15 Shtator 2019

BERZH i nënshkruan kredinë 18 milionë euro parkut energjetik me erë të Kitkës

Prishtinë, 25 qershor - Banka Evropiane për Rindërtim dhe Zhvillim (BERZH) organizon sot ceremoninë e nënshkrimit të kredisë prej 18 milionë eurosh që BERZH-i i ka dhënë parkut energjetik me erë të Kitkës.

Marrëveshja do të nënshkruhet nga Harry Boyd-Carpenter për BERZH-in dhe Tarik Aygun për pronarët e parkut të Kitkës, grupacioni turk Guris. Të dyja palët janë në dispozicion për intervista të mediave pas nënshkrimit.

Kosova, e cila mbështetet në thëngjill për nevojat e veta energjetike, do të përfitojë nga energjia më e pastër dhe më e qëndrueshme nga parku i parë energjetik me erë në vend.

Mbështetja e BERZH-it për parkun me erë të Kitkës vijon pas angazhimit të suksesshëm me qeverinë e Kosovës për ta mbështetur më shumë energjinë e ripërtëritshme përmes sektorit bankar.

Si rezultat i këtyre reformave, tashmë është aprovuar struktura për mbeshtetje te burimeve me energji të ripërtëritshme, e cila pritet të tërheqë interes të konsiderueshëm nga investitorët.

Ky investim paraqet një moment historik drejt dekarbonizimit në një vend ku mungesa e qasjes së qendrueshme në energji elektrike mbetet një nga barrierat më të mëdha ndaj zhvillimit.

Shtimi i energjisë së ripërtëritshme do të ndihmojë në adresimin e sfidës së dyfishtë të ndërprerjeve të energjisë elektrike dhe ndotjes së shkaktuar nga thëngjilli i linjitit që shfrytëzohet prej dy termocentraleve kryesore të Kosovës për energji elektrike. 

Kalendari

Ngjarjet e datës 15 shtator 2019 - Kandidatja e LDK-së për Kryeministre, Dr. Vjosa Osmani, takohet me strukturat dhe banorët e fshatit Gjonaj, në Prizren. (Shtëpia e Kulturës në Gjonaj. ora 16:30)

- Kandidatja e LDK-së për Kryeministre, Dr. Vjosa Osmani takohet me strukturat dhe banorët e fshatit Korishë, në Prizren. (Restoran “Blerta” në Korishë. ora 17:30)

- Mbahet nata e dytë e Festivalit Ndërkombëtar të Valleve për Fëmijë “Ylberi i Prishtinës”. (Amfiteatri i Sheshit “Zahir Pajaziti”, ora 18:00)

- Shfaqet filmi lidhur me Javën e Zhvillimit të Qëndrueshëm i Kosovës dhe Javën e Diplomacisë së Klimës konferenca ndërkombëtare të nivelit të lartë që shqyrtojnë sfidat kryesore mjedisore të Kosovës, do të organizohen për herë të dytë në Kosovë. (Muzeu Kombëtar i Kosovës, ora 19:00)

- Kandidatja e LDK-së për Kryeministre, Dr. Vjosa Osmani takohet takohet me rininë e Prizrenit. (Te Shatërvani, ora 19:00)