendit Komunal në Gjilan, ora 12:00)

- Grupi i Aktivistëve organizojnë marshin protestues kundër racizmit për të kërkuar përgjegjësi para Këshillit Prokurorial të Kosovës. (Sheshi "Skënderbeu", ora 12:00)

- Lëvizja Vetëvendosje mban konferencë për media në të cilën flasin nënkryetari Besnik Bislimi dhe Drejtuesi i Grupit Parlamentar Glauk Konjufca. (Zyrët e Vetëvendosjes, ora 13:00)

- Ministria e Tregtisë dhe Industrisë mban seminar te Biznesit Ndërkombëtar për Zhvillimin e Zonës Industriale të Re në Drenas në të cilën do të merr pjesë edhe ministri i Tregtisë dhe Industrisë, Endrit Shala. (Swiss Diamond Hotel, ora 14:30)