13 Nëntor 2019

Bjellorusia ndërpret furnizimet me gaz për Evropën

Bjellorusia, 23 qershor - Bjellorusia e acaroi më tej situatën në mosmarrëveshjen me Rusinë lidhur me pagesat për gazin natyror, duke e ndërprerë furnizimin e Evropës Perëndimore, pasi Moska pakësoi më tej furnizimin me gaz të Bjellorusisë.

Presidenti bjellorus Alexander Lukashenko njoftoi në Minsk mbylljen e tubacionit të furnizimit, pas bisedimeve me Ministrin e Jashtëm rus Sergei Lavrov.

Lukashenko tha se mosmarrëveshja po shndërrohet me shpejtësi në një luftë të vërtetë për gazin. Sot në mëngjes, Rusia e pakësoi më tej furnizimin me gaz të Bjellorusisë, në 30 për qind të vëllimit normal, për ta detyruar fqinjin e saj të paguajë borxhin prej rreth 200 milionë dollarësh, sipas saj.

Por Bjellorusia thotë se kompania shtetërore ruse Gazprom i ka borxh këtij vendi më tepër se 250 milionë dollarë nga faturat e papaguara.

Ndërkohë, presidenti i Ukrainës Mykola Azarov tha se vendi i tij është gati t’i shtojë dërgesat e gazit rus në Evropë, për të kompensuar mungesat për shkak të mosmarrëveshjes Rusi-Bjellorusi.

 

Kalendari

Ngjarjet e datës 14 nëntor 2019

- Save the Children në bashkëpunim me Minstrinë e Arsimit dhe Institutin Pedagogjik organizojnë diten e dytë të konferencës ndërkombëtare ‘Fuqizimi i Kujdesit, Zhvillimit dhe Edukimit në Fëmijërinë e Hershme’. (Hotel Sirius, ora 9:30) 

- Deutsche Gesellschaft für Internationale Zusammenarbeit organizon ceremoninë e certifikimit të pjesëmarrësve nga aktivitetet “Opportunity Scouting” dhe “Skema e Praktikës në Punë në Sektorin e Shitjes me Pakicë”. (Menza Ramiz Sadiku, ora 10:00)

- Organizata për Siguri dhe Bashkëpunim në Evropë, Misioni në Kosovë në bashkëpunim me Zyren e Komisionerit për gjuhët organizon ngjarjen e ndarjes  së çmimit “Praktika më e mirë në zbatimin e Ligjit për përdorimin e gjuhëve”. (Biblioteka Kombëtare e Kosovës “Pjetër Bogdani”, ora 11:00)

- Ndërmarrja “Dekoriti” organizon shënimin e përvjetorit të 30-të, me ç’rast do të lansojë linjën e re të prodhimit me dru masiv për interier. (Dekoriti ne fshatin Konjuh të komunës së Lipjanit, ora 13:45)

- Udhëheqja e Sindikatës së Pavarur e Sektorit Privat të Kosovës mban takim me kryetarë të disa shoqatave ku do mirët vendim për fillimin e protestave dhe grevave për punëtorët e sektorit privat lidhru me rritjen e pagave dhe zbatimi i ligjit të punës, marrëveshjes kolektive etj. (Zyret e BSPK–së, ora 14:00)

- Medica Gjakova, me mbështetjen e Bashkëpunimit Gjerman për Zhvillim organizon promovimin e librit “Unë jam Anemone”, i pari i këtij lloji i shkruar në Kosovë i publikuar nga Medica Gjakova. (Shkolla e muzikës “Prenk Jakova” në Gjakovë, ora 18:00)