18 Nëntor 2019

Bie B2-shi, ashpërsohen reduktimet e energjisë elektrike

Prishtinë, 30 qershor - Korporata Energjetike e Kosoves (KEK) përmes një komunikate njoftoi sot  se si pasojë e rënies nga sistemi të njësisë B2, të mërkurën në orën 1:26 pas mesnate, është rënduar situata e furnizimit të vendit me energji elektrike.

Në këtë  moment, kategoria A ka furnizim 5:1, kategoria B po furnizohet 3:3 dhe kategoria C 2:4. Gjendja pritet të përmirësohet shumë shpejtë, pasi KEK-u ka siguruar energji elektrike shtesë nga marrëveshja e bashkëpunimit të shkëmbimit të energjisë elektrike me Shqipërinë, përderisa importi do të nisë nga data 1 korrik.

Në dispozicion janë tri blloqe, përkatësisht A4 dhe A5 të Termocentralit \"Kosova A\" dhe njësia B1 e Termocentralit \"Kosova B\". Njësia B2 parashihet të kthehet në sistem në orët e vona të mbrëmjes, pas sanimit të defektit teknik në kracer. 

KEK-u përmes komunikatës siguron konsumatorët dhe publikun se  po bën përpjekje të vazhdueshme për përmirësimin dhe mirëmbajtjen e dy njësive gjeneruese në TC \"Kosova B\" dhe rritjen e kapaciteteve prodhuese. Bëhet e ditur se do të jenë jashtë operimit:

Blloku B2 nga 1 korriku (mesnatë ndërmjet të enjtes dhe të premtes) deri më 30 korrik, për instalimin e rotorit të ri të turbinës dhe për punët në mirëmbajtje preventive për të përmirësuar operimin në të ardhmen; Blloku B1 nga 16 korriku deri më 25 gusht për instalim të rotorit të ri të shtypjes së ulët, rotorit të ri të gjeneratorit, dhe për punët në mirëmbajtje preventive.

Rrjedhimisht, furnizimi me energji elektrike do të jetë sensitiv, sidomos në periudhën prej 16 deri me 30 korrik, ngase gjatë kësaj periudhe dyjavore do të jenë në revizion të planifikuar vjetor dy njësitë e TC \"Kosova B\",

KEK-u ka bërë planet për këtë situatë dhe ka lidhur kontratë për import të energjisë
elektrike për të përmbushur mungesën që pritet të shfaqet në furnizim. Pos kësaj, KEK-u planifikon të mbajë në operim dy njësitë e Kosovës A gjatë gjithë kësaj periudhe kritike.

Reduktimet eventuale do të kryhen në pajtim me rregullat e programit ABC të ZRrE-së. Me mungesë furnizimi do të mund të ballafaqohen të gjitha kategoritë. Prioritet do të kenë paguesit e rregullt, përkatësisht konsumatorët që janë në kategorinë A, njofton KEK-u.

Kalendari

Ngjarjet e datës 18 nëntor 2019

- Oda Ekonomike e Kosovës do të mbajë konferencë për media në të cilën do të prezentojë hulumtimin rreth opinionit të bizneseve për marrëveshjen Kosovë-Serbi. (Objekti i Odës Ekonomike të Kosovës, ora 9:00)

- Organizata për Demokraci, Anti-korrupsion dhe Dinjitet, ÇOHU! me përkrahjen e Ambasadës së Mbretërisë së Holandës përmes Programit Matra organizon tryezë në të cilën do të publikohet raporti me titull Qasja në Drejtësi. (Hotel Sirius, ora 10:00)

- Qendra e Inovacionit të Kosovës dhe Oda Ekonomike Amerikane në Kosovë organizojnë ceremoninë e hapjes së Javës Globale të Ndërmarrësisë 2019 në Kosovë. (Menza "Ramiz Sadiku" në Prishtinë, ora 10:00)

- Grupi Tematik për të Drejtat e Fëmijëve në Shëndetësi në kuadër të Koalicionit te OJQ-ve për Mbrojtjen e Fëmijëve organizon konferencën për media në te cilën do të prezantojë një dokumet me të dhëna dhe rekomandime për mbrojtjen e ambientit në Kosovë. (Qendra e Resurseve për OSHC, Forumi për Iniciativa Qytetare në Lagjen Pejton, ora 10:00) 

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it do të organizojë tryezë me titull “Pandëshkueshmëria e korrupsionit”. (Hotel Sirius, ora 10:00)

- Instituti Kërkimor për Çështje Evropiane dhe të Zhvillimit organizon prezantimin e studimit per Çështjen e Kompleksit të Trepçës dhe Çështjen e Reparacioneve për Krimet e Luftës të kryera në Kosovë në Kontekstin e ‘Finales së Madhe’ eventuale ndërmjet Kosovës dhe Serbisë. (Hotel Swiss Diamond, ora 10:00)

- Komuna e Prizrenit në bashkëpunim me PPSE Swisscontact dhe SHB Sharri përuron shtegun turistik të ri Via Ferrata "Panorama". (Gryka e Lumbardhit, 4.5 km nga qendra e qytetit, ora 11:00 - transporti i organizuar nga Komuna e Prizrenit, nisja nga Shtëpia e Bardhë, ora 10:30)

- Në kuadër të aktivitet kulturor kushtuar "Ditet e Alfabetit", promovohet botimi 'Levizja Protestante te shqiptaret 1818-1908" te autorit prof. dr. David Hosaflook. (Biblioteka Kombetare "Pjeter Bogdani", ora 10:30)

- Muzeu Kombëtar i Kosovës hap ekspozitën “Bienalen e Akuarelit Edicioni i 2-të” e cila sjellë vepra arti të artisëve nga 70 vende të botës me rreth 380 piktura. (Muzeu Kombëtar, ora 19:00)