18 Nëntor 2019

Ambasadorja Stjernvall me interes të shtuar në adresimin e çeshtjeve mjedisore

Prishtinë, 28 tetor - Sot, në komunën e Vushtrisë me iniciativën e ambasadores së Finlandës në Kosovë, znj.Pia Stjernvall u organizua një vizitë për të parë nga afër sistemin e ngritur për sa i përket organizimit të ndarjes së mbeturinave në këtë qytet si edhe një vizitë në njërin prej klubeve të gjelbra të kësaj komuneëpër tu njoftuar me aktivitetet e tyre ekstrakurikulare mjedisore.

Këtë takim e mirëpriti Kryetari i Komunës së Vushtrisë z.Xhafer Tahiri, i cili shfrytëzoi rastin të tregojë reformat e kryera në këtë komunë në kuadër të sektorit të menaxhimit të mbeturinave, duke nisur prej investimeve në shërbime bazike deri në ngritjen e sistemit për ndarjen e mbeturinave të riciklueshme në këtë komunë në kuadër të pilot projekteve në implementim e sipër.

Kësisoj, Ambasadorja e shtetit finlandez znj. Stjernvall përgëzoi në arritjet e kësaj komune dhe shprehu interesim për bashkëpunime në të ardhmen në lërminë e mjedisit.

Prej anës së GAC , Znj.Beu- Mucaj falenderoi ambasadën e Finlandës, e cila vite më parë ka përkrahur zhvillimin e programit të edukimit mjedisor në institucionet edukative dhe ka mbështetur praktikat e para për ndarjen e mbeturinave në burim.

Si përmbyllje e këtij takimi miqësor,vetë ambasadorja e shtetit Finlandez në Kosovë znj. Stjernvall shfrytëzoi rastin për të mbajtur dhe një ligjëratë të hapur më nxënës të klubit të gjelbër të shkollës ne Nadakoc të Vushtrisë, duke trajtuar në këtë mënyrë temën e ndryshimeve klimatikë si temë globale që po trajtohet në shume vende.

Përmes aktiviteteve të shumta që GAC implementon, synohet sensibilizimi i qytetarëve dhe edukimi i brezave të rinj për rëndësinë e mbrojtjes së mjedisit dhe zbatimin e reformave të ndryshme që kanë nisur nëpër komuna në Kosovë sic është ajo e Riciklimit të mbeturinave..

Ky organizim i bashkëngjitet të gjitha aktiviteteve të GAC-it si shoqëri civile dhe ndikimit që ka në adresimin e ceshtjeve që ndërlidhen me fushën e menaxhimit të mbeturinave dhe që ndihmojnë në ngritjen e sistemeve adeguatë në këtë sektor.
 

Kalendari

Ngjarjet e datës 18 nëntor 2019

- Oda Ekonomike e Kosovës do të mbajë konferencë për media në të cilën do të prezentojë hulumtimin rreth opinionit të bizneseve për marrëveshjen Kosovë-Serbi. (Objekti i Odës Ekonomike të Kosovës, ora 9:00)

- Organizata për Demokraci, Anti-korrupsion dhe Dinjitet, ÇOHU! me përkrahjen e Ambasadës së Mbretërisë së Holandës përmes Programit Matra organizon tryezë në të cilën do të publikohet raporti me titull Qasja në Drejtësi. (Hotel Sirius, ora 10:00)

- Qendra e Inovacionit të Kosovës dhe Oda Ekonomike Amerikane në Kosovë organizojnë ceremoninë e hapjes së Javës Globale të Ndërmarrësisë 2019 në Kosovë. (Menza "Ramiz Sadiku" në Prishtinë, ora 10:00)

- Grupi Tematik për të Drejtat e Fëmijëve në Shëndetësi në kuadër të Koalicionit te OJQ-ve për Mbrojtjen e Fëmijëve organizon konferencën për media në te cilën do të prezantojë një dokumet me të dhëna dhe rekomandime për mbrojtjen e ambientit në Kosovë. (Qendra e Resurseve për OSHC, Forumi për Iniciativa Qytetare në Lagjen Pejton, ora 10:00) 

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it do të organizojë tryezë me titull “Pandëshkueshmëria e korrupsionit”. (Hotel Sirius, ora 10:00)

- Instituti Kërkimor për Çështje Evropiane dhe të Zhvillimit organizon prezantimin e studimit per Çështjen e Kompleksit të Trepçës dhe Çështjen e Reparacioneve për Krimet e Luftës të kryera në Kosovë në Kontekstin e ‘Finales së Madhe’ eventuale ndërmjet Kosovës dhe Serbisë. (Hotel Swiss Diamond, ora 10:00)

- Komuna e Prizrenit në bashkëpunim me PPSE Swisscontact dhe SHB Sharri përuron shtegun turistik të ri Via Ferrata "Panorama". (Gryka e Lumbardhit, 4.5 km nga qendra e qytetit, ora 11:00 - transporti i organizuar nga Komuna e Prizrenit, nisja nga Shtëpia e Bardhë, ora 10:30)

- Në kuadër të aktivitet kulturor kushtuar "Ditet e Alfabetit", promovohet botimi 'Levizja Protestante te shqiptaret 1818-1908" te autorit prof. dr. David Hosaflook. (Biblioteka Kombetare "Pjeter Bogdani", ora 10:30)

- Muzeu Kombëtar i Kosovës hap ekspozitën “Bienalen e Akuarelit Edicioni i 2-të” e cila sjellë vepra arti të artisëve nga 70 vende të botës me rreth 380 piktura. (Muzeu Kombëtar, ora 19:00)