28 Nëntor 2021

Gjermanisë i kërkohet të mos i fik centralet bërthamore

Berlin, 14 tetor - Një grup prej 25 intelektualësh, ambientalistësh, shkencëtarësh dhe inxhinierësh i kanë dërguar një letër të hapur Qeverisë gjermane që të vazhdojë të mbajë në punë reaktorët e saj bërthamorë për prodhimin e energjisë, duke shtyrë përkohësisht planet për mbylljen e tyre.

Aktualisht, Gjermania ka në punë gjashtë reaktorë të tillë që prodhojnë rreth 12 për qind të energjisë totale që konsumon vendi. Procesi i mbylljes së reaktorëve u përshpejtua pas tragjedisë së Fukushimas në Japoni dhe Qeveria gjermane planifikon që edhe gjashtë reaktorët e mbetur të mbyllen brenda vitit të ardhshëm.

Por, në letrën e hapur të publikuar nga “Die Welt”, shkencëtarët, inxhinierët dhe ambientalistët i kërkojnë qeverisë që të tërhiqet nga ky vendim, duke deklaruar se mbyllja e tyre do të rriste me të paktën dy herë emëtimet e karbonit në vend dhe në Europë.

Letra ka marrë shkas nga kriza aktuale energjitike, rritja e fortë e kërkesës dhe mungesa e ofertës. Sipas tyre, këta faktorë do të çojnë në riaktivizimin e termocentraleve me qymyr, apo naftë duke shtuar emëtimet e karbonit në atmosferë me të paktën 60 mijë tonë në vit.

“Me këtë sasi, Gjermania nuk do të kapë dot objektivin e vendosur për klimën në vitin 2030, për të shkurtuar emëtimet e karbonit me 65 për qind dhe çuar ato në nivelet e viteve 1990”, thonë ata.

Autorët kanë shpresë se qeveria e re që do të formohet me drejtues socialdemokratët do të heqë dorë nga ky plan dhe do të vijojë të mbajë në punë centralet bërthamore.

Gjermania aktualisht prodhon pjesën më të madhe të energjisë së saj nga era dhe gazi, që emëton pak karbon në atmosferë. Objektivi është që brenda 2022 e gjithë energjia të sigurohet vetëm nga këto dy burime dhe në një afat 7 deri në 10 vjeçar vetëm nga burome të rinovueshme, si era dhe energjia diellore.

Kalendari

Ngjarjet e datës 28 Nëntor 2021

- Për nder të Ditës së Flamurit, Kryeministri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani, dhe me kabinetin qeveritar, bëjnë homazhe dhe vendosin lule te varrezat e dëshmorëve në Kompleksin Memorial "Adem Jashari". (Prekaz, ora 9:00)

- Komuna e Skenderajt bën nderime tek shtatorja e Komandantit Legjendar Adem Jashari. (Skenderaj, ora 9:00)

- Komuna e Rahovecit dhe Organizata e Veteranëve të Luftës së Ushtrisë Çlirimtare të Kosovës organizon ngritjen e flamurit kombëtar te Kompleksi memorial në Gradish. (Gradish, ora 9:00 - Kompleksi përkujtimor “Maja e Shkodranit”, ora 9:40 - Kulla e Heronjve në Opterushë, ora 10:20)

- Me rastin e Festave të Nëntorit, një grup i të rinjve dhe ish-pjesëtarë të Ushtrisë Çlirimtare të Kosovës do të vendosin një Flamur me imazhet e udhëheqësve të luftës së UCK-së të cilët po mbahen në Hagë. (Rruga "Fehmi Lladrovci", tek rrethi afër hyrjes kryesore të QKUK-së, ora 9:00)

- Komuna e Skenderajt homazhe tek Kompleksi Memorali Adem Jashari. (Prekaz, ora 9:15)

- Me rastin e Festave të Nëntorit Komuna e Skenderajt organiyon maratonën Vrapimi i Nëntorit. (Kompleksi Memorial Adem Jashari në Prekaz, ora 9:30)

- Për nder të Ditës së Flamurit, Kryeministri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani, dhe me kabinetin qeveritar, bëjnë homazhe dhe vendosin lule të Shtatorja e Ismail Qemalit. (Prishtinë, ora 10:00)

- Kryeministri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani, dhe me kabinetin qeveritar, bëjnë homazhe dhe vendosin lule të shtatorja e Zahir Pajazitit. (Prishtinë, ora 10:20)

- Komuna e Rahovecit dhe Organizata e Veteranëve të Luftës së Ushtrisë Çlirimtare të Kosovës bën homazhe  te varrezat e Dëshmorëve. (Rahovec, ora 10:40)

- Komuna e Rahovecit dhe Organizata e Veteranëve të Luftës së Ushtrisë Çlirimtare të Kosovës organizojnë programin festiv për nder të 28 Nëntorit. (Shkolla e muzikës “Vihuela” në Rahovec, ora 11:00)

- Komuna e Gjilanit organizon homazhe te varrezat e dëshmorëve. (Kompleksi i varrezave të dëshmorëve në Gjilan, ora 11:00)

- Komuna e Gjilanit organizon inagurimin e projektit të galerisë së qytetit. (Gjilan, ora 11:30)

- Partia Socialdemokrate do të mbaj aktivitet pranë Teatrit Kombëtar. (Sheshi "Skënderbeu", ora 13:00)

- Komuna e Gjilanit organizon inagurimin e projektit të tregut dhe parkut në Zheger. (Fshati Zhegër, ora 13:00)

- Nën patronatin e kryetarit të komunës z. Smajl Latifi në bashkëpunim me shoqatat e dala nga lufta e UÇK-së organizon turnir në futboll të vogël. (Palestra Sportive “Mizahir Isma”në Rahovec, ora 12:00)

- Komuna e Skenderajt organizon natën finalen e festivalit tradicional Rapsodia Shqiptare. (Qendra e Kulturës Hasan Prishtina, ora 16:00)

- Komuna e Gjilanit organizon koncert festiv nga ansambli i këngëve dhe valleve për nder të Ditës së Flamurit . (Teatri i qytetit të Gjilanit, ora 17:00)