28 Mars 2024

Gjermania, 200 miliardë euro mbrojtje ekonomike për krizen energjetike

Berlin, 30 shtator - Berlini njoftoi një program masiv ndihme qeveritare për kapërcimin e krizës energjetike, lëvizje kjo që u përshëndet menjëherë nga krerët e industrisë. Gjermania, një ‘superfuqi industriale’ e botës, është sot nën presion.

Avantazhi i saj afatgjatë i energjisë së lirë ruse ka përfunduar, çmimet e energjisë janë në rritje dhe kompanitë po reduktojnë prodhimin ose po largohen.

Grupi industrial me shumë ndikim, BDI paralajmëroi se “zemra e industrisë është aktualisht nën kërcënim”, dhe ekzekutivi gjerman po përpiqet që ta zbusë një ngërç të tillë.

“Rusia po ndërmerr një luftë energjetike ndaj Europës. Ne do të bëjmë c`është e mundur që të  ruajmë substancën ekonomike të vendit tonë”- tha Scholz.

Plan i qeverisë gjermane i vjen në ndihmë si industrisë, ashtu edhe familjeve. Me qëllimin të shmanget shkelja e “frenës famëkeqe të borxhit”, apo kufiri kushtetues për huamarrjen, qeveria, shtoi kancelari, po riaktivizon fondin e stabilizimit ekonomik, i cili është fuqizuar mjaftueshëm gjatë krizës COVID-19.

“Fondi i stabilizimit ekonomik është një instrument krizash që e ka dëshmuar tashmë vlerën e tij gjatë krizës së koronavirusit, sic e tregoi dhe shpëtimi i Lufthansës “, u shpreh zëdhënësi i qeverisë, Dennis Rohde.

Sipas planit, një sasi e caktuar energjie elektrike për konsumatorët dhe kompanitë do të subvencionohet.

Do të merren masa për të kufizuar dhe impaktin e çmimit të lartë të gazit, ndërsa norma e tatimit mbi vlerën e shtuar për gazin dhe ngrohjen qendrore do të mbetet në 7% deri në pranverën e vitit 2024.
 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)