05 Dhjetor 2022

Gjermanët hyjnë në aleancën e gazsjellësit transadriatik

Berlin, 22 maj - Gjiganti gjerman i energjisë elektrike dhe i gazit E.ON Ruhrgas bleu dje 15 për qind të aksioneve të projektit të Gazsjellësit TransAdriatik, (TAP), i cili deri tani kontrollohej nga zvicerania EGL dhe Statoil nga Norvegjia. Lajmin e bëri të ditur vetë konsorciumi.

Në këtë mënyrë, aleanca për këtë gazsjellës u fuqizua edhe më tej, së bashku me shanset e projektit për t’u realizuar. “Kjo është një lëvizje strategjike dhe një hap i rëndësishëm në realizimin e projektit. E.ON Ruhrgas ka një histori të gjatë në zhvillimin me sukses të projekteve të gazit si dhe zotëron diturinë e mjaftueshme për të fuqizuar TAP”,  deklaroi kompania. Dy kompanitë e tjera do të kenë 42.5 për qind të aksioneve tani e tutje, por TAP bën të ditur se mbetet e hapur për të pranuar investitorë të tjerë të interesuar.

TAP synon të hapë një Korridor Jugor në furnizimin e Europës me gaz, përmes ndërtimit të një gazsjellësi nga Trikalla në Greqi për në Itali, duke kaluar nga Shqipëria dhe deti Adriatik. Ky gazsjellës synon të gjejë një mënyrë për transportimin e gazit të Lindjes së Mesme dhe Detit Kaspik në Europë, duke shmangur territorin rus.

Por problemi qëndron në faktin se kontratat e gazit me vendet prodhuese në zonën e Azisë Qendrore mbartin rreziqe të mëdha politike. Për më tepër, aktualisht në këtë zonë nuk ka gaz të mjaftueshëm për të furnizuar një gazsjellës të ri.

Sipas drejtorit të TAP, Kjetil Tungland, zhvillimi i TAP do të varet nga ecuria e punimeve për zhvillimin dhe shfrytëzimin e fushës gazmbajtëse Shah Deniz në Detin Kaspik. Për këtë arsye, TAP thotë se do të marrë vendimin e saj për ndërtimin ose jo rreth vitit 2012.

Qeveria shqiptare ka dhënë të gjitha lejet e nevojshme për ndërtimin e këtij gazsjellësi. Aleati i ri i projektit, gjermania “Ruhrgas” është një nga kompanitë më të mëdha të fushës. Gjatë vitit të kaluar, ajo ka shpërndarë nëpër Europë 53 miliardë metra kub gaz. TAP synon të ketë një kapacitet vjetor transportimi prej 10 miliardë metra kub në vit.

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Ministrja e Drejtësisë, Albulena Haxhiu do të bëjë lansimin e Protokollit Shtetëror për Trajtimin e Rasteve të Dhunës. (Hotel Emerald, ora 11:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Zëvendësministri i Drejtësisë, Blerim Sallahu, do të hapë ekspozitën e të burgosurve rreth rasteve të Dhunës në Familje. (Hollin e Ministrisë së Drejtësisë, ish objekti Rilindja, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)            


- Komisioni Qendror i Zgjedhjeve mban mbledhjen e radhës. (Objekti i KQZ-së, ora 16:30)