19 Shkurt 2020

E ardhmja e Kosovës varet nga trajtimi i mbeturinave

Prishtinë, 22 maj - Ministri i Mjedisit dhe Planifikimit Hapësinor, Fatmir Matoshi, ka pritur në takim një grup të studentëve dhe profesorëve të Universitetit të Berlinit- Gjermanisë, me të cilët  ka diskutuar për fillimin e projektit mbi analizimin e situatës së mbeturinave nga ndërtim-demolimi në Kosovë.

Gjatë këtij takimi Ministri Matoshi ka falënderuar studentët dhe profesorët për prezencën e tyre dhe studimin që ata po bëjnë tani në Kosovë mbi mbeturinat e ndërtim-demolimit si dhe prezantoi sfidat më të cilat po ballafaqohet shteti I Kosovës në fushën e mjedisit.

“E ardhja jonë do të varet shumë nga drejtimi që do t’i japim këtyre problemeve mjedisore dhe raporti që ju do të bëni do të na ndihmoj në punën tonë”,  ka deklaruar ministri Matoshi.
Matoshi gjithashtu ka deklaruar që si shtet që kemi qenë të okupuar, ata që na kanë sunduar nuk janë brengosur për mjedisin dhe planifikimin hapësinor të Kosovës, prandaj dhe kemi këto problem, me të cilat tani jemi duke u marrë  seriozisht.

Ministri Matoshi para studentëve foli dhe për investimet që po bëhen ne fushën e mbeturinave dhe potencoi që bashkë me GIZ-in janë duke investuar 7 milion euro për mbështetjen e komunave në këtë fushë.

Ndërkaq, udhëheqja e programit të mbeturinave në GIZ, Alexandra Linden, falënderoi ministrin Matoshi për bashkëpunimin dhe tregoj për projektet e përbashkëta që po zhvillohen në fushën e mjedisit nga MMPH dhe GIZ.

Studentët dhe profesorët nga universiteti i Berlinit shprehen falënderimet e tyre për mikpritjen dhe bashkëpunimin e treguar nga Ministri Matoshi dhe punëtorët e Ministrisë në kuadër të studimit që ata janë duke bërë rreth mbeturinave të ndërtim- demolimit.

Në fund të takimit Matoshi iu ka dhuruar të pranishmëve në takim nga një hartë të Kosovës në shenjë falënderimi për vizitën dhe punën që po bëjnë në Kosovë ky grup nga Universiteti i Berlinit.
 

Kalendari

Ngjarjet e datës 20 shkurt 2020 - Administrata Tatimore e Kosovë do të mbaj seminar me tatimpaguesit e regjionit të  Prishtinës ku prezent do të jetë edhe Drejtori i Përgjithshëm i ATK-së Ilir Murtezaj. (Hotel Emerald, ora 10:00)

- Bëhet konstituimi i Komisionit për Çështje të Sigurisë dhe Mbrojtjes. (Ndërtesa e Kuvendit, salla N 204, ora 11:00)

- Kryetari i komunës së Istogut, Haki Rugova do ta pres në takim ambasadorin bullgar në Kosovë. (Zyra e Kretarit Haziri, ora 11:00)

- Komuna e Rahovecit mban diskutimi publik lidhur me Draft Planin Komunal të Veprimit për Efiçiencë të Energjisë dhe Planin Lokal për Veprim në Mjedis. (Salla e mbledhjeve të Kuvendit Komunal të Rahovecit, ora 11:00) 

- Bëhet konstituimi i Komisionit për Ekonomi, Punësim, Tregti, Industri dhe Investime Strategjike. (Ndërtesa e Kuvendit, salla N303, ora 11:00)

- Mbahet ceremonia e dorëzimit te donacionit për qerdhën “Gëzimi Ynë” në Istog nga Ambasada e Bullgarisë. (Qerdhja “Gëzimi Ynë” në Istog, ora 11:30)

- Mbahet ceremonia e promvimit të librit" Obstetrika",  të Prof. dr. Shefqet Lulaj. (Bibloteka Kombëtare "Pjetër Bogdani", ora 12:00)

- Ministrja e Drejtësisë, Albulena Haxhiu do të mbajë konferencë për media. (Objekti I Ministrisë, ora 13:00)

- Promovohet revista “Intro”, që është produkt i punës së studentëve të vitit të tretë të Departamentit të Gazetarisë, në kuadër të lëndës "Menaxhim i medias". (Amfiteatri i Fakultetit të Filologjisë në Universitetin e Prishtinës, ora 14:00)

- Komuna e Mitrovicës mban debat publik lidhur me rregulloren për realizimin e të drejtave të fëmijëve përmes sistemit qeverisës komunal miqësor për fëmijët. (Salla e mbledhjeve të Kuvendit të Komunës të Mitrovicës, ora 14:00)