26 Maj 2020

Bullgaria anulon naftësjellësin Burgas-Aleksandropoulos

Sofje, 12 qershor - Kryeministri i Bullgarisë surprizoi dje botën duke njoftuar se vendi i tij do të heqë dorë nga projekti për ndërtimin e naftësjellësit Burgas Aleksandropoulos, i cili synon të anashkalojë ngushticën e Dardaneleve përmes një lidhjeje të re nga Bullgaria për në Greqi. Sipas Kryeministrit Bojko Borisov, projekti nuk premton fitime ekonomike, ndërsa rrezikon disa zona natyrore të mbrojtura.

“Bullgaria heq dorë nga naftësjellësi Burgas-Aleksandropulos”, tha Borisov të premten, pasi u takua me ambasadorët e vendeve të Bashkimit Europian. Disa komuna ku naftësjellësi duhej të kalonte, organizuan në të shkuarën referendume ku vendësit dolën kundër projektit.

“Naftësjellësi kalon nëpër zona të mbrojtura nga projekti i Bashkimit Europian “Natura 2000”, por ajo që është më e rëndësishme është se nuk ka garanci që projekti do të dalë me fitime në të ardhmen e afërt”, shtoi Kryeministri. Greqia dhe Rusia e kanë përkrahur fort këtë projekt në të shkuarën. Naftësjellësi qe dizajnuar të nxirrte në tregun Mesdhetar naftën bruto që nxirret në Rusi dhe në zonën e Detit Kaspik. Analistë të ndryshëm thonë se pas dorëheqjes së Bullgarisë, Rusia do të varet gjithnjë e më shumë nga Turqia si vend transit për naftën dhe gazin e vet për në Mesdhe.

Bullgaria, Greqia dhe Rusia patën rënë dakord për të ndërtuar këtë naftësjellës në vitin 2007, pas një dekade diskutimesh paraprake. Turqia pritet të jetë përfituesi kryesor nga vendimi i anulimit të këtij projekti. Një naftësjellës tjetër i ndërtuar në vitin 2000 nxjerr naftë nga Deti i Zi për në Detin Egje përmes territorit turk.

Kalendari

Ngjarjet e datës 26 Maj 2020 - Komisioni për Integrim Evropian diskuton lidhur me përmbushjen e obligimeve të Kosovës, në procesin e liberalizimit të vizave dhe shqyrton raportin e Ministrisë së Integrimit Evropian lidhur me financimin e Kosovës nga BE-ja, në luftimin e COVID-19. (Ndërtesa e Kuvendit, N303, ora 11:00)  

- Komisioni për Shëndetësi dhe Mirëqenie Sociale takohet me Sekretarin e Ministrisë së Shëndetësisë, Naim Bardiqi. (Ndërtesa e Kuvendit, N302, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike shqyrton Raportin Vjetor të Zyrës së Rregullatorit të Energjisë (ZRrE) për vitin 2019. (Ndërtesa e Kuvendit, salla N10, ora 11:00)

- Presidenti i vendit, Hashim Thaçi,  do ta vizitojë Oden Ekonomike të Kosovës. (Lokalet e OEK-ut, ora 11:30)

 - Kryetari i AAK-së, Ramush Haradinaj, merr pjesë në ceremoninë e zbulimit të lapidarit të dëshmorit Luan Qerimaj dhe 4 dëshmorëve tjerë, në Gllogjan. (Te vendi i quajtur Lejthia, Gllogjan, Deçan, ora 11:30)

- Instituti Demokraci për Zhvillim Sfidat dhe nevojat e nënave vetë-ushqyese në kohë (pas)pandemie”  (Përmes platformës online, Google Meet, ora 17:00 - https://forms.gle/HAxFHsHEScpDdMx99)