18 Nëntor 2019

BE, Plane për rrjetin e energjisë së ripërtëritshme

Bruksel, 29 mars - Bashkimi Evropian ndodhet në prag të një revolucioni të gjelbër. Aktualisht vendet e grupit prodhojnë nga burime të gjelbra më pak se 10 për qind të energjisë që shfrytëzojnë, pjesa tjetër qoftë e importuar ose e prodhuar në Evropë, vjen nga hidrokarburet.

 

Por Bashkimi është zotuar që brenda një periudhe 10 vjeçare të dyfishojë sasinë e energjisë të prodhuar nga burimet e ripërtëritshme. Aktualisht përpjekjet janë përqëndruar në ndërtimin e infrastrukturës për këtë projekt:

Fuqia e valëve, era dhe dielli janë 3 burime natyrore që Bashkimi Evropian shpreson t’i shfrytëzojë për të krijuar energji të ripërtëritshme. Në vitin 2007, Komisioni Evropian doli me idenë e një zhvendosjeje të burimeve energjetike nga hidrokarburet tek energjia e ripërtëritshme, si era dhe biokarburet brenda vitit 2020. Tani po hartohen plane për ta përçuar këtë energji në të gjithë kontinentit.

 

Në bazë të propozimit të ri, do të ndërtohet një super-rrjet për të përçuar energjinë nga pikat ku prodhohet deri tek konsumatori. Ideja është që të ketë prodhim të pandërprerë nga burime të ripërtëritshme, pavarësisht nga kushtet e motit. Pra nëse deti i Irlandës qëllon që të jetë i qetë për një periudhë kohe, konsumatorët britanikë do të marrin energji nga një prodhues në një zonë ku deti është i trazuar.

“Nuk ka shumë rëndësi se çfarë mund të prodhojë një turbinë e vetme ere. Nëse nuk fryn erë në një vend, shfrytëzohet era që fryn diku tjetër, nëse nuk është shumë larg. Prandaj na duhet një rrjet i madh, për të shfrytëzuar sa më shumë energjinë e burimeve të ripërtëritshme si era. Prandaj na duhet kjo infrastrukturë e re.”

 

Sipas llogaritjeve, projekti do të kushtojë rreth 40 miliardë dollarë. Rrjeti i ri do të përbëhet nga kabllo të përçimit direk të energjisë nga pikat e prodhimit në zonat e populluara urbane të Evropës, në mënyrë që të reduktohen sa më shumë humbjet.

“Aktualisht është thjesht një vizion lidhur me drejtimin që duhet të marrim për të prodhuar në të ardhmen energjinë tonë. Ne importojmë tani më shumë se gjysmën e energjisë që na nevojitet. Burimet hidrokarbure po pakësohen, kështu që pas pak vjetësh do të na mbeten vetëm burimet e ripërtëritshme për të shfrytëzuar. Duhet të krijojmë mënyra për ta përçuar këtë energji përmes kufijve. Për transportin e mallrave nevojiten rrugë e kamionë. Për energjinë nevojitet rrjeti.”

 

Projekti ka marrë mbështetje edhe nga organizata ambjentaliste Greenepeace, e cila e shikon këtë rrjet si parakusht të domosdoshëm të kalimit në energjinë e ripërtëritshme. Rrjeti do të ndërtohet me bashkëpunim nga 9 vende: Gjermania, Franca, Belgjika, Holanda, Luksenburgu, Danimarka, Suedia, Irlanda dhe Britania.

Kalendari

Ngjarjet e datës 18 nëntor 2019

- Oda Ekonomike e Kosovës do të mbajë konferencë për media në të cilën do të prezentojë hulumtimin rreth opinionit të bizneseve për marrëveshjen Kosovë-Serbi. (Objekti i Odës Ekonomike të Kosovës, ora 9:00)

- Organizata për Demokraci, Anti-korrupsion dhe Dinjitet, ÇOHU! me përkrahjen e Ambasadës së Mbretërisë së Holandës përmes Programit Matra organizon tryezë në të cilën do të publikohet raporti me titull Qasja në Drejtësi. (Hotel Sirius, ora 10:00)

- Qendra e Inovacionit të Kosovës dhe Oda Ekonomike Amerikane në Kosovë organizojnë ceremoninë e hapjes së Javës Globale të Ndërmarrësisë 2019 në Kosovë. (Menza "Ramiz Sadiku" në Prishtinë, ora 10:00)

- Grupi Tematik për të Drejtat e Fëmijëve në Shëndetësi në kuadër të Koalicionit te OJQ-ve për Mbrojtjen e Fëmijëve organizon konferencën për media në te cilën do të prezantojë një dokumet me të dhëna dhe rekomandime për mbrojtjen e ambientit në Kosovë. (Qendra e Resurseve për OSHC, Forumi për Iniciativa Qytetare në Lagjen Pejton, ora 10:00) 

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it do të organizojë tryezë me titull “Pandëshkueshmëria e korrupsionit”. (Hotel Sirius, ora 10:00)

- Instituti Kërkimor për Çështje Evropiane dhe të Zhvillimit organizon prezantimin e studimit per Çështjen e Kompleksit të Trepçës dhe Çështjen e Reparacioneve për Krimet e Luftës të kryera në Kosovë në Kontekstin e ‘Finales së Madhe’ eventuale ndërmjet Kosovës dhe Serbisë. (Hotel Swiss Diamond, ora 10:00)

- Komuna e Prizrenit në bashkëpunim me PPSE Swisscontact dhe SHB Sharri përuron shtegun turistik të ri Via Ferrata "Panorama". (Gryka e Lumbardhit, 4.5 km nga qendra e qytetit, ora 11:00 - transporti i organizuar nga Komuna e Prizrenit, nisja nga Shtëpia e Bardhë, ora 10:30)

- Në kuadër të aktivitet kulturor kushtuar "Ditet e Alfabetit", promovohet botimi 'Levizja Protestante te shqiptaret 1818-1908" te autorit prof. dr. David Hosaflook. (Biblioteka Kombetare "Pjeter Bogdani", ora 10:30)

- Muzeu Kombëtar i Kosovës hap ekspozitën “Bienalen e Akuarelit Edicioni i 2-të” e cila sjellë vepra arti të artisëve nga 70 vende të botës me rreth 380 piktura. (Muzeu Kombëtar, ora 19:00)

 

- Në kuadër të projektit ' Tell Me More' të perkrahur nga MKRS dhe DKRS dhe të implementuar nga Kuvendi i të Rinjve të Prizrenit do të realizohet shfaqja teatrale në Shtepinë e Kulturës " Xhemajli Berisha ". (Shtëpia e Kulturës në Prizren, ora 20:00)