24 Mars 2019

USAID vazhdon ta përkrah zhvillimin e ATK-së

Prishtinë, 9 gusht - Drejtori i Përgjithshëm i ATK-së së bashku me menaxhmentin e lartë, sot ka pritur në takim përfaqësues nga USAID misioni në Kosovë, Markham Isom dhe Blerim Bilibani.

Qëllimi i takimit ishte diskutimi për vizionin e Administratës Tatimore të Kosovës për të ardhmen, sukseset, sfidat dhe kapacitet për zhvillim.

Drejtori Imeri, përfaqësuesit nga USAID i njoftoj me Planin e Veprimit për Reformë për periudhën 2019–2021, i cili në Gusht 2018 është hartuar në bashkëpunim me misionin këshillues të FMN-së.

Gjatë takimit, u diskutuan edhe fushat në të cilat ATK dëshiron të ketë përkrahje nga donatorët dhe fushat ku USAID mund ta mbështet.

USAID ka shpreh gatishmërinë për përkrahjen e ATK-së në realizimin e disa veprimeve nga reforma në të cilën ATK konsideron se do të jetë një sfidë, posaçërisht veprimet të cilat janë të nevojshme të realizohen në bashkëpunim edhe me palë të interesit.

USAID, ka qenë përkrahës i shumë proceseve në Qeverinë e Kosovës në përgjithësi, e në veçanti edhe i proceseve në ATK.

 

Kalendari

Ngjarjet e datës 24 mars 2019

- Kryeministri Ramush Haradinaj në kuadër të manifestimit qendror “Epopeja e Dukagjinit”, bënë homazhe në Kompleksin Memorial në Gllogjan. (Gllogjan, ora 10:00)

- Në 20 vjetorin e rënies së atdhetarëve Prof. Latif Berisha dhe Agim Hajrizi, Kryesia e LDK-së bashkë me Kryetarin e Degës së LDK-së në Mitrovicë, Safet Kamberi dhe struktura të degës, bëjnë homazhe te varri i Prof. Latif Berisha. (Fshati Smrekonic, ora 11:00)

- Presidenti i Republikës së Kosovës, Hashim Thaçi, merr pjesë në manifestimin shtetëror “Epopeja e UÇK-së në Dukagjin”. (Gllogjan, ora 12:00)

- Kryeministri Ramush Haradinaj merr pjesë në tubimin qendror në përkujtim të Betejës së Gllogjanit dhe të gjithë dëshmorëve dhe të rënëve për liri. (Gllogjan, ora 12:00)