18 Nëntor 2019

Ekipi për shkyçje i KEK-ut pengohet në punën e tij

Prishtinë , 30 mars - KEK sh.a. njofton që gjatë kryejres së detyrave zyrtare në terren gjatë ditës së djeshme, 29 mars 2010, është sulmuar ekipi për shkyçje i Korporatës.
 
Ngjarja ka ndodhur rreth orës 11:30 në fshatin Shtupel gjatë shkyçjes së konsumatorëve që nuk e kanë paguar energjinë elektrike. Me rastin e shkyçjes së TS Shtupel, tek njëri konsumator gjatë shkyçjes në shtyllë, konsumatori i ka sulmuar ekipën me armë të ftoftë (thikë). Policia e Kosovës është lajmëruar menjëherë për rastin e kërcënimit në fjalë dhe të fundit kanë shoqëruar në polici sulmuesin dhe kanë marrë deklaratat e personelit të Korporatës mbi ngjarjen. Ekipa e Korporatës ka qenë e përbërë nga punonjësit: Afrim Raci, Edurd Quni, Besim Kelmendi dhe Nexhat Brahimi.

KEK sh.a. dënon ashpër sulmin e drejtuar kundrejt punonjësve të Korporatës, që janë të angazhuar në terren për të ndihmuar në uljen e humbjeve komerciale të energjisë elektrike dhe ngritjen e nivelit të pagesës së saj. Sulmet e tilla qyqare vijnë nga konsumatorë që janë duke e dëmtuar sistemin energjetik të vendit dhe me këtë rast edhe ekonominë e vendit dhe konsumatorin që është i rregullt në kryerjen e obligimeve të veta.

Korporata kërkon nga organet përgjegjëse që të shqyrtojnë dhe shqiptojnë dënimin e merituar për personin që ka sulmuar ekipën e KEK-ut. Poashtu kërkohet nga organet e njëjta të bashkërëndojnë aktivitetet e tyre me Korproatën për parandalimin e sulmeve të tilla në të ardhmen.

Korporata mbetet thellësisht e përkushtuar që të trajtojë individualisht çdo konsumator që nuk paguan me rregull faturën e energjisë elektrike dhe e keq-shfrytëzon energjinë elektrike në dispozicion. Veprimet e tilla agresive nuk do ta ndalojnë Korporatën në rrugën e vet të ngritjes së cilësisë së shërbimeve karshi konsumatorit dhe avansimin e mëtutjeshëm të sistemit energjetik në vend. 

Kalendari

Ngjarjet e datës 18 nëntor 2019

- Oda Ekonomike e Kosovës do të mbajë konferencë për media në të cilën do të prezentojë hulumtimin rreth opinionit të bizneseve për marrëveshjen Kosovë-Serbi. (Objekti i Odës Ekonomike të Kosovës, ora 9:00)

- Organizata për Demokraci, Anti-korrupsion dhe Dinjitet, ÇOHU! me përkrahjen e Ambasadës së Mbretërisë së Holandës përmes Programit Matra organizon tryezë në të cilën do të publikohet raporti me titull Qasja në Drejtësi. (Hotel Sirius, ora 10:00)

- Qendra e Inovacionit të Kosovës dhe Oda Ekonomike Amerikane në Kosovë organizojnë ceremoninë e hapjes së Javës Globale të Ndërmarrësisë 2019 në Kosovë. (Menza "Ramiz Sadiku" në Prishtinë, ora 10:00)

- Grupi Tematik për të Drejtat e Fëmijëve në Shëndetësi në kuadër të Koalicionit te OJQ-ve për Mbrojtjen e Fëmijëve organizon konferencën për media në te cilën do të prezantojë një dokumet me të dhëna dhe rekomandime për mbrojtjen e ambientit në Kosovë. (Qendra e Resurseve për OSHC, Forumi për Iniciativa Qytetare në Lagjen Pejton, ora 10:00) 

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it do të organizojë tryezë me titull “Pandëshkueshmëria e korrupsionit”. (Hotel Sirius, ora 10:00)

- Instituti Kërkimor për Çështje Evropiane dhe të Zhvillimit organizon prezantimin e studimit per Çështjen e Kompleksit të Trepçës dhe Çështjen e Reparacioneve për Krimet e Luftës të kryera në Kosovë në Kontekstin e ‘Finales së Madhe’ eventuale ndërmjet Kosovës dhe Serbisë. (Hotel Swiss Diamond, ora 10:00)

- Komuna e Prizrenit në bashkëpunim me PPSE Swisscontact dhe SHB Sharri përuron shtegun turistik të ri Via Ferrata "Panorama". (Gryka e Lumbardhit, 4.5 km nga qendra e qytetit, ora 11:00 - transporti i organizuar nga Komuna e Prizrenit, nisja nga Shtëpia e Bardhë, ora 10:30)

- Në kuadër të aktivitet kulturor kushtuar "Ditet e Alfabetit", promovohet botimi 'Levizja Protestante te shqiptaret 1818-1908" te autorit prof. dr. David Hosaflook. (Biblioteka Kombetare "Pjeter Bogdani", ora 10:30)

- Muzeu Kombëtar i Kosovës hap ekspozitën “Bienalen e Akuarelit Edicioni i 2-të” e cila sjellë vepra arti të artisëve nga 70 vende të botës me rreth 380 piktura. (Muzeu Kombëtar, ora 19:00)