Prishtinë, 27 nëntor - Lëvizja Vetëvendosje (LVV) ka bërë të ditur se sot, në orën 02:00 në mëngjes, konvoji prej 17 makinave të ndryshme, përfshirë edhe një autoambulancë, me 51 tonë ndihma ka arritur në Durrës.

Vetëvendosje ka theksuar se shpërndarja e këtyre ndihmave po vazhdon edhe në këto momente.

Ky ishte konvoji i parë i këtij lloji, ndërkaq që ndihmat tjera të cilat janë mbledhur gjatë natës dhe po vazhdojnë të sillen nga qytetarë të shumtë gjatë gjithë kohës në të gjitha Qendrat Lëvizjes Vetëvendosje!, do të transportohen sot.

Nisja do të bëhet në ora 15:00, nga Prizreni, ku do të jetë pika e takimit e konvojeve me ndihma nga Qendrat tjera.