12 Dhjetor 2018

Çlirimi i gazeve arrin nivelin më të lartë

New York, 7 dhjetor - Sipas një raporti të ri, çlirimi i gazeve që ngrohin planetin tonë, do të arrijë këtë vit, nivelin më të lartë që ka patur ndonjëherë.

Këto shifra janë treguesi më i fundit, se sa larg arritjes së objektivit të caktuar në Paris në vitin 2015 është bota, për shmangien e ndikimit të ngrohjes globale.

Ky studim vjen ndërsa negociatorët e Kombeve të Bashkuara po takohen në Poloni për raundin më të fundit të bisedimeve për t'iu kundërvënë ndryshimeve klimatike.

Çlirimi i gazeve pritet të rritet 2,7 për qind këtë vit, ndërkohë që vitin e kaluar pati një rritje prej 1.6 për qind. Në 3 vitet paraardhëse çlirimi i gazeve ishte në të njejtin nivel, pa rritje.

"Ndoshta ky vit është i pazakontë", tha autorja kryesore e studimit, Corinne Le Quere, e Universitetit të Anglisë Lindore. "Por ndoshta jo",

shtoi ajo. "Ne mendojmë se çlirimi i gazeve do rritet për disa vjet, në se situata nuk ndryshon në mënyrë drastike."

"Nuk çuditem nga ky fakt", - tha Alex Trembath, i Institutit Kërkimor Breakthrough, që nuk u përfshi në studim. "Ekonomia botëror po rritet dhe mënyra më e lirë për realizimin pjesës më të madhe të kësaj rritjeje, vjen nga teknologjitë e karburanteve fosile."

Sipas parashikimeve, në Kinë që është burimi më i madh në botë i gazeve të efektit serë, çlirimi i gazeve u rrit me 4.7 për qind këtë vit. Studjuesja Le Quere thotë se përpjekja e qeverisë për të fuqizuar ndërtimet dhe për të stimuluar rritjen ekonomike, shtoi kërkesën për lëndë si çeliku, alumini dhe çimento, të cilat shkaktojnë çlirimin e sasive të mëdha gazesh.

Në Shtetet e Bashkuara, qymyri ka vazhduar të zëvendësohet me gazin natyror, më pak ndotës; por si dimri i ftohtë, edhe vera e nxehtë, kanë shtuar kërkesat për energji, duke kontribuar në shtimin me rreth 2.5 për qind të çlirimit të gazeve.

Një faktor në këtë rrijte ka qenë edhe shtimi i përdorimit të naftës për transport. Konsumatorët amerikanë janë duke blerë përsëri makina më të mëdha.

Në 28 vendet e Bashkimit Europian, çlirimi i gazeve u ul me 0.7 për qind, edhe pse çlirimi i gazeve prej naftës u rrit.

Sektori i transporteve është "problemi më i madh në të gjithë botën", tha studjuesja Le Quere. "Nuk jemi duke e ndryshuar aspak situatën e çlirimit të gazeve nga transporti, megjithë faktin se kemi teknologjinë e makinave elektrike,"- tha ajo.

Një lajm i mirë është se energjia e rinovueshme është duke u rritur me shpejtësi. Kjo ka për të ndihmuar në pakësimin e gazeve në atmosferë, edhe me rritjen e madhe ekonomike të një tjetër gjigandi aziatik, Indisë.

"Nuk kemi për të parë çfarë pamë në Kinë në fillim të viteve 2000," kur ky vend e arriti ndotësin më të madh të atëhershëm, Shtetet e Bashkuara e më pas e dyfishoi çlirimin e gazeve", - tha studjuesja Le Quere.

Studjuesi Alex Trenbath paralajmëron megjithatë, se Afrika mbetet një pikëpyetje. "Shohim një rritje vjetore të prodhimit të përgjithshëm të Kinës dhe Indisë me 5-10 për qind, që vjen nga shumë vende të Afrikës Sahariane" - tha ai. "Kjo do të thotë shumë më tepër konsum të naftës dhe të gazit natyror."

Por sipas studjuesit, kjo nuk është diçka e keqe. "Këto janë vende tepër të varfëra, që përpiqen të arrijnë të njëjtin standart jetese, që ne gëzojmë në Shtetet e Bashkuara,"- tha Alex Trenbath.

