22 Gusht 2019

USAID nënshkruan Memorandum Mirëkuptimi me 14 komuna të Kosovës

Prishtinë, 24 korrik - Drejtoresha e Misionit të USAID-it në Kosovë, Lisa Magno, do të nënshkruajë Memorandumi Mirëkuptimi (MOU) me 14 komuna të Kosovës. 

USAID-i përmes Aktivitetit Qeverisja Efektive Lokale bashkëpunon me katërmbëdhjetë komuna të Kosovës për të forcuar operacionet dhe përfshirjen e qytetarëve në qeverisjen komunale në komunat me komunitete jo-shumicë në Kosovë dhe për të rritur bashkëpunimin dhe ndërveprimin ndër-etnik midis komuniteteve shumicë dhe pakice dhe qeverisjes përkatëse lokale në 14 komuna.

Komunat partnere përfshijnë Kllokot, Novobërdë, Zubin Potok, Leposaviq, Mitrovica Veriore, Zveqan, Obiliq, Istog, Klinë, Dragash, Shtrpce, Gracanice, Partesh, dhe Ranillug;

Aktiviteti ka një qasje gjithëpërfshirëse drejt integrimit të komuniteteve minoritare në institucionet dhe shoqërinë kosovare duke bashkëpunuar me komunat dhe grupet e komunitetit me qëllim përmirësimin e shërbimeve komunale dhe forcimin e kërkesës së qytetarëve.

Aktiviteti i ri do të bashkëpunojë si me nivelin qendrorë ashtu dhe me atë lokal të qeverisjes, me një qëllim të përgjithshëm për të ndërtuar kapacitetet e institucioneve, për të përmirësuar ofrimin e shërbimeve dhe integrimin më të mirë të komunave serbe të Kosovës në sistemin e Kosovës.

Kalendari

Ngjarjet e datës 22 gusht 2019

- Mbahet seanca plenare e Kuvendit të Republikës së Kosovës në të cilën do të behët shqyrtimi i propozimit të Grupit të deputetëve për shpërndarjen e Legjislaturës së gjashtë të Kuvendit të Republikës së Kosovës. (Kuvendi i Kosovës, ora 10:00)

- Komuna e Prishtinës organizon vendosjen e pesë njësive shtesë të pemëve për pastrimin e ajrit në sheshin "Zahir Pajaziti" ku do të jetë prezent dhe Kryetari i Komunës, Shpend Ahmeti. (Sheshi i 'Zahir Pajazitit', ora 10:00)

 - Mbahet dita e tretë e Etnofestit në të cilën do të mbahet punëtoria kreative, instalacione me atelje te pikëtorëve dhe skulptorëve, punime artizanale, etj. (Ambientet e Etnofestit në fshatin Kukaj, ora 10:30)

- Kryetari i Komunës se Istogut, Haki Rugova do të organizojë dëgjimin me qytetarë për Draft Buxhetin Komunal për vitet 2020-2022. (Salla e Kuvendit Komunal në Istog, Kati III, ora 11:00) 

- Kryetari i Komunës së Prizrenit Mytaher Haskuka do të pret në takim anëtarin e Parlamentit Britanik, John Grogan ku pas takimit do të ketë edhe një konferencë të përbashkët për media. (Shtëpia e Bardhë në Prizren, ora 13:00)

- Aleanca Franceze e Prishtinës, Kino Armata dhe Termokiss organizojnë së bashku edicionin e parë të festivalit "Kino nshehër". (Termokis, ora 20:00)