13 Gusht 2020

Gashi takoi ndihmësin e zëvendës sekretarit amerikan për mjedis

Prishtinë, 25 prill - Në konferencën që po mbahet në Stockholm të Suedisë për Zhvillim të Qëndrueshëm, Ministri i Mjedisit dhe Planifikimit Hapësinor, Dardan Gashi, sot,  është takuar me  ndihmësin e zëvendës sekretarit të shtetit amerikan për Mjedis dhe Oqeane, Lawrence Gumbiner.

Në këtë takim njoftues, Ministri Gashi dhe Z. Gumbiner biseduan rreth qëllimeve të kësaj konference, e cila është edhe pararendëse e konferencës së Rio+20, për implementimin e politikave botërore për zhvillim të qëndrueshëm.

Sa i përket Konferencës së Rios, Kosova është duke advokuar pjesëmarrjen e saj te përfaqësuesit e ndryshëm të cilët po marrin pjesë në këtë konferencë.

Gumbiner përmendi edhe mundësinë e ndihmës së shtetit amerikan për realizimin e projekteve të cilat kanë të bëjnë me uljen e kostos për prodhimin e energjisë alternative, duke pasur parasysh edhe qëllimin e Kosovës për uljen e prodhimit të energjisë nga thëngjilli.

Në ceremoninë e mbylljes së konferencës, në sesionin e veçantë të ministrave pjesëmarrës, mori pjesë edhe kryeministri Kinez Wen Jiabo.

Edhe në këtë konferencë Kosova është paraqitur pa fusnotë.

Kalendari

Ngjarjet e datës 13 Gusht 2020

- Komandanti i Forcës së Sigurisë së Kosovës, Gjenerallejtënant Rrahman Rama raporton para Komisionit për Çështje të Sigurisë dhe Mbrojtjes. (Ndërtesa e Kuvendit, salla N10, ora 9:00)

- Vazhdimi i seancës plenare të Kuvendit të Republikës së Kosovës. (Salla e Kuvendit, ora 10:00)

- Ministrja e Kulturës, Rinisë dhe Sportit, Vlora Dumoshi, viziton Komunën e Deçanit. (Objekti i Komunës se Deçanit, ora 10:00)

- Ministri i Infrastrukturës, Arban Abrashi, do të nënshkruaj memorandum bashkëpunimi për financimin e projekteve infrastrukturore me kryetarin e komunës së Istogut, Haki Rugova. (Komuna e Istogut, ora 10:00)

- Policia e Kosovës organizon ceremoninë e prerjes së shiritit të objektit të Stacionit Policor për Mbikëqyrje të Kufirit në Radavc ku pjesëmarrës do të jenë Drejtori i Përgjithshëm i PK-së, përfaqësues të ICITAP-it Amerikan dhe personalitete të larta vendore, përfshirë epror të PK-së. (Radavc, rruga Vitomiricë - Kullë, ora 11:00)                                              

- Drejtoria e Shëndetësisë e Komunës së Prizrenit do të bëjë hapjen e pjesës së renovuar të QKMF-së, ku do të punojë ndërrimi i tretë ku i pranishëm do të jetë kryetari i Komunës së Prizrenit, Mytaher Haskuka dhe drejtoresha e DSH-së, Narqize Arënliu Hoxhaj. (QKMF në Prizren, ora 12:00)