16 Janar 2019

Energjia e rinovueshme do të dominojë në vitin 2050

Oslo, 14 shtator - Sipas një raporti pasqyrues të tranzicionit të energjisë prodhimi i energjisë së rinovueshme do të përbëjë 80 për qind të prodhimit global të energjisë elektrike në vitin 2050.

Raporti i publikuar nga kompania norvegjeze globale e sigurimit të cilësisë dhe menaxhimit të rrezikut, “DNV GL”, thotë se qymyri, nafta dhe gazi nuk do të jenë më dominues në furnizimin global të energjisë primare deri në vitin 2050.

Panelet diellore, turbina të energjisë eolike në tokë, hidroenergjia dhe impiantet e energjisë eolike në det do të përbëjnë 80 për qind të prodhimit global të energjisë elektrike në mesin e shekullit tonë, thotë raporti, duke shtuar se kjo energji në shkallë të gjerë do të prodhohet, nga panelet diellore dhe nga impiantet e energjisë eolike në det të hapur.

Raporti tregon se panelet diellore dhe impiantet e energjisë eolike do të rriten me shpejtësi, duke arritur shpërndarjen prej 40 dhe 29 për qind, deri në vitin 2050.

"Pavarësisht prodhimtarisë së energjisë elektrike që rritet me një faktor prej rreth 2.5 gjatë kësaj periudhe, gjenerimi nga lëndët djegëse fosile ka shënuar një rënie me rreth 60 për qind të totalit të saj në vitin 2017", thuhet në raport.

Raporti parashikon gjithashtu një rritje të madhe të numrit të automjeteve elektrike në rrugë për shkak të përparimeve të fundit në elektrifikimin e automjeteve të rënda dhe qelizat e karburantit me hidrogjen që hyjnë në përzierjen e energjisë së automjetit.

"Analiza jonë tregon se rritja e makinave elektrike do të përshkojë një lakore të formës S, për shembull të ngjashëm me tranzicionin e shpejtë të kamerës së parë digjitale" thuhet më tej, duke u shtuar se vetëm pas vitit 2025 gjysma e totalit të makinave të reja të shitura në Evropë do të jenë makina elektrike.

Kjo pikë do të arrihet pak para vitit 2030 për rajonet e Amerikës së Veriut, Paqësorit, dhe Kinës, dhe vetëm pas vitit 2030 për nënkontinentin indian, sipas vlerësimeve të “DNV GL”.

Pjesa tjetër e botës nuk do të arrijë këto nivele para vitit 2040, thuhet në raport.

Sipas “DNV GL”, autobusët dhe mjetet tjera transportuese komunale do të ndjekin trendin, si dhe do të ketë një shkallë elektrifikimi të mjeteve të transportit detarë për disa anije të linjave të shkurtra, duke krijuar një kërkesë për infrastrukturën e mbushjes në porte.

"Edhe sistemi hekurudhor mund të elektrifikohet, kjo do të ndodhe deri në vitin 2050. Presim që edhe elektrifikimi i trafikut ajror të fillojë në këtë periudhë", shtohet në raport. 

Kalendari

Ngjarjet e datës 16 janar 2019 - Banorët e lagjes Makolli nga fshati Cikatovë protestojnë para Gjykatës Themlore në Drenas në mbrojtje të çdo vendimi që merr gjykata në dem të familjes Makolli. (Para Gjykatës Themelore në Drenas, ora 9:00)

- Kryeministri Ramush Haradinaj pret në takim pune kryetarët e Komunave në kuadër të "Forumi Konsultativ Qeveri - Komuna". (Ndërtesa e Qeverisë, ora 9:00)

- Kryetari i Mitrovicës Agim Bahtiri do të dorëzojë peticionin për bashkimin e qytetit të Mitrovicës me 16,594 nënshkrime të qytetarëve, në tri institucione te Qeveria, Kuvendi, si dhe te Presidenti. (Qeveria e Kosovës, ora 9:30)

- Kryetari i SBASHK-ut se bashku me kryetarin e këshillit të prindërve te komunës se Lipjanit Milazim Sadik do t'i vizitoj grevistët e komunës së Lipjanit. (Shkolla fillore dhe e mesme e ulët “Vëllezërit Frasheri” në Lipjan, ora 9:45)

- Kryeministri Ramush Haradinaj vizitë pune në Agjencinë Kosovare të Privatizimit. (Agjencia Kosovare e Privatizimit, ora 10:30)

- Kryetari i SBASHK-ut se bashku me kryetarin e këshillit të prindërve te komunës se Lipjanit Milazim Sadik do t'i vizitoj grevistët e çerdhen e komunës së Lipjanit. (Objekti i çerdhes se Lipjanit, ora 10:30)

- Lëvizja Vetëvendosje! mban konferencë për media. (Zyrat e Vetëvendosjes, ora 11:00)

- Grupi i asambleistëve të LDK-së në Prishtinës mban konferencë për medie. (Selia qendrore e LDK-së, te Qafa, ora 11:00)

- Instituti Kosovar për Kërkime dhe Zhvillim të Politikave organizon tryezën e rrumbullakët në të cilën do të prezantohet Punimi i Politikave “Parandalimi i Radikalizmit dhe Ekstremizmit të Dhunshëm: Mësimet nga Shembujt Pozitivë të Komunave të Podujevës dhe Suharekës”. (Hotel Sirius, ora 11:00)

- Prokuroria Themelore e Prizrenit mban konferencën për media ku do të prezantohet raporti i punës për vitin 2018 dhe objektivat e kësaj prokurorie për vitin 2019. (Prokuroria Themelore në Prizren, rruga William Walker, ora 11:00)

- Përfaqësuesit e studentëve nga të gjitha Universitetet Publike në Republikën e Kosovës do të mbajnë një protestë  para Ministrisë së Arsimit, Shkencës dhe Teknologjisë. (Protesta do të fillojë nga Bibloteka Kombëtare, ora 13:00)