01 Dhjetor 2022

SMART Ballkan sjell 14.5 milin grande për shoqërinë civile dhe median

Prishtinë, 23 qershor - Më shumë se 450 grante për sektorin e shoqërisë civile dhe median me një vlerë prej 14.5 mln Euro do të ofrohen në të gjithë rajonin e Ballkanit Perëndimor gjatë periudhës 2022-2025 nga programi rajonal SMART Balkans.

Fokus i programit do të jenë çështje të rëndësishme të agjendës së zhvillimit dhe integrimit të Kosovës dhe Rajonit si siguria, paqja, mirëqeverisja dhe integrimi evropian, si dhe roli i shoqërisë civile në këto çështje.

Konferenca prezantuese e SMART Balkans qe do te mbahet sot sjell së bashku organizata të shoqërisë civile, përfaqësues të lartë të institucioneve shtetërore, media, rrethe akademike, organizata dhe partnerë ndërkombëtarë për tu njohur me prioritetet e programit dhe përditësuar më tej ato.

Pjesëmarrësve në konferencë do tu drejtohen përfaqësues të institucioneve si H.E. Z. Jens Erik Grondahl (Ambasador i Norvegjisë në Republikën e Kosovës dhe në Republikën e Shqipërisë) Z. Habit Hajredini (Drejtor për Mirëqeverisjen, Zyra e Kryeministrit), Znj.Nita Shala, Zëvendësministre e Drejtësisë dhe përfaqësues të tjerë si dhe ekspertë të shoqërisë civile dhe rretheve akademike në vend.

 

Kalendari

Ngjarjet e datës 1 dhjetor 2022

- Komisioni për Shëndetësi dhe Mirëqenie Sociale shqyrton Projektligjin mbi ndarjet buxhetore për Buxhetin e Republikës së Kosovës për vitin 2023, për fushat që janë në fushëveprim të Komisionit. (Ndërtesa e Kuvendit, salla N302, ora 9:00)

- Ne kuadër të Ditës botërore të luftës kundër sëmundjes së HIV/AIDS, Drejtoria e Shëndetësisë organizon hapjen e Qendrës Mobile për testim me ç’ rast Kryetari i Prishtinës, Përparim Rama bashkë me Drejtorin e Shëndetësisë Izet Sadiku do të vizitojnë këtë qendë. (Sheshi Zahir Pajaziti, ora 11:00)

- Komisioni për Ekonomi, Industri, Ndërmarrësi dhe Tregti shqyrton kërkesat buxhetore të institucioneve që i raportojnë Komisionit, lidhur me Projektligjin mbi ndarjet buxhetore për Buxhetin e Republikës së Kosovës për vitin 2023. (Ndërtesa e Kuvendit, salla N10, ora 11:00)

- Drejtoria e Shëndetësisë në Komunën e Prishtinës organizon një panel diskutimi me temë “Barazia - Dita Botërore e HIV/AIDS” me akterët relevant të kësaj teme. (Salla e amfiteatrit në objektin e Qendrës së Studenteve, ora 12:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike interviston dëshmitare nga ZRRE për periudhën 2013-2017 dhenga KEK për periudhën 2018-2022. (Ndërtesa e Kuvendit, salla N204, ora 13:00)

- Kolegji AAB organizon ceremoninë e ndarjes së Çmimit Ndërkombëtar për Demokraci dhe Integrime, politikanes së njohur gjermane, ish deputete në Parlamentin Evropian, zonjës Doris Pack. (Teatrin AAB “Faruk Begolli”, ora 15:00)

- Kolektivi Për Mendim dhe Veprim Feminist organizon protestë për të kërkuar që vrasjet e grave nga burrat të trajtohen si urgjencë kombëtare. (Sheshi Zahir Pajaziti, ora 16:00)

- Galeria 17 organizon hapjen e ekspozitës "In the making", nga Yll Xhaferi dhe DYVO. (Galeria 17, ora 18:00)

- Mbahet hapja solemne e Festivalit Ndërkombëtar të Filmit “Art Without Limit International Film Festival” edicioni i 3 -të. (Kino Armata, ora 19:00)