13 Nëntor 2019

Gjilan, KEK-u sfidon kryeministrin, vazhdon shkyçjet kolektive

Prishtinë, 26 mars - Mëgjithë atë që dje deklaroi kryeministrit Qeverisë së Kosovës Hashim Thaçi, drejtuar KEK-ut, që t’i ndërprerë shkyçjet kolektive të rrymës, ndërprerja e tillë e rrymës ka vazhduar në komunën e Gjilanit, duke i dënuar kështu edhe konsumatorët që rregullisht paguajnë energjinë e shpenzuar.

Për shkyçje të tilla kolektive, që kanë zgjatur nga e hëna, pakënaqësinë e tyre i kanë shprehur banorët e fshatit Pogragjë, të cilët thonë se shumica i përgjigjen obligimeve dhe se është e padrejtë që për hir të atyre që nuk paguajnë të ndëshkohen të gjithë qytetarët pa dallim.

Zyrtarë të KEK-ut në Gjilan, thanë të premten se shkyçje kolektive gjatë këtyre ditëve ka pasur në qytetin e Gjilanit dhe në fshatrat, Pasjak, Cernicë, Uglar, Pogragjë, Llovcë, Bilinicë, Sllubicë e Stublinë, madje në disa lokalitete si në Pogragjë e Uglar, është dashur intervenimi i policisë për shkak të problemeve që qytetarët e pandershëm madje ata që janë borxhlinj, po i shkaktojë rrjetit elektrik, pas ndërprerjeve të rrymës në shenjë revolte.

Banorët e fshatit Pogragjë si Sabri Salihu, Bashkim Mustafa, Driton Aliu e shumë tjerë, të cilëve pa të drejtë u është ndalur rryma nga e hëna, thonë se KEK-u me veprime të tilla po i fyen qytetarët e ndershëm. Ata thanë se KEK-u në bashkëpunim me policinë të merret me qytetarët që nuk paguajnë energjinë elektrike dhe që kanë me mijëra euro borxhe dhe t’i lënë të qetë ata qytetarë që obligimet e tyre i kryejnë rregullisht.

Pakënaqësinë dhe revoltën e tij me veprimet e tilla të KEK-ut ka shprehur edhe Shemsedin Jashari, pronar i një vetëshërbimi të madh në këtë fshat, duke theksuar se atij mund t’i shkaktohen mijëra euro humbje.

Ai dhe banorët tjerë të Pogragjës, i bënë thirrje qeverisë dhe kryeministrit, që të ushtrojnë presionin e tyre dhe madje edhe me vendim, t’ia ndalojnë KEK-ut shkyçjet kolektive.

/ksl/

Kalendari

Ngjarjet e datës 13 nëntor 2019

- Save the Children në bashkëpunim me Minstrinë e Arsimit dhe Institutin Pedagogjik organizojnë konferencën ndërkombëtare ‘Fuqizimi i Kujdesit, Zhvillimit dhe Edukimit në Fëmijërinë e Hershme’ që ka për qëllim të ofrojë mundësi për hartuesit e politikave, ofruesit e shërbimeve, përfaqësuesit nga akademia dhe akterë të tjerë, për t’u informuar dhe ndarë praktikat më të mira mbi rëndësinë e investimeve në kujdesin dhe zhvillimin e fëmijërisë së hershme. (Hotel Sirius, ora 9:30)

- Instituti Demokratik i Kosovës organizon tryezën e diskutimit lidhur me dy projekte të mëdha të Ministrisë së Infrastrukturës siç janë, rehabilitimi i rrugës Prishtinë - Pejë dhe Prishtinë - Mitrovicë ku edhe do të bëhet edhe publikimi i hulumtimit mbi arsyet e vonesave në punime në këto dy rrugë, i titulluar “Rrugë pa fund”. (Hotel Sirius, ora 10:00)

- Organizata "Voice of Roma, Ashkali and Egyptians" VoRAE organizon Festivalin Multikulturorë i pari i këtij lloji në Kosovë. (Hotel Emerald, ora 10:00)

- Grupi për Studime Juridike dhe Politike organizon tryezën e diskutimit me temë “Roli i vendimeve të Gjykatës Supreme në luftën kundër krimit dhe korrupsionit: Një thirrje për disiplinim të gjyqtarëve që marrin vendime të kundërligjshme”. (Qendra e konferencave Orion, ora 10:30)

- Në kuadër të fushatës “Jo drogë tek të rinjtë”, Task Forca Anti Drogë tek të rinjtë dhe siguri në Shkolla do të organizoj pritje për student, ku do të shfaqin prezantimet me njohurit e tyre lidhur me narkotikët, si dhe do të bashkëbisedojnë me Shefin e Task Forcës Anti Drogë. (Ndërtesa e Qeverisë, salla P38, ora 11:00) 

- Drejtori i Drejtorisë së Shëndetësisë në Komunën e Prizrenti, Visar Shehu, do të mbajë konferencë për shtyp për ta njoftuar opinionin publik me më të rejat nga fusha e shëndetësisë. (Zyret e Shërbimit Urgjent, rruga Tirana në Prizren, ora 11:00)

- Ambasada e Francës në Kosovë mban konferencë për media në të cilën do të prezantojë edicionin e 19 - të Festivalit të Filmit Frankofon në Kosovë i cili organizohet në bashkëpunim me përfaqësitë diplomatike të Zvicrës, Belgjikës dhe Luksemburgut, Aleancën Franceze, Ministrinë e Punëve të Jashtme, si dhe Ministrinë e Kulturës, Rinisë dhe Sportit të Kosovës. (Salla e konferencave në Ministrinë e Punëve të Jashtme, ora 12:00)

- Teatri i Qytetit te Mitrovicës "Muharrem Qena" shfaq premierën teatrore “Kur treni vonohet”, me autor Osman Goranci dhe me regji të Artan Tmavës. (Qendra e Kulturës “Rexhep Mitrovica”, ora 19:00)