07 Tetor 2022

Gazsjellësi “South Stream” kalon në Kroaci

Moskë, 3 mars - Agjencitë ruse të lajmeve njoftojnë se gjatë një takimi mes kryeministrave të Rusisë dhe Kroacisë në Moskë, Kroacia nënshkroi një marrëveshje për sa i përket kalimit të gazsjellësit ruso-italian ''South Stream'' në territorin e saj.

Marrëveshja për kalimin dhe përdorimin e gazsjellësit në territorin kroat u nënshkrua nga ministri rus i Energjisë, Serguei Chmatko dhe homologu kroat Djuro Popijac në prani të kryeministrave rus, Vladimir Putin dhe kroat Jadranka Kosor.
 
"Siç e dini, projekti ka marrë një mbështetje të gjerë ndërkombëtare ku Bullgaria, Hungaria, Greqia, Serbia dhe Sllovenia i shtohen realizimit të këtij projekti. Në mënyrë të veçantë dhe kryesisht kjo i përket stabilitetit të livrimit energjetik në Evropë dhe avantazheve ekonomike për çdo pjesëmarrës'', deklaroi Putin.

Kalendari

Ngjarjet e datës 7 tetor 2022 - Komisioni i posaçëm për shqyrtimin e kandidatëve për emërim në Gjykatën Kushtetuese shqyrton nominimet e kandidatëve për gjyqtar në Gjykatën Kushtetuese lidhur me përmbushjen e kushteve të parapara me Kushtetutë dhe Ligj. (Ndërtesa e Kuvendit, salla C301, ora 9:00)

- Ministria e Zhvillimit Rajonal dhe Caritas Zviceran në Kosovë lansojn thirrjen “Projektet Investuese të Diasporës” në kuadër të projektit “Veprimi i Komunave për Riintegrim dhe Diasporë – MARDI”. (Ndërtesën Qeverisë, salla P38, ora 9:30)

 - Kuvendi i Republikës së Kosovës mban seancë plenare. (Kuvendi i Kosovës, ora 10:00)

- Kryetari i Komisionit për Punë të Jashtme dhe Diasporë, Haki Abazi mban konferencë për medie lidhur me qëndrimet dhe vlerësimet për proceset e rëndësishme nëpër të cilat po kalon vendi. (Holli i Kuvendit të Kosovë, ora 10:00)

- Rrjeti i Grave të Kosovës dhe Fondi i Kombeve të Bashkuara për Popullsinë publikojnë përmbledhjen e politikave 'Dispozitat për koston e lejes së lindjes, atësisë dhe pushimit prindëror në Ligjin e Punës', të shkruar nga Dita Dobranja në emër të RrGK-së. (Hotel Sirus, ora 10:00)

- OJQ Aktiv organizon prezantimin e “Udhëzuesin për verifikimin bazë të informacionit mediatic” i cili është i dedikuar kryesisht për komunitetin serb të Kosovës. (Qendra e Energjisë Qytetare në Mitovicën e Veriut, ora 11:00)

- Sekretari Gjeneral i FIBA Andreas Zagklis takohet me Ministrin e Kulturës, Rinisë dhe Sportit të Kosovës, Hajrulla Çeku. (Ndërtesa e Ministrisë së Kulturës, ora 11:00)