05 Dhjetor 2022

2010, viti më i nxehtë në histori

SHBA, 25 maj - Shkencëtarët e çështjeve të klimës kanë dhënë alarmin se viti 2010 do të jetë viti më i nxehtë në historinë e njerëzimit. Ata kanë llogaritur temperaturën e sipërfaqes së globit dhe kanë arritur në përfundimin se bota ka regjistruar temperatura shumë të larta, afër rekordit mes muajve janar dhe prill.

Shkencëtarët që kanë punuar në mënyrë të pavarur në “MET Office” dhe NASA shumë shpejt do të publikojnë të dhëna që tregojnë se kjo tendencë mund të vazhdojë gjatë gjithë vitit.

James Hansen, drejtor i “Nasa’s Goddard Institute” për studimet hapësinore një qendër ndërkombëtare për monitorimin e çështjeve të klimës tha: “Temperaturat globale janë rritur shumë në 12 muajt e fundit duke u cilësuar si më të lartat në 130 vitet e fundit.

 Dhjetor–shkurti ishte gjithashtu një nga periudhat ku u regjistruan temperaturat më të larta”. Vicky Pope, kreu i komisionit për ndryshimin e çështjeve klimaterike në “Met Office”, deklaroi se: “Ka qenë një dimër i ftohtë, por globalisht  periudha janar - mars ishte një nga shtatë fillimet më të nxehta të vitit në histori. Ky vit ka më shumë se 50 për qind mundësi për t’u konsideruar si absolutisht më i nxehti”.

 Temperatura mesatare e sipërfaqes së globit është e bazuar në matjet e bëra nga mijëra stacione monitorimesh dhe satelite. Këto matje janë llogaritur dhe analizuar në mënyrë të pavarur nga “Met Office”, “Giss” dhe “National Climatic Data Center” në Karolinën e Veriut.

“Giss” tregon se nga janari në prill të këtij viti temperaturat janë rritur me një mesatare prej 0.75C, krahasuar me temperaturat e kësaj periudhe gjatë viteve të shkuara. Por ndryshimet klimaterike nuk janë shkaku i vetëm për këtë.

 Sipas shkencëtarëve, kjo nxehësi është e lidhur me spostimin e  përkohshëm të rrymës së Paqësorit, të njohur si El Niño, që ka bërë që oqeani të lëshojë në atmosferë një valë të madhe nxehtësie.

Kevin Trenberth, drejtoresha e analizës klimatike në “National Center for Atmospheric Research” në Kolorado, tregon: “Ne kemi parë një rritje nxehtësie shumë të shpejtë kohët e fundit, por ky është një shembull i një ndryshimi natyral që lidhet me ndryshimet në Paqësor më shumë sesa me ndryshimet e klimës”. “Megjithatë, kjo nxehtësi i shtohet rritjes prej 0.7 gradë C të temperaturës së globit të shkaktuar nga ndryshimi i klimës. Rekordi i temperaturave lidhet me të dy këta faktorë”.

John Christy, një profesor i shkencave atmosferike në Universitetin e Alabamas në Huntsville, u tregua i kujdesshëm për rekordin e temperaturave gjatë këtij viti duke nënvizuar se informacionet në nivel botëror kishin disa difekte që mund të çonin në një rritje të ekzagjeruar të temperaturave. “Tregohuni të kujdesshëm ndaj parashikimeve të klimës. Nëna natyrë gjithmonë mban një as nën mëngë”, tha ai.

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Ministrja e Drejtësisë, Albulena Haxhiu do të bëjë lansimin e Protokollit Shtetëror për Trajtimin e Rasteve të Dhunës. (Hotel Emerald, ora 11:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Zëvendësministri i Drejtësisë, Blerim Sallahu, do të hapë ekspozitën e të burgosurve rreth rasteve të Dhunës në Familje. (Hollin e Ministrisë së Drejtësisë, ish objekti Rilindja, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)            


- Komisioni Qendror i Zgjedhjeve mban mbledhjen e radhës. (Objekti i KQZ-së, ora 16:30)