09 Shkurt 2023

Të hyrat tatimore rriten prej 22 % në vitin 2022

Prishtinë, 22 nëntor - Zëvendësues Drejtori i Përgjithshëm i ATK-së, Ilir Murtezaj me bashkëpunëtorët e tij sot kanë pritur në takim z.Diar Seckinger, Shef i Njësisë Ekonomike në Ambasadën e Shteteve të Bashkuara të Amerikës në Prishtinë me ekipin e tij, si dhe Dardana Peja nga USAID.

Takimi ishte në frymën e bashkëpunimit me dhe mbështetjen e vazhdueshme qe qeveria e Shteteve të Bashkuara të Amerikës, përmes projekteve të ndryshme i kanë ofruar ATK-së, në reformimin e shumë proceseve të cilat kanë dhënë rezultate të jashtëzakonshme në performancen e ATK-së.

Ajo çka u diskutua me theks në këtë takim ishte trendi i inkasimit të të hyrave tatimore, për të cilat u njoftuan në detaje rreth faktorëve qe kanë ndikuar në rritjen prej 28% të të hyrave tatimore ne vitin 2021, respektivisht rritjes prej 22 % në dhjetë mujorin e vitit 2022, të cilat rezultate janë më të larta që nga themelimi i institucionit tatimor. Po ashtu, u diskutua edhe për pritjet lidhur me vazhdimin e trendit rritës ne vitet 2023 dhe 2024.


 

Kalendari

Ngjarjet e datës 9 shkurt 2023

- Kuvendi i Republikës së Kosovës mban seancë plenare. (Kuvendi i Kosovës, ora 10:00)

- Këshilli Gjyqësor i Kosovës mban mbledhjen e radhës. (Objekti i KGJK-së, ora 10:00)

- Ministri i Shëndetësisë, Arben Vitia, viziton Komunën e Podujevës, ku do të pritet nga kryetari Shpejtim Bulliqi. (Podujevë, ora 10:00)

- Ministri i Shëndetësisë, Arben Vitia, dhe kryetari i Podujevës, Shpejtim Bulliqi, do të përurojnë Qendrën e Mjekësisë Familjare në Gllamnik. (Fshati Gllamnik, Podujevë, ora 11:00)  

- Komuna e Prizrenit nënshkruan Agjendën e Kontratës Sociale për Prizrenin, që është zotim i përbashkët i Komunës dhe qytetarëve për përmirësimin e komunikimit, bashkëpunimit dhe veprimeve kolektive. (Këndi Amerikan në Prizren, ora 11:00)

- Federata e Boksit organizon ceremoninë e ndarjes së çmimeve “Laureatët e viti 2022”. (Hotel Sirius, ora 17:00)