Kalendari

Ngjarjet e datës 12 dhjetor 2018 - Mbahet hapja zyrtare e projektit KosLift i cili mbështetet nga Ambasada Norvegjeze në Prishtinë dhe implementohet nga IPKO Foundation dhe RIT Kosovë. (Kampusi i RIT Kosovë, në Universitetin Amerikan, ora 9:30)

- Let’s Do It organizon aksion pastrimi te “Tregu i Gjelbër” në Prishtinë. (Tregu i Gjelbër, rruga që e lidh me lagjen “Kalabria”, ora 10:00)

- Ministria e Administratës Publike organizon ceremoninë e vënies së gurthemelit për ndërtimin e Shkollës së Mesme të Muzikës dhe të institucionit parashkollor-Çerdhes në Prizren. (Lagjja “ Bajram Curri”, që gjendet përballë shkollës së mesme të mjekësisë “ Luciano Motroni” në Prizren, ora 10:00)

- Ministris së Shëndetësisë, Uran Ismaili raporton para Komisionit për Shëndetësi, Punë dhe Mirëqenie Sociale lidhur me procesin e revidimit të listës esenciale të barnave, vonesat në përmbushjen e agjendës legjislative dhe projeksionet buxhetore të Ministrisë së Shëndetësisë për vitin 2019. (Ndërtesa e Kuvendit, salla N 302, ora 10:00)

- Koordinatori Nacional për Kulturë, Rini dhe Sport në Qeverinë e Kosovës, Rexhep Hoti do të nënshkruajë marrëveshje bashkëpunimi me Kryetarin e Komunës së Gjakovës, Ardian Gjini. (Objekti i Komunës së Gjakovës, ora 10:00)

- Mbahet mbledhja e Komisionit për të Drejtat, Interesat e Komuniteteve dhe për Kthim në të cilën do të behët shqyrtimi i Projektligjit për Kinematografinë, shqyrtimi i Projektligjit për të drejtat e autorit dhe të drejtat e përafërta,etj. (Ndërtesa e Kuvendit, salla N 10, ora 10:00)

- Prezantohet kampanja informuese ”Kodi Civil qëndron për qytetarët e barabartë të Republikës së Kosovës,” organizuar nga projekti i financuar nga Bashkimi Evropian “Mbështetje Kodit Civil - faza 2”, i cili po mbështetët nga Ministrinë e Drejtësisë. (Hotel Ulpiana në Graçanicë, ora 10:30)

- Demokracia Plus dhe USAID organozijnë debat publik lidhur me prokurimin publik në Gjilan. (Hotel Kristal, ora 11:00)

- Lidhja Demokratike e Kosovës mban konferencë për medie. (Selia qendrore e LDK-së në kompleksin Qafa, ora 11:00)

- Let’s Do It në bashkëpunim me nxënësit e shkollës ‘’Hivzi Sylejmani’’ organizon aksion pastrimi në Fushë Kosovë. (Oborri i shkollës Hivzi Sylejmani, ora 11:55)

- Punëtorët e NTP “Pallati i Rinisë” mbajnë një protestë përmes së cilës do t’i shprehin shqetësimet dhe pakënaqësitë e tyre për mos marrjen e pagave që tre muaj më radhë. (Para Newborn,ora 12:00)

- Banorët e fshatit Cikatovë mbajn protestë në mbrojtje të pronave stergjyshore te marrura në menyrë tinzare nga ana e Komunës se Drenasit dhe te cilat u janë shitur New Co Feronikeli, pa i kompenzuar asnjëherë. (Para Gjykatës Themelore të Prishtinës  dega në Drenas, ora 13:00)

- Aleanca Kosovare të Bizneseve organizon konferencën për media lidhur me ndikimin e taksës 100 % në ekonominë e Serbisë. (Selia qendrore e AKB-ës në Tophane, ora 13:00)

- Lëvizja Vetëvendosje mban konferencë për media. (Zyrët qendrore te Vetëvenosjes, ora 13:00)

- Koalicioni i OJQ-ve “Java Kundër Korrupsionit 2018” do të mbajë tryezën e diskutimit me temë “Integriteti, Llogaridhënia dhe Efikasiteti i sistemit të drejtësisë - Nevoja për Vetting”. (Hotel Sirius, ora 14:00)
 
 - Koordinatori Nacional për Kulturë, Rini dhe Sport në Qeverinë e Kosovës, Rexhep Hoti, do të nënshkruajë marrëveshje bashkëpunimi me Kryetarin e Komunës së Dragashit Shaban Shabani. (Objekti i Komunës së Dragashit, ora 14:00)

- Zëvendësshefja e misionit të ambasadës së SHBA-ve në Kosovë, Colleen Hyland, dhe Drejtoresha e Korpusit të Paqës, Dr. Darlene Grant, do të mbajnë fjalime në një takim me kryetarët e komunave të Kosovës. (International Hotel Prishtina, ora 16:00)