24 Maj 2019

USAID përkrah forcimin e pozitës ekonomike e fiskale të Kosovës

Prishtinë, 16 maj - Ministri i Financave Bedri Hamza ka pritur në takim drejtoreshën e Misionit të USAID-it në Kosovë Lisa Magno dhe ekipin e saj.

Ministri Hamza falënderoi znj. Magno për mbështetjen dhe bashkëpunimin e ngushtë të USAID-it  me Ministrinë e Financave, duke shtuar se kjo mbështetje që burimin e saj e ka nga taksapaguesit e Shteteve të Bashkuara të Amerikës, ka dhënë frytet e veta në fushën e financave publike dhe stabilitetit makro-ekonomik.

Me këtë rast ministri Bedri Hamza, informoi drejtoreshën Lisa Magno dhe ekipin e saj për ecuritë e fundit lidhur me progresin në fushën e financave, ekonomisë dhe orientimin tonë për ta ndihmuar zhvillimin e sektorit privat përmes reformave ligjore dhe fiskale.

Në anën tjetër drejtoresha e Misionit të USAID-it në Kosovë Lisa Magno falënderoi Ministrin Hamza për punën dhe bashkëpunimin e deritanishëm, duke theksuar se nën udhëheqjen e tij Ministria e Financave ka arritur rezultate të konsiderueshme.

Ajo theksoi se është shumë e rëndësishme që këto të arritura të ruhen e forcohen tutje, ndërsa ri-konfirmoi mbështetjen e saj dhe të USAID-it për Ministrinë e Financave, si një partner shumë i besueshëm i bashkëpunimit me USAID-in.

Në këtë kontekst, ajo e informoi Ministrin Hamza që projekti i USAID-it Aktiviteti për Qeverisje Ekonomike tani më ka filluar së implementuari, ndërsa  njëra prej komponentave të këtij projekti lidhet me mbështetjen e reformave në fushën e menaxhimit të financave publike.

Për më tepër, ajo tha se një tjetër komponentë e këtij projekti është fusha që ka të bëjë me përmirësimin e ambientit të të bërit biznes, ndërsa një objektivë e re, shumë e rëndësishme, është ajo që ka të bëjë me komunikimin strategjik me bizneset dhe qytetarët në të gjitha fazat e politik-bërjes.

Ministri Hamza dhe drejtoresha e USAID-it  znj. Magno gjithashtu u pajtuan për vazhdimin e bashkëpunimin e shkëlqyer midis dy institucioneve, me synim ruajtjen dhe forcimin e mëtutjeshëm të pozitës ekonomike e fiskale të Kosovës.

 

 

Kalendari

Ngjarjet e datës 24 maj 2019

- Nisin punimet për rregullimin e rrugës kryesoret të qytetit të Deçanit Rrugës së  Qendrës konkretisht rrugës 'Luan Haradinaj' dhe 'Dëshmoret e Kombit'. (Në afërsi të pikës së karburantit Agonisi Gas në Carrabreg, ora 10:00)

- Mbahet mbledhja e komisionit për Mbikëqyrjen e Financave Publike në të cilën do të behët shqyrtimi i Raportit të Auditimit për raportet financiare dhe atyre të deklarimit financiar të subjekteve politike për vitin 2017. (Ndërtesa e Kuvendit, salla N 302, ora 10:00)

- Kryeministri Ramush Haradinaj merr pjesë në ceremoninë e fillimit të punimeve të rrugës së qytetit të Deçanit. (Sheshi i qytetit në Deçan, ora 10:00)

- Drejtori i Zyrës për Rritje Ekonomike i USAID-it në Kosovë, Brian Martalus, do të mbajë një fjalim në hapjen e Konferencës Ekonomike të Diasporës Shqiptare nga Evropa - B2B. (Hotel Emerald, ora 10:00)

- “Let’s Do It” mban aksion pastrimi në disa fshatra të Hasit, me moton “Për një Has të pastër”. (Fshati Gjonaj tek Ura e Drinit të Bardhë, ora 10:00)

- Drejtoresha e misionit të USAID-it Lisa Magno do të flasë me rastin e prezantimit të gjashtë video udhëzuesve për e-prokurim. (Hoteli Swiss Diamond, ora 10:00)

- Mbledhja e komisionit Ad-hoc për përmirësimin dhe forcimin e procesit zgjedhor në të cilën do të behët shqyrtimi i kërkesës së Grupit për Studime Juridike dhe Politike për pjesëmarrje në Grupin Këshillëdhënës. (Ndërtesa e Kuvendit, salla N 303, ora 10:00)

- Kryeministri Ramush Haradinaj me rastin e përvjetorit të rënies së 16 dëshmorëve të Batalionit Gardist “Shkëlzen Haradinaj” bën homazhe në Kompleksin Memorial “Dëshmorët e Kombit” në Gllogjan. (Kompleksi Memorial “Dëshmorët e Kombit” në Gllogjan, ora 11:00)

- Programi i Kombeve të Bashkuara për Zhvillim, Ministria e Punëve të Brendshme dhe Policia e Kosovës do të shënojnë së bashku Ditën Ndërkombëtare të Grave për Paqe dhe Çarmatim me një konferencë shtypi. (Ambientet e UNDP-së, ora 11:00)

- Kryeministri Ramush Haradinaj me rastin e përvjetorit të rënies së 16 dëshmorëve të Batalionit Gardist “Shkëlzen Haradinaj” bën homazhe në Fshatin Kodrali. (Fshati Kodrali, ora 11:30)

- Presidenti i Republikës së Kosovës, Hashim Thaçi, merr pjesë në Akademinë Përkujtimore për heroin Abdullah Tahiri. (Teatri Kombëtar i Kosovës, ora 12:00)

- Prokuroria Themelore e Pejës organizon konferencën për media ku temë diskutimi do jetë ngritja e dhjetëra aktakuzave për rastin e njohur në opinionin publik si “veteranët e rrejshëm”. (Objekti i Prokurorisë Themelore të Pejës, rruga “Hasan Cermaxhija”. ora 12:00)

- 44 nxënës nga klasa 7 deri në klasën 9, nga të gjitha regjionet e Kosovës do të takohen për të garuar në finalen e garës së tretë vjetore të gërmëzimit.  (Biblioteka kombëtare, ora 13:15)

- Ministria e Kulturës, Rinisë dhe Sportit organizon ceremoninë e ndarjes  së çmimeve “Nikete Dardani”. (Kabineti i Ministrit të Kulturës, ora 13:30)

 - Shënohet 19 vjetori i themelimit të Aleancës për Ardhmërinë e Kosovës në Gjakovë. (Pallati i Kulturës” Asim Vokshi” , Gjakovë, ora 18:00)

- Organizuar nga Ministria e Diaspores dhe Investimeve Strategjike dhe Rrjeti i Bizneseve të Diasporës Shqiptare mbahet konferenca ekonomike e diasporës shqiptare nga Evropa më B2B. (Hotel Emerald, ora 20:00)

- Kryeministri Ramush Haradinaj merr pjesë në Konferencën Ekonomike të Diasporës Shqiptare nga Evropa, organizuar nga Ministria e Diasporës dhe Investimeve Strategjike dhe Rrjeti i Bizneseve të Diasporës Shqiptare. (Hotel Emerald, ora 20:00)