28 Mars 2024

Bahtiri kërkon nga MZHE që të shtrijë autoritetin e saj në ndërmarrjen "Trepça"

Mitrovicë, 2 mars -  Kryetari i komunës, Agim Bahtiri, sot ka pritur në një takim zyrtarët nga Zyra e Prokurimit në “Trepça” Sh.A, Bajram Jashari, Jusuf Jusufi, dhe Naser Bajrami, të cilët janë larguar përkohësisht nga puna me datë 20 dhjetor 2019, nga kryeshefi ekzekutiv i kësaj ndërmarrje, Basri Ibrahimi.

Në këtë takim zyrtarët në fjalë, kanë njoftuar kryetarin Bahtiri për shqetësimet e tyre në lidhje me vendimin mbi largimin e përkohshëm nga puna të katër zyrtarëve të Zyrës së Prokurimit në ndërmarrjen “Trepça” Sh.A.

Zyrtari i Prokurimit në “Trepça” Sh.A, Bajram Jashari, theksoi se vendimi për largim të përkohshëm nga puna, ka ardhur si shkak i një tenderi për shujtat e punëtorëve të “Trepçës”, me ç’ rast ka fituar kompania “Beni Dona Plast” Sh.P.K, të cilin e ka përzgjedhur komisioni i përbërë prej 5 anëtarëve.

“Kryeshefi ekzekutiv Basri Ibrahimi së bashku me auditorin Kujtim Saraqi kanë bërë presion tek ne që ky tender ti jepet operatorit NTP “Verona”, e jo “Beni Dona Plast” Sh.P.K, dhe ne kemi vepruar në bazë të ligjit dhe nuk kemi lejuar të shfuqizohet vendimi i komisionit vlerësues. Ku me këtë rast pa ndonjë paralajmërim dhe me një vendim absurd duke u bazuar tek një gabim teknik, i cili është përmirësuar tek kontrata tjetër, si dhe pa vendim të komisionit disiplinor, kryeshefi ekzekutiv i “Trepçës” ka marrë vendim të na largoj përkohësisht nga puna”, tha ndër të tjerash zyrtari i Prokurimit në “Trepçë”, z. Jashari.

Po ashtu i njëjti potencon se katër zyrtarët e larguar përkohësisht nga puna iu kanë drejtuar komisionit disiplinor me ankesë të bazuar, gjë që ata kanë vendosur për kthimin e tyre në punë, ku kryeshefi ekzekutiv z. Ibrahimi nuk e ka respektuar këtë vendim duke i larguar ata nga zyra.

Ndërsa kryetari Bahtiri pasi dëgjoi shqetësimet e zyrtarëve, tha se Trepça si kombinat i fuqishëm ekonomik është keqpërdorur e keqmenaxhuar nga menaxhmentet e tij, dhe se vendimet e tyre ishin më shumë politike se sa profesionale e zhvillimore për këtë ndërmarrje.

Gjithashtu kryetari Bahtiri kërkon nga Ministria e Zhvillimit Ekonomik të ketë ndikim dhe shtrijë autoritetin që ka, në mënyrë që të ndërmerren masa në përputhje me ligjet dhe rregulloret në fuqi. 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)