18 Shkurt 2019

Ulët parashikimi për rritjen ekonomike të Eurozonës

Bruksel, 13 korrik - Në raportin "Parashikimi ekonomik europian" për verën e vitit 2018, të publikuar të enjten nga Komisioni Europian, thuhet se, si pasojë e tensioneve tregtare të nisura nga ShBA-ja, e ngritjes së çmimit të naftës dhe e faktorëve të tjerë të rrezikut, parashikohet se rritja e ekonomisë së Eurozonës sivjet do të jetë 2.1%, më e ulët se 2.3% e parashikuar në maj.

Sipas raportit, në vitin 2019 ekonomia e Eurozonës do të rritet me 2%, po aq sa ishte edhe parashikimi i majit.

Nën ndikimin e ngritjes së çmimit të energjisë, në raport parashikohet se sivjet dhe vitin e ardhshëm inflacioni mesatar i Eurozonës do të jetë 1.7 %, shifër kjo më e lartë se përkatësisht 1.5% dhe 1.6% të parashikuara në maj.

Komisionari i BE-së për Çështjet Ekonomike dhe Financiare Pierre Moscovici ka paralajmëruar që, nëse situata e nderë e tregtisë do të përshkallëzohet më tej, kjo do të ushtrojë ndikime negative jo vetëm mbi ekonominë e BE-së, por edhe atë amerikane. 

Kalendari

Ngjarjet e datës 19 shkurt 2019 - Mbahet mbledhja e Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit në të cilën do të behët shqyrtimi i raportit me amendamente në Projektligjin për Hetim Parlamentar. (Ndërtesa e Kuvendit, salla C 203, ora 11:00)

- Bëhet përurimi i libri “Liri për Sadri Ramabajën” i përgatitur për botim nga Sherif Konjufca, kurse është botuar nga Shoqëria Lëvizja. (Bibliotekën kombëtare “Pjetër Bogdani”, ora 12:00)

- Partia Socialdemokrate organizon tryezë lidhur me pagën minimale, me titullin “Pagë me jetu!”. (Hotel Sirius, ora 13:00)

- Universiteti i Prishtinës “Hasan Prishtina” do të organizojë mbledhje komemorative pas ndarjes nga jeta të akademik Idriz Ajetit, i cili shërbeu edhe si rektor i Universitetit të Prishtinës. (Salla e Senatit në Rektorat, ora 14:00)

- Galeria e Ministrisë së Kulturës e fillon Programin e saj Artistik për vitin 2019 me ekspozitën “Origjinaliteti”, të autorit Visar Mulliqi. (Galeria e Ministrisë së Kulturës, ora 19:00)