24 Shtator 2020

Vihet gurthemeli për ndërtimin e kompleksit për familjet në nevojë

Mitrovicë, 20 janar - Kryetari i komunës, Agim Bahtiri, së bashku me drejtorin e organizatës “Qatar Charity”, Muhamoud Abbas Shkaer, kanë vënë sot gurthemelin për ndërtimin e 44 shtëpive, një shkolle, një shtëpi të shëndetit, katër lokale afariste, një objekt i destinuar për shfrytëzim nga “Qatar Charity” dhe një xhami për familjet në nevojë, në fshatin Frashër të Mitrovicës.

Në vënien e gurthemelit ishin të pranishëm nënkryetari i komunës, Faruk Mujka, drejtori për Shërbime Publike dhe Infrastrukturë, Naser Muja, drejtori për Urbanizëm dhe Planifikim Hapësinor, Besnik Beka, drejtori për Gjeodezi, Kadastër dhe Pronë, Hysen Muzliukaj, si dhe përfaqësues nga organizata “Qatar Charity”.

Me këtë rast kryetari Bahtiri ka falënderuar përfaqësuesit e “Qatar Charity” për mbështetjen e tyre të vazhdueshme ndaj Komunës së Mitrovicës, duke sjellë projekte madhore në sektorë të ndryshëm, për të përmirësuar cilësinë e jetesës së qytetarëve tanë. 

 “Ky projekt i mbështetur nga organizata juaj është shumë i rëndësishëm si në aspektin ekonomik ashtu edhe në atë social, por mbi të gjitha ka vlera humanitare sepse i atribuohet qytetarëve të cilët jetojnë në kushte jo të mira ekonomike. Dhe ne ndihemi shumë falënderues për mbështetjen e vazhdueshme dhe realizimin e shumë projekteve në qytetin tonë, kur dihet se aktualisht qyteti i Mitrovicës përballet me vështirësi të mëdha ekonomike”, tha ndër të tjerash Bahtiri.

Ndërsa, drejtori i organizatës “Qatar Charity”, Muhamoud Abbas Shkaer, theksoi se ata do të vazhdojnë edhe në të ardhmen të ndihmojmë qytetarët e Mitrovicës me projekte të ndryshme, e veçmas ato familje që me të vërtetë kanë nevojë.

Ky projekt realizohet nga bashkëfinancimi i Komunës së Mitrovicës, dhe organizatës “Qatar Charity”, me ç’rast Komuna e Mitrovicës do të participojë me mjete financiare në shumë totale prej 760,000.00 euro, si dhe ka siguruar pronën komunale për ndërtimin e të gjitha shtëpive për familjet në nevojë.



 

Kalendari

Ngjarjet e datës 25 Shtator 2020

- Zyra e Koordinatorit për Zhvillim të Kombeve te Bashkuara në bashkëpunim me Kryesinë e Kuvendit ri themelojn Këshillin SDG në Kuvendin e Kosovës. (Kuvendi i Kosovës, oborri para hyrjes kryesore, ora 9:00)

- Vazhdon seanca plenare e Kuvendit te Republikës së Kosovës. (Salla e Kuvendit, ora 10:00)

- Shefi i Grupit Parlamentar të PDK-së, Bedri Hamza, mban konferencë për media. (Hyrja e Kuvendit nga sheshi, ora 10:00)

- Drejtoria për Turizëm dhe Zhvillim Ekonomik, në vazhdën e aktiviteteve të realizuara me rastin e Ditës Botërore të Turizmit do të bëjë prezantimin e raportit të punës së kësaj drejtorie, që nga viti 2018 e deri më sot. (Salla e mbledhjeve të Kuvendit Komunal në Shtëpinë e Bardhë, ora 10:00)  

- Drejtoresha për Kulturë në Komunën e Prishtinës, Blerta Basholli dhe artisti Sislej Xhafa do të mbajnë konferencë për shtyp. (Ndërtesa e vjetër të Komunës, ora 11:00)

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it do të mbajë konferencë për media, në të cilën do të prezantoj raportin analitik të aplikimit të Konventës Evropiane për të Drejtat e njeriut dhe jurisprudencës së Gjykatës Evropiane për të Drejtat e Njeriut nga Gjykatat e Republikës së Kosovës. (Hotel Sirius, ora 11:00)

- Mbahet mledhja e jashtëzakonshme e Kuvendit të Shoqatës së ndërmarrjeve që merren me qarkullimin e naftës, derivative të naftës, gazrave dhe lubrifikanteve “SHQNGL”, i ftuar është edhe Ministri i Tregtisë dhe Industrisë Vesel Krasniqi. (Objekti i Odës Ekonomike të Kosovës, ora 11:00)

- Bëhet inaugurimi i veprës "trëndafili i bardhë" nga Sislej Xhafa, që është vepra e parë e projektit "Art në Hapësirë Publike". (Rruga "Andrea Gropa", te "Klubi i Pëllumbave" ora 11:45)

- Konstituohet Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës. (Ndërtesa e Kuvendit, salla C203, ora 12:00)

- Partia Socialdemokrate do të mbaj një aktivitet afër bankës "Pro Credit Bank". (Përballë rektoratit të UP-së, lagjia "Tre Sheshirat", ora 13:00)

 - Mbahet seanca plenare e Kuvendit te Republikës së Kosovës. (Salla e Kuvendit, ora 13:00)

- Fillon edicioni i dytë i festivalit Lahuta, Okarina Polifionia. (Ambientet e Qendrës për zhvillimin e kultures tradicionale në Prishtinë, ora 18:30